InfoHub Logo

تاقىرىبى: «ىنتىماق ءۇيدى جىلىتادى»
ماقساتى: ادامداردى سىيلاۋ – اتا - انانى قۇرمەتتەۋدەن باستالادى.
وقۋشىلاردى اكە - اناسىن، اتا - اجەسىن، باۋىر – قارىنداستارىن سىيلاۋعا، قۇرمەتتەۋگە تاربيەلەۋ، جانۇيا مۇشەلەرىنىڭ ءبىرىن – ءبىرى قادىرلەۋگە، قۇرمەتتەۋگە، دوس بولۋعا تاربيەلەۋ.
كورنەكىلىگى: قاناتتى سوزدەر، سۋرەتتەر، مەرەكەلىك بەزەندىرۋلەر.

بارىسى: I. ۇيىمداستىرۋ
II. جوسپارمەن تانىستىرۋ
1. كىرىسپە ءبولىم
ا) «رۋحاني اڭگىمە»
ءا) جانۇيا بەلگىسى
2. جۇمباق كەيىپكەر
ا) تىڭداۋ
ءا) سۇراق - جاۋاپ
ب) پىكىرتالاس
3. ەمتيحان سۇراقتارى
ا) وقۋشىلارعا
ءا) اتا - انالارعا
4. ءوز ونەرىن كورسەتۋ
5. ماقال - ماتەل سايىسى
كىرىسپە
ا) رۋحاني اڭگىمە (جانۇيا باسشىلارىمەن سۇحبات)
ءا) ەمبلەمالارىمەن تانىستىرۋ
1. - ال، اتا - انالار، وقۋشىلار، جۇمباق كەيىپكەرگە سۇراقتارىڭىز بار ما؟
- قانداي اقىل - كەڭەس بەرەسىزدەر؟
- جۇمباق كەيىپكەر، ءسىز بۇعان كىمدى كىنالايسىز؟
- بالاڭىزدىڭ دوستارى قانداي بالالار؟
- جۇرگىزۋشى: ۇلى اباي «بالاعا مىنەز ءۇش الۋان ادامنان جۇعادى»
1. – اتا - انا
2. – ۇستازىنان
3. – قۇربىسىنان دەگەن ەكەن
جۇمباق كەيىپكەرىمىز بارا بەرۋىنە بولادى. ال ەندى پىكىرتالاسىمىزدىڭ نەگىزگى بولىمىنە كوشەيىك.
2. 1. اتا - انا قاي جەردە قاتەلىك جىبەردى؟
2. وسى ماسەلەگە كىم تىكەلەي قاتىستى، اكە مە، الدە انا ما؟
3. سوڭعى جاعدايدا انا مەن بالا اراسىندا نە جەتىسپەيدى؟
4. وسىنداي وقۋشىنىڭ ورنىندا بولساڭدار نە ىستەر ەدىڭدەر؟
3. ەمتيحان سۇراقتارى
1. اتا - اناننىڭ تۋعان جىلىن، كۇنىن بىلەسىڭ بە؟
2. اتاڭ مەن اجەڭنىڭ جاسى نەشەدە؟
3. اناڭنىڭ سۇيىكتى ءانىن بىلەسىڭ بە؟
4. اكەڭە، اناڭا سىيلىقتار سىيلايسىڭ با؟
5. اتا - اناڭنىڭ ءجيى ايتاتىن تاربيەلىك جاقسى سوزدەرى؟
6. سەن اتا - اناڭنىڭ العاش تانىسۋ تاريحىن بىلەسىڭ بە؟
7. اكەڭنىڭ مىنەزىندەگى جاقسى جاقتارىن ايتشى.
8. سەندە 10.000 تەڭگە بار بولسىن، نە ساتىپ الار ەدىڭ؟
9. دۇكەننەن وزىڭە قاتتى ۇنايتىن زاتتى كوردىڭ. نە ىستەر ەدىڭ؟
10. 8 - ناۋرىز مەرەكەسى جاقىنداپ قالدى، سەندە اقشا جوق. اناڭدى نەمەن، قالاي قۋانتاسىڭ؟
11. سەن ءبىر جۇماعا باسقا جاققا كەتتىڭ. ءۇي ءىشىڭدى ساعىناسىڭ با؟
12. اعايىڭا (ءىنى، قارىنداسىڭا) جاڭا كيىم اپەردى، ساعان جوق. بۇل جاعدايدى قالاي قابىلدايسىڭ؟
13. اناڭ تاڭەرتەڭ قاشان تۇرادى، تۇندە ۇيىقتاۋعا قاشان جاتادى؟
14. ەگەر سەن سيقىرشى بولساڭ، جانۇياڭا قانداي جاعداي جاسار ەدىڭ؟
15. جانۇياڭدا سەن ءۇشىن نە قىمبات؟
16. اتا - اناڭ سەنىڭ دوستارىڭدى بىلە مە؟
17. سەن اتا - اناڭدى ايايسىڭ با؟ قالاي؟
18. كەلەشەكتە سەنىڭ جانۇياڭ قانداي بولعانىن قالايسىڭ؟ بىزگە ايتىپ بەرشى؟
19. سەنى جانۇيادا كوپ ەركەلەتە مە؟
20. سەن اتا - اناڭنىڭ ەكەۋىن جاقسى كورەسىڭ بە؟ الدە بىرەۋىن ەرەكشە جاقسى كورەسىڭ بە؟

اتا - انالارعا ارنالعان ەمتيحان
قۇرمەتتى اتا - انالار، سىزدەرگە بالا تاربيەسىندە ەمتيحان كۇندەلىكتى ءار ساعاتتا، جىل بويى كەزدەسەدى. سوندىقتان كەيبىر كەزدەسەتىن جاعدايلاردى قالاي شەشەسىزدەر، سونى بىلگىم كەلەدى. مەن سىزدەرگە سۇراقتار بەرىپ سوعان جاۋاپ بەرۋلەرىڭىزدى سۇرايمىن.
1. ءسىز ۇيدە تىعىز ءبىر جۇمىس ىستەپ جاتىرسىز. بالاڭىز وزىنە كوڭىل اۋدارعانىن قالايدى. ءسىز نە ىستەر ەدىڭىز؟
2. ءسىز شارشاپ، ءوزىڭىزدى ناشار سەزىنىپ تۇرسىز. ءسىزدىڭ ۇلىڭىزعا (قىزىڭىزعا) دوستارى كەلەدى. ءسىز نە ىستەر ەدىڭىز؟ (ءسىز نە ايتار ەدىڭىز؟).
3. قىزىڭىز (ۇلىڭىز) ءسىزدىڭ العاشقى ماحابباتىڭىز تۋرالى بىلگىسى كەلەدى. (ءسىز نە ايتار ەدىڭىز؟).
4. ءسىز بالاڭىزعا كۇندەلىكتى كوپ ۋاقىت (كوپ كوڭىل) بولەسىز بە؟
5. ءسىز بالاڭىزدىڭ تەمەكى تارتقانىن بايقاپ قالدىڭىز. نە ىستەر ەدىڭىز؟ ءوزىڭىز تەمەكى تارتار مە ەدىڭىز؟
6. بالاڭىز تۋعان كۇننەن كەش كەلدى، ونىڭ ازداپ ىشىمدىك ىشكەنىن سەزدىڭىز. نە ىستەر ەدىڭىز؟
7. ءسىز بالاڭىزدىڭ وتىرىك ايتاتىنىن بايقادىڭىز. نە ىستەر ەدىڭىز؟
8. ءسىزدىڭ بالاڭىز مۇعالىمدەر تۋرالى جامان پىكىر ايتتى. ءسىز بۇل جاعدايدا نە ىستەر ەدىڭىز؟
9. سىزگە بالاڭىزدىڭ دوسى (قۇربىسى) ۇنامايدى. ءسىز بۇل جاعدايدا نە ىستەر ەدىڭىز؟
10. بالاڭىزدىڭ ديسكوتەكاعا بارۋىنا رۇقسات بەرەسىز. بالاڭىزدىڭ ساعات نەشەدە ۇيدە بولۋىن تالاپ ەتەسىز؟
11. ءسىزدىڭ كوڭىل - كۇيىڭىز تومەن بولسا، جانۇياعا، بالالارىڭىزعا اسەرى تيە مە؟
12. بالا تاربيەسىندەگى قانداي ءادىستى ءجيى قولداناسىز؟
13. ءسىز بالاڭىزدىڭ تەك قانا اتا - انا ەمەس، دوس بولۋلارىڭىز كەرەك. بۇل ءۇشىن ىستەۋلەرىڭىز كەرەك؟
14. ءسىز بالاڭىزدىڭ جامان قىلىعىن ءبىلدىڭىز. ءسىز قالاي قابىلدايسىز جانە نە ىستەر ەدىڭىز؟
15. ءسىز بالاڭىزدىڭ كۇندەلىگىن تەكسەرىپ، العان باعالارىنا اناليز جاسايسىز با؟ اڭگىمەلەسەسىز بە؟

بۇگىنگى «ىنتىماق – ءۇيدى جىلىتادى» اتتى كەشىمىزدى قورىتىندىلاي كەلە، بالا تاربيەلەۋدە اتا - انانىڭ ىقپالى زور، بارلىق جاسىل جەلەكتەر كۇن كوزىنە قاراپ بوپ تۇزەيدى. ولار كولەڭكەنى سۇيمەيدى. ارتىق بۇتاقتار مەن ارام شوپتەردى قىرقىپ، وتاپ وتىرساڭىزدار ەككەندەرىڭىز ءتۇزۋ، القابىڭىز جايناپ تۇرارى ءسوزسىز. بالا دا سول. وعان اقىل - كەڭەس، ونەگەلى اڭگىمە، مەيىرىمى كەرەك. ولاي بولسا، اعايىن، بالا تاربيەسى تەك وتباسىندا اتا - انالىق پارىزىمىز عانا ەمەس، وتان الدىنداعى بورىشىمىز ەكەنىن ەستەن شىعارمايىق!

بۇگىنگى كەشتەن العان اسەرىمىزدەن ءارقايسىمىز ءوز ويىمىزبەن ءتۇيىن تۇيەيىك. ولاي بولسا، كەش سوڭىندا مەكتەپكە ءجيى كەلىڭىزدەر. اتاقتى پەداگوگ ۆ. سۋحوملينسكييدىڭ «جانۇيا مەن مەكتەپ تاربيەسى بىرىككەندە عانا تولىق تاربيە بولادى» دەگەن ءسوزىن ۇمىتپاڭىزدار دەگىمىز كەلەدى. بۇگىنگى كەشىمىزدى وتكىزۋگە اتسالىسقان اتا - انالارعا، ۇستازدارعا، وقۋشىلار سىزدەرگە راحمەتىمىزدى ايتامىز.