InfoHub Logo

قازاقتار قالماقتاردى اياققالقانعا ءتۇرىپ تاستاپ، اسكەرىن الىپ قايتىپ شەلەككە كەلىپ توقتاپتى. قول باستاعان باتىرلاردىڭ قاتارىندا جالايىر ەسكەلدى، بالپىق، دۋلات شەرۋكە، وتەگەن، سەگىزسارىدان بيەكە باتىر، قاراكەرەي قابانباي باتىر، الجان رايىمبەك باتىرلار بولادى. وتكەلدىڭ اۋزىندا اسكەرىن توقتاتىپ قويىپ، ەلدىڭ الدىن شەگەرەدى. ۇلكەندەرى شەرۋكە سول ءتۇنى ءتۇس كورەدى. تاڭدا شەرۋكە:

— مەن تۇندە ءتۇس كوردىم، رايىمبەكتىڭ باسىندا ەكى شامشىراق جانىپ تۇر ەكەن. ءبىزدىڭ بولاشاعىمىزدى سول بولجاسىن، — دەيدى.

رايىمبەك:

— اللانىڭ كوزىمە كورسەتكەنىن ايتايىن با، الدە، اللانىڭ اۋزىما سالعانىن ايتايىن با؟ — دەپتى.

شەرۋكە:

— اللانىڭ اۋزىڭا سالعانىن ايت، — دەيدى. رايىمبەك:

— اتا، بىزگە ەندى قالماق شاپپايدى. ءبىراق، ءسىز دۇنيەدەن وزعاننان كەيىن، ءتانىڭىز كوردەن الىنادى، — دەيدى.

قابانباي اعا، ءسىزدىڭ اتىڭىزدى «قابان» قويدى ەلىڭ. كورىڭىز ءۇش كۇننەن كەيىن شۋلايدى، ءتانىڭىزدى ۇرپاعىڭىز تاپپايدى.

وتەگەن، ءسىز ۇلى ءجۇزدىڭ باسى قوسىلعان ۇلى تويدا مەنىڭ ەسىمىمدى ۇرانعا ايلاندىراسىز. سول تويداعى بايگەگە التى ات قوساسىز. التاۋىنا التى بالا مىنگىزەسىز. مىنگەندەرگە: «ايت، بوزىمنىڭ بالاسىنا «المەرەك» دەپ، الجان، سەگىزسارىنىڭ بالاسىنا «رايىمبەك» دەپ، قىزىلبورىك، قوڭىربورىك بالاسىنا «ءاجىباي» دەپ ۇرانداپ شاپ!» — دەيسىز. سودان التاۋى ءسىزدىڭ ايتۋىڭىز بويىنشا ۇرانداپ شابادى. التاۋى دا بايگەدەن كەلەدى. سول قۋانىشتان ءسىزدىڭ جۇرەگىڭىز جارىلىپ، باقي دۇنيەگە اتتانىپ كەتەسىز.

رايىمبەك باتىردىڭ ايتقانى كەلىپ، وسى ءدۇبىرلى تويدا ءۇش ءجۇزدىڭ بالاسى جولدى ۇلى جۇزگە، ۇلى ءجۇز البانعا، البان بالالارى الجانعا بەرگەن ەكەن. سول كۇننەن باستاپ ايت-بوزىمنىڭ ۇرانى — «المەرەك»، الجان، سەگىزسارىنىڭ ۇرانى — «رايىمبەك»، قىزىلبورىكتىڭ ۇرانى — «ءاجىباي» بولىپتى.

وقۋعا كەڭەس بەرەمىز:

جيدەباي باتىر (ءى نۇسقا)

جيدەباي باتىر (ءىى نۇسقا)

جانىبەك باتىردىڭ ابىلايدىڭ وڭ تىزەسىنەن ورىن الۋى

---