قوجامقۇلدىڭ كوك قاسقا اتى
ءاجىبايدىڭ الگى كوك قاسقا تۇلپارىنىڭ تۇقىمى ۇرپاقتارىنا مۇرا بولىپتى. نەمەرەسى قوجامقۇلعا باسىرە بولعان كوك قاسقا قۇلىن جيىرما ەكى جىل بويى بايگەنىڭ الدىن بەرمەپتى.
ەڭ سوڭعى جيىرما ەكىنشى جىلى، قازاق-قىرعىز باس قوسقان ۇلكەن استا اقىرعى رەت بايگەگە قوسىلعان ەكەن. اسقا كەلگەن قىرعىزدىڭ سىنشىسى: «قوجامقۇلدىڭ كوك قاسقا اتى بايگەدەن كەلەدى ەكەن، كەلگەن سوڭ ولەدى ەكەن»، — دەپتى. ايتقانداي بايگەدەن كوك قاسقا ات ءبىرىنشى كەلەدى. ءاجىبايدىڭ ارۋاعى سول جولى تاعى دا ۇران بولىپتى. قوجامقۇل بايگەدەن كەلگەن كارى تۇلپاردى جەتەلەپ جىڭىشكەنىڭ شاتىنا كەلگەندە بولدىرعاندىقتان جۇرە الماي قالادى. جىگىتتەر بەلبەۋلەرىن جالعاپ، اتتى باۋلاپ كوتەرىپ، تاۋدىڭ باسىنا شىعارادى. ات ءبارىبىر جۇرە المايدى. ءۇستىن جابۋلاپ سوندا قالدىرىپ كەتەدى.
كەشكىسىن ادام جىبەرسە، ات ورنىندا جوق بولىپ شىعادى. تاڭ اتا بارسا، قاسقىر جارىپ جەپ، باسىن ءدىن امان قالدىرىپ، قۇيرىعىن جەرگە شانشىپ كەتىپتى.
قوجامقۇل كوزىنە جاس الىپ:
— اتام ءاجىبايدان جەتكەن تۇلپاردىڭ تۇقىمى ەڭ، 22 جىل بايگەنىڭ الدىن بەرمەدىڭ. باسىڭ يت-قۇسقا جەم بولماسىن، — دەپ قاراعايدىڭ بالاشىعىنا باسىن ءىلىپ كەتىپتى. باس ءزاۋلىم قاراعاي بولىپ وسكەن باياعى بالاشىقتىڭ ۇشىندا ءالى تۇر ەكەن. بايگەگە ات قوساتىندار سوعان ءتاۋىپ ەتەتىن كورىنەدى.
وقۋعا كەڭەس بەرەمىز:
جانىبەك باتىردىڭ ابىلايدىڭ وڭ تىزەسىنەن ورىن الۋى
You Might Also Like
-
قازاقتار قالماقتاردى اياققالقانعا ءتۇرىپ تاستاپ، اسكەرىن الىپ قايتىپ شەلەككە كەلىپ توقتاپتى. قول باستاعان باتىرلاردىڭ قاتارىندا جالايىر ەسكەلدى، بالپىق، دۋلات شەرۋكە، وتەگەن، سەگىزسارىدان بيەكە باتىر...
-
ەلامان بالاسى — تۇرسىنباي ەدىگە بالاسى شوڭنىڭ زامانىندا «اششى» دەگەن وزەننىڭ بويىندا، «كۇڭگىرلەك» دەگەن كۇزەكتە وتىرعاندا، جانقوزى جىلقىسىن جاۋ الدى. سوندا ايتىپ الىپتى:
