InfoHub Logo

جيدەباي اۋليە دە، اقىن دا، جۇلدىزشى دا بولعان. باتىر جورىققا شىعاردا قول جيناپ، قويدىڭ ءتىس تيمەگەن جاۋىرىنىنا قاراپ (كەيدە وتقا جاعىپ، كۇلىنە قاراپ تا) جورىقتىڭ قانداي ناتيجەمەن بىتەتىنىن الدىن الا ايتىپ وتىرادى ەكەن. الداعى ءىستى بولجاعىش، كورىپكەل، قولباسشى بولعان. ابىلاي حان جيدەباي باتىرعا بالقاش-اقمولا وڭىرىنە جاۋدى كىرگىزبەي، ساقشى بولۋدى تاپسىرعان ەكەن. جيدەباي باتىر جۇزدەن اسقاندا قايتىس بولعان. ءوزىنىڭ ءبىر ولەڭىندە:

جيدەباي باتىر بولعانىم —
ابىلاي حاننىڭ باتاسى.
جوڭعار حاندى جەڭگەنىم —
قابانباي مەن بوگەنبايدىڭ ارقارى.
جاسىمنىڭ جۇزگە جەتكەنى —
مۇسىلماننىڭ العىسى.
ەكى كوزىمنىڭ كەتكەنى —
جوڭعارلاردىڭ قارعىسى.

ەلدىڭ ايرىقشا ءبىر ايتاتىنى — جيدەبايدىڭ ادىلەتتىلىگى. ول بىردە سوعىس اراسىنداعى شابۋىلدان سوڭ ات تىنىقتىرىپ، ەر-توقىم كەپتىرۋگە ەلىنە كەلىپتى. ءبىر زامانداسىنىڭ ۇيىنە بارىپ، اس ءىشىپ، اڭگىمە-دۇكەن قۇرىپ وتىرسا، اۋىل ىرگەسىندە جايىلىپ جاتقان مالعا قاسقىر شاۋىپتى. جيدەباي توقتاعان ءۇيدىڭ بۇزاۋىن ارام ءولتىرىپ كەتىپتى. بۇل بولماشى وقيعاعا ءۇي يەسى رەنىش بىلدىرمەسە دە، باتىر ويلانىپ وتىرىپ بىلاي دەپتى:

— اپىر-اي، مەن وسى ۇيگە كەلمەسەم، قاسقىر بۇزاۋدى جەمەس ەدى! ءۇي يەسى ماعان الاڭ بولىپ، بۇزاۋىن قاسقىر جەدى. بۇل قيانات قوي، — دەپتى دە، قوسشى جىگىتتى ءوز اۋىلىنا جىبەرىپ، ءبىر بۇزاۋ الدىرىپ بەرىپتى. وسىنى ەستىگەن ەل قاتتى تاڭدانىپ، جيدەباي باتىردىڭ ادىلەتتىگىن ءسوز ەتىپ، بۇدان بىلاي جۇگىنىسكە وسى كىسىنىڭ الدىنا كەلەتىن بولىپتى. باتىر بيلىك ايتىپ، حالىقتى بىرلىككە، ادالدىققا شاقىرىپ، ىشكى جاۋدان دا، سىرتقى جاۋدان دا ساق بولۋدى ۇيرەتكەن.

وقۋعا كەڭەس بەرەمىز:

ابىلاي حاننىڭ جانىبەكتى سىناۋى

جانىبەكتىڭ قارتايعان كەزىندە كەشىرمەلەرىن ەسكە الۋى

جانىبەك باتىردىڭ ابىلايدىڭ وڭ تىزەسىنەن ورىن الۋى

---