InfoHub Logo

بۇگىنگى كۇنى ماماندىق تاڭداۋ قانداي جاۋاپتى بولسا، ءبىلىم الاتىن وقۋ ورنىن تاڭداۋ دا سونشالىقتى ماڭىزدى.ۋنيۆەرسيتەتتى تاڭداۋ – بۇل ءاربىر ادام ءۇشىن ءماندى جانە كۇردەلى شەشىم. ويتكەنى، جارناماسى جەر جارعانمەن ءبىلىم ساپاسى تومەن وقۋ ورىندارى كوپتەپ كەزدەسەدى. ءال-فارابي اتىنداعى قازاق ۇلتتىق ۋنيۆەرسيتەتى 1934 جىلى اشىلعان كۇنىنەن باستاپ، اتاعى بۇكىل قازاقستانعا تارالعان بەدەلدى جوعارعى وقۋ ورىندارىنىڭ ءبىرى بولىپ سانالادى. قازاق ۇلتتىق ۋنيۆەرسيتەتى الەمدەگى ەڭ ۇزدىك 800 جوعارى وقۋ ورىندارى ىشىندە 165-ورىنعا يە بولىپ وتىر. بۇل دەڭگەيگە تمد ەلدەرى بويىنشا ەشقانداي وقۋ ورنى كىرمەيدى. بۇل كورسەتكىش مەنىڭ جوعارىدا ايتىلعان سوزدەرىمنىڭ ايعاعى دەپ ەسەپتەيمىن. 

ديپلومدى كەز كەلگەن وقۋ ورنىنان الۋعا بولعانىمەن، ءبىلىم مەن تاجىريبەنى تەك ءبىر جەردەن عانا الۋعا بولادى. سىرتتاي تالداۋ جاساعاندا، باسقالارعا قاراعاندا وسى وقۋ ورنىنىڭ ارتىقشىلىقتارى، جەتكەن جەتىستىكتەرى وتە كوپ. سولاردىڭ ءوزىمدى ەرەكشە قىزىقتىرعان باستىلارىنا توقتالار بولسام، بىرىنشىدەن، بۇل ۋنيۆەرسيتەتتىڭ 85 جىلعا جۋىق تاريحى بار. ول قازاقستانداعى ءبىلىم بەرۋ جۇيەسىنىڭ بەتكە ۇستار كوركى، ۋنيۆەرسيتەتتىك داستۇرلەردىڭ، كاسىبي بىلىكتى عىلىمي جانە پەداگوگيكالىق مەكتەپتەردىڭ باستاۋ-كوزى بولىپ تابىلادى. ەكىنشىدەن، ەلىمىزدەگى ۇلتتىق ستاتۋستى يەلەنگەن ۋنيۆەرسيتتەردىڭ الدىڭعى قاتارىندا تۇر. قاراپ وتىرساق، ۋنيۆەرسيتەت الەمنىڭ جۇزدەن اسا ءىرى وقۋ ورىندارىمەن جانە عىلىمي ورتالىقتارىمەن تۇراقتى بايلانىس ورناتقان ەكەن. بۇل دا ەرەكشە ارتىقشىلىق. ۇشىنشىدەن، ءال-فارابي اتىنداعى قازاق ۇلتتىق ۋنيۆەرسيتەتى – ءبىرىنشى بولىپ مەملەكەتتىك اتتەستاسيادان وتكەن جانە بارلىق ماماندىقتار مەن دارەجەلەر بويىنشا ءبىلىم كىزمەتىن جاسايتىن، قازاقستان رەسپۋبليكاسىنداعى جوعارى وقۋ ورىندار جۇيەسىنىڭ كوشباسشىسى بولىپ تابىلادى. ول – قازاقستان جوو باستى رەيتينگىسى بويىنشا ءبىرىنشى ورىندا، مەملەكەتىمىزدىڭ تاريحىندا العاشقى بولىپ قازاقستان رەسپۋبليكاسى پرەزيدەنتى سىيلىعىنىڭ لاۋرەاتى «ساپا سالاسىنداعى جەتىستىكتەرى ءۇشىن»، تاۋەلسىز مەملەكەتتەر دوستاستىعىنىڭ «قىزمەتتەر پەن ءونىم ساپاسى سالاسىنداعى جەتىستىكتەرى ءۇشىن» سىيلىعىنىڭ ديپلومانتى اتاندى. ءبىزدىڭ ۋنيۆەرسيتەتىمىز حالىقارالىق ۋنيۆەرسيتەتتەر اسسوسياسياسىنىڭ مۇشەسى جانە ەۋرازيالىق ۋنيۆەرسيتەتتەر اسسوسياسياسىنىڭ ۇيىمداستىرۋشىسى. تۇلەكتەردى جۇمىسپەن قامتۋ رەيتينگىسىندە 500 جوو ىشىنەن 251-ورىنعا يە بولعان ورتالىق ازياداعى العاشقى ۋنيۆەرسيتەت اتاندى. مىنە، ۋنيۆەرسيتەتىمنىڭ بۇكىل جەتىستىكتەرىن ايتا بەرسەك، ۋاقىت جەتپەس. 

قازاقستاننىڭ بارلىق ۋنيۆەرسيتەتتەرىن مۇقيات زەرتتەگەندە، ءال-فارابي اتىنداعى قازاق ۇلتتىق ۋنيۆەرسيتەتى ەلىمىزدەگى ەڭ ۇزدىكتەردىڭ ءبىرى بولىپ تابىلادى دەگەن قورىتىندىعا كەلدىم. ۋنيۆەرسيتەتتە اسا باعالاعان نارسەلەرىمنىڭ ءبىرى – ونىڭ قوناقجايلىلىعى، كەز كەلگەن ماسەلە بويىنشا كومەكتەسۋگە دايىندىعى. ۇجىمى ءارقاشان ۋنيۆەرسيتەت تاراپىنان قولداۋ تابا الاتىنىڭا سەندىرەدى. 2019 جىلى سۇيىكتى ۋنيۆەرسيتەتىم ماعان جۇڭگو حالىق رەسپۋبليكاسىنداعى ەڭ ۇزدىك جوعارى وقۋ ورىندارىنىڭ ءبىرى - پەكين شەتەل تىلدەر ۋنيۆەرسيتەتىندە ءبىر سەمەستر بويى وقۋعا مۇمكىندىك بەردى، ول ءۇشىن مەنىڭ العىسىم شەكسىز. مەن قازاق ۇلتتىق ۋنيۆەرسيتەتىنە دۇرىس تاڭداۋ جاسادىم دەپ سەنىمدى تۇردە ايتا الامىن.

شىعىستانۋ فاكۋلتەتى، قىتايتانۋ كافەدراسى، 3-كۋرس، شەتەل فيلولوگياسى ماماندىعى ستۋدەنتى بەگيموۆا السۋ

جەتەكشى: شارىپقازى ن.

---