ءال-فارابي اتىنداعى قازاق ۇلتتىق ۋنيۆەرسيتەتى - مۇمكىندىكتەر مەكەنى
ءال-فارابي اتىنداعى قازاق ۇلتتىق ۋنيۆەرسيتەتى ەلىمىزدىڭ كوپتەگەن عىلىمي جانە كاسىپتىك سالالارىندا ستۋدەنتتەر مەن ماگيسترانتتار ءۇشىن اسا ماڭىزدى زەرتتەۋ ينستيتۋتتارىنىڭ ءبىرى جانە بىرەگەي وقۋ ورتاسى بولىپ تابىلادى. ۋنيۆەرسيتەت ءارتۇرلى جانە حالىقارالىق پروفەسسورلىق-وقىتۋشىلىق قۇرام مەن ستۋدەنتتەردى تارتۋعا، جاھاندىق ماسەلەلەر بويىنشا زەرتتەۋلەر مەن وقىتۋدى قولداۋعا، سونداي-اق ءارتۇرلى شەت ەلدەرمەن جانە ايماقتارمەن اكادەميالىق قارىم-قاتىناس ورناتۋعا كوپ كوڭىل بولۋدە. بۇل ۋنيۆەرسيتەت قىزمەتىنىڭ بارلىق باعىتتارىن، ءبىلىم مەن وقۋدى ەڭ جوعارى دەڭگەيىنە جەتۋگە جاعداي جاسايدى.
ۋنيۆەرسيتەتىمىزدە ساپالى ءبىلىم الۋعا تىرىساتىن ءاربىر ستۋدەنت ءۇشىن ءبىرقاتار لايىقتى مۇمكىندىكتەر بار. قازاقستانداعى ەڭ ءىرى جانە ەڭ باي كىتاپحانالاردىڭ ءبىرى ءقازۇۋ-نىڭ قالاشىعىندا ورنالاسقان. ءابۋ ناسىر ءال-فارابي كىتاپحانا- مۇراجايى ءاربىر قوناق ءۇشىن اشىق.
قازاق ۇلتتىق ۋنيۆەرسيتەتى ءوزىنىڭ جاس عالىمدارىنا جايلى جاتاقحانالار ۇسىناتىن ستۋدەنتتىك قالا بولىپ سانالادى. ۋنيۆەرسيتەت 5000-نان استام ستۋدەنتتەردى قامتيدى جانە ولارعا ارنالعان 14 ۇلكەن جاتاقحانا بار
ۋنيۆەرسيتەت ستۋدەنتتەرگە اكادەميالىق باعدارلامالاردىڭ كورنەكتى جانە جان-جاقتى سپەكترىن ۇسىنادى. جىل سايىن قازۇۋ-دىڭ 2000-نان استام ستۋدەنتى تىلدىك تاعىلىمدامادان، سونداي-اق شەتەلدىك عىلىم جانە ءبىلىم بەرۋ مەكەمەلەرىندە عىلىمي تاعىلىمدامادان وتەدى. ۋنيۆەرسيتەت جىل سايىن تمد، ەۋروپا، سولتۇستىك جانە وڭتۇستىك امەريكا، تاياۋ شىعىس جانە ازيا ەلدەرىنە شەتەلدىك جوعارى وقۋ ورىندارى مەن ۇيىمداردىڭ شاقىرۋلارى بويىنشا حالىقارالىق كونفەرەنسيالارعا، كەڭەستەرگە ۋنيۆەرسيتەتتىڭ 600-دەن استام پروفەسسور-وقىتۋشىلار قۇرامى قاتىسادى.
وسى وقۋ ورنىنىڭ ماگيسترانتى رەتىندە جوعارىدا اتالعان جاعدايدى ەسكەرە وتىرىپ، ۋنيۆەرسيتەت ستۋدەنتتەرىنە ساپالى ءبىلىم الۋعا جانە زاماناۋي الەمگە بەيىمدەلۋگە كوپتەگەن مۇمكىندىكتەر ۇسىنادى دەپ سەنىممەن ايتا الامىن.
امانجولوۆا ايناش قاسىم قىزى
ءال-فارابي اتىنداعى قازۇۋ
1 كۋرس ماگيستراتۋرا
You Might Also Like
-
— ناعاشىم سۇڭعىلا كىسى عوي، ايتقىزباي ءتۇسىندى. "ساعي، — دەدى ناعاشىم، — سەن مەنىمەن بiرگە ەرىپ گەرمانياعا ءجۇر، وندا مەنىڭ دارىگەر دوسىم بار، سەنى انادان جاڭا تۋعانداي ە...
