InfoHub Logo

تاقىرىبى: ال، قانەكي، ونەرلى قىزدار!
ماقساتى: ا) بىلىمدىلىك: قىز بالالاردىڭ پاندىك جانە سالت-داستۇرگە بايلانىستى بىلىمدەرىن تەكسەرۋ، تولىقتىرۋ
ءا) دامىتۋشىلىق: قىز بالالاردىڭ بويىنداعى قابىلەتى مەن دارىنىن تانىپ ءبىلۋ، جان-جاقتى ەكەنىن كورسەتۋگە مۇمكىندىك جاساۋ.
ب) تاربيەلىك: ونەرگە دەگەن قۇشتارلىعىن ارتتىرۋ، جاۋاپكەرشىلىككە، ۇقىپتىلىققا تاربيەلەۋ. مادەني ورەسى زور ازاماتشالار بولۋىنا ىقپال جاساۋ.
ءتۇرى: سايىس
كورنەكىلىگى: سلايدتار. تاربيە، ءبىلىم، ونەر جايلى ناقىل سوزدەر جازىلعان پلاكاتتار.

سايىستىڭ بارىسى:
1. اشىلۋى
2. باعدارلامامەن تانىستىرۋ
3. ءادىلقازىلار القاسىن سايلاۋ
4. سايىس
5. قورىتىندى ءبولىم
اشىلۋى:
ءمۇعالىم:
- قايىرلى كۇن، ءقادىرلى قوناقتار! سىزدەردى الدا كەلە جاتقان 8 ناۋرىز حالىقارالىق انالار جانە قىزدار مەرەكەسىمەن شىن جۇرەكتەن قۇتتىقتايمىز! سىزدەرگە دەنساۋلىق، باقىت، قۋانىش تىلەي وتىرىپ، 7-سىنىپتىڭ قىزدارى اراسىندا وتكەلى وتىرعان «ال، كانەكي، ونەرلى قىزدار!» سايىسىن تاماشالاۋعا شاقىرامىز.
سىردىڭ ەلى ونەرلىگە كەندە ەمەس،
ءور تۇلعالار سارالانعان سان جەتپەس.
ونەر قۋعان مىنا جاستار سايىستا،
بايگە العان ەكىتالاي بولسا ەگەس.
ارۋلاردىڭ بال بۇلاعىن كول ەتەر،
سول ءۇشىن دە سەل نوسەرىن سەلدەتەر.
سۋسىنداتىپ ءبىلىم اتتى بۇلاقتان،
ۇلى ونەرگە تابىناتىن پەندە ەتەر.- دەپ بۇگىنگى سايىستا ءوز باعىن سىناپ كورەتىن ارۋلاردى قوشەمەتپەن ورتاعا شاقىرايىق.
باعدارلامامەن تانىستىرۋ
1. تانىستىرۋ
2. ءوز ونەرىن كورسەتۋ (ءان نەمەسە بي)
3. بىلگەنگە مارجان (سۇراق-جاۋاپ)
4. ويۋ-ورنەك قيىپ، ۇيلەستىرىپ جاپسىرۋ
5. تۇيمە قاداۋ
6. ءسان ۇلگىسى
7. سالات دايىنداۋ
ءادىلقازىلار القاسىن سايلاپ الۋ

سايىستىڭ بارىسى:
1. تانىستىرۋ
سايىسقا تۇسەتىن ارۋلار وزدەرىن ولەڭ شۋماقتارىمەن جانە ۆيدەوروليك ارقىلى تانىستىرۋعا بولادى. ارۋلاردىڭ ءوزىن ۇستاۋى، سويلەۋ مانەرى، داۋىس ىرعاعى بارلىعى باعالانادى.
2. ءوز ونەرىن كورسەتۋ
كەل بيلە، كەل بيلە، بال داۋرەن،
باعىندا بازارلى ءومىردىڭ.
كوكتەمدەي قۇلپىرىپ جاس داۋرەن،
شالقىتسىن كۇيلەرىن كوڭىلدىڭ.
سايىسكەرلەر ءان ايتىپ نەمەسە بي بيلەپ ءوز ونەرلەرىن كورسەتەدى.

3. بىلگەنگە مارجان (سۇراق-جاۋاپ)
«بىرەۋ بىلمەگەندى بىرەۋ بىلەر» دەگەندەي داستۇرگە بايلانىستى سۇراقتارعا كەزەك بەرەيىك.
1. قازاقتىڭ سالت-داستۇرلەرىن اتا؟
2. ءتورت تۇلىكتى اتا؟
3. كيىز ءۇيدىڭ سۇيەكتەرىن اتاپ بەر جانە ول قانداي اعاشتان جاسالادى؟
4. بەتاشار دەگەن نە؟
5. «سىباعا» دەگەندى قالاي تۇسىنەسىڭ؟
6. «قىزعا قىرىق ۇيدەن تىيىم» دەگەندى قالاي تۇسىنەسىڭ؟
7. قازاقتىڭ ۇلتتىق تاعامدارىن اتا جانە سەن قاي تاعامدى ءدامدى ازىرلەيسىڭ؟
8. «ەرۋلىك» دەگەن ءسوزدى قالاي تۇسىنەسىڭ؟

4. ويۋ-ورنەك قيىپ، ۇيلەستىرىپ جاپسىرۋ
شەبەرلەرىم ونەر تامىپ قولىنان،
جاڭىلماعان اتا-بابا جولىنان.
شەبەر قىزدار ءوز ونەرىن كورسەتسىن،
ءبىز ايتايىق تورەلىگىن سوڭىنان.
سايىسكەرلەر ويۋ ويىپ ونى پاراققا ۇيلەستىرىپ جەلىمدەۋ كەرەك.

5. تۇيمە قاداۋ
تۇيمەم ءتۇسىپ قالعاندا،
جالىنبايمىن جالعاندا.
ينە، ءجىپتى الامىن،
ورنىنا اكەپ تاعامىن-دەپ ەندىگى سايىس ءتۇرى تۇيمە قاداۋ.

6. ءسان ۇلگىسى
«ادام كوركى-شۇبەرەك،
اعاش كوركى – جاپىراق» دەمەكشى ەندى قىزدارىمىز شاش اسەمدەپ، سوعان ساي كيىم ۇلگىسىن كورسەتەدى. بىرگە تاماشالايىق.

7. سالات جاساۋ
ويلى قىزى حالقىمنىڭ،
وتانىم دەپ تۋادى.
بوس جىبەرمەي ءار كۇنىن
انا جولىن قۋادى-دەپ كەلەسى كەزەكتە قىزدارىمىزدىڭ انالارىنان ۇيرەنگەن سالات تۇرلەرىن جاساۋىنا كوڭىل بولەيىك.

قورىتىندى
جۇزدەن جۇيرىك، مىڭنان تۇلپار جارىسقاندا،
ءاردايىم بىر-بىرىڭنەن قالىس قالما.
بەرەدى ءادىلقازى ءادىل باعا
قۇلاق سالىپ تىڭداپ تۇر الىستاما.
ءادىلقازى القاسى ءوز باعاسىن بەرىپ، سايىسكەرلەرگە ءار ءتۇرلى نوميناسيالار بەرىپ، ماراپاتتايدى.