الا ايعىر
ەرتە ۋاقىتتا جىلقىلى ءبىر باي بولىپتى. ونىڭ جىلقىسىندا ءبىتىمى بولەك ءبىر ايعىرى بار ەكەن.
ءبىر جىلى قاراشادا وسى ايعىرى ءىز-توزسىز جوعالىپ، باي تۇس-تۇسقا جوقشى اتتاندىردى. جوقشىلار قانشا ساندالسا دا، ءبارى بايدىڭ الدىنا قۇر ورالىپتى.
ءسويتىپ جۇرگەندە اياق استىنان الگى جوعالعان الا ايعىر ءوزى جىلقىعا كەلىپ، باي مەن جىلقىشىلاردى قايران قالدىرىپتى.
ارقا-باسى ءبۇتىن، قايتا ورالعان ايعىرىن كورگەن باي جىلقىشىلارىنا:
— الا ايعىر ءۇيىرىن قالاي ايداسا، سەندەر دە ول جۇرگەن باعىتپەن جىلقىنى ايداڭدار، ول حايۋان دا بولسا قىستىڭ قاتاڭ بولارىن سەزىپ، ءوز ۇيىرىنە جەر شالىپ كەلگەن سەكىلدى، — دەيدى.
ايتسا، ايتقانداي بولىپ شىعادى. الا ايعىر ءوز ءۇيىرىن ايدايدى. جىلقىشىلار دا بارلىق جىلقىنى ونىڭ سوڭىنان سالادى. ولار وسى جۇرىسپەن ايلىق جول ءجۇرىپ، ىزدەسە تابىلمايتىن ءبىر تۇنكەلى يەن دالاعا بارىپ تياناقتايدى. جىلقىشىلار ءبىر قىستى وسى جەردە وتكىزىپ، جىلقىسى امان-ەسەن جازعىتۇرىم باي اۋلىنا كەلەدى. قىس وراسان قاتتى بولعاندىقتان، باسقا جەردەگى بايلاردىڭ جىلقىلارى تۇگەل جۇتاپ قالعان ەكەن. قۋانىشقا بولەنگەن بايدىڭ اۋىلى اقسارباس سويىپ توي جاساپتى. سول تويدا ءبىر دومبىراشى ەلدىڭ الا ايعىرعا العىسىن بەينەلەپ «الا ايعىر» كۇيىن شەرتكەن ەكەن.
You Might Also Like
-
ەل اۋزىنداعى اڭىزداردا «كوك توبەت» كۇيىنىڭ شىعۋى ءارتۇرلى ايتىلادى. سونىڭ ءبىرى، التايدى مەكەندەگەن زۋقا باتىردىڭ اۋىل ماڭىنا بوتەن ادام باستىرمايتىن، اتتى ادامنىڭ دىبىسىن كۇنشىلىك جەردەن...
-
قول، اياعى كەمتار قىز جاستايىنان كەمتارلىقتىڭ بەينەتىن كورىپ بۇيىعى بولىپ وسەدى. ءوزى تەڭدەس بالالار قوزى جايىپ، كۇركە تىگىپ، وزەن بويلاي جۇگىرىپ كوبەلەك قۋىپ دەگەندەي بالالىقتىڭ بازارىنىڭ ورتاسىندا ...
