كوك توبەت (ءىى نۇسقا)
ەل اۋزىنداعى اڭىزداردا «كوك توبەت» كۇيىنىڭ شىعۋى ءارتۇرلى ايتىلادى. سونىڭ ءبىرى، التايدى مەكەندەگەن زۋقا باتىردىڭ اۋىل ماڭىنا بوتەن ادام باستىرمايتىن، اتتى ادامنىڭ دىبىسىن كۇنشىلىك جەردەن سەزەتىن، قۇنان وگىزدەي كوك توبەتى بار ەكەن. زۋقاعا قاتتى وشتەسكەن ۇكىمەت زۋقانىڭ مىقتى جىگىتتەرىنىڭ الىسقا، جورتۋىلعا اتتانىپ كەتكەنىن، جاقىن مەزگىلدە قايتىپ ورالمايتىنىن بىلگەن سوڭ زۋقانى ۇستاۋعا شەرىك اتتاندىرعان. وسى كەزدە ونىڭ كوك توبەتى ءۇش كۇن جاتپاي ۇرگەن. يتتە ءتىل جوق، بولماسا ول ءبىر ءقاۋىپتىڭ بولاتىنىن سەزگەن. ۇدايى ءۇش كۇن، ءۇش ءتۇن ۇرگەن يت، ءۇشىنشى كۇن تاڭعا جاقىن داۋىسى قارىلىپ، جاعى تالىپ، ءۇنى وشكەن ەكەن. ءدال وسى كەزدە زۋقا تاڭ نامازىن وقۋعا قامدانادى. كۇندىز قاراۋىلداپ، قاراڭعى تۇسە اۋىلدى قورشاپ العان شەرىكتەر ءدال وسى ساتتە ونىڭ ۇيىنە باسىپ كىرەدى. زۋقا نە مىلتىق الىپ اتىسۋعا، نە قاشىپ شىعۋعا ۇلگىرمەي قالادى دا، تەك قولىنا تۇسكەن كەرەگە باسىندا ءىلۋلى تۇرعان كىسەنمەن مىقتىسىنىپ الدىمەن كىرگەن ەكى شەرىكتى ۇرىپ ولتىرەدى. ءبىراق مۇزداي قارۋلانعان كوپ شەرىك ونى وسى ارادا اتىپ جىبەرەدى. دايىن تۇرعاندار جالما-جان باسىن الىپ، زىتا جونەلەدى. وسى وقيعادان بۇرىن دا تالاي رەت زۋقانى ۇستاۋعا كەلگەن اسكەرلەردى كوك توبەت الدىن الا ءبىلىپ ۇرگەننەن كەيىن، ادامدار دايىندىق كورىپ، جاۋدىڭ سازايىن تارتتىرىپ، وزدەرى امان قالعان. بۇل رەتكى كوك توبەتتىڭ ءۇش كۇن ۇرگەنىن ەسكەرمەگەن زۋقا اۋىلى ارماندا قالىپتى، وسىنى ەل ەسىنە سالعان ءبىر كۇيشى «كوك توبەت» كۇيىن شەرتكەن ەكەن.
You Might Also Like
-
جەتىنشى قارا سوزىندە اباي : «جاس بالا انادان تۋعاندا ەكى ءتۇرلى مىنەزبەن تۋادى: بىرەۋى- ىشسەم، جەسەم، ۇيىقتاسام دەپ تۇرادى. بۇلار – ءتاننىڭ قۇمارى، ەكىنشىسى –بىلسەم، كورسەم، ۇيرەنسە...
-
ەرتە ۋاقىتتا جىلقىلى ءبىر باي بولىپتى. ونىڭ جىلقىسىندا ءبىتىمى بولەك ءبىر ايعىرى بار ەكەن. ءبىر جىلى قاراشادا وسى ايعىرى ءىز-توزسىز جوعالىپ، باي تۇس-تۇسقا جوقشى اتتاندىردى. جوقشىلار قانشا ساندالسا دا...
