«الاتاۋ ءداستۇرلى ونەر تەاترى» جانە ناۋرىز مەيرامىنا ارنالعان ان-كەشى
5 جىلدان استام ۋاقىت بۇرىن اشىلعان «الاتاۋ ءداستۇرلى ونەر تەاترى» حالىق جۇرەگىنە، اسىرەسە جاستار جان-دۇنيەسىنە داستۇرگە دەگەن ماحابباتتى سىڭدىرۋدە. ورتالىق ازيانىڭ جالعىز ءداستۇرلى ونەر تەاترى قاۋىم اراسىندا مادەني ورتالىققا اينالعانى ءسوزسىز ايقىن. بۇعان ءتۇرلى سپەكتاكلدەر، قويىلىمدار، ءان-جىر جانە دە ويىن-ساۋىق كەشتەرى دالەل بولا الادى. تەاتر قابىرعاسىندا 60-تان استام ارتىستەر مەن ونەرپازدار جۇمىس جاساپ، مەكەمەدە كوپتەگەن تاقىرىپتىق اپتالىقتار وتكىزىلەدى. تەاتر قىزمەتىنىڭ نەگىزگى باعىتى قازاق حالقىنىڭ شىعارماشىلىعىن دارىپتەۋ بولىپ تابىلادى. سونىڭ ىشىندە ۇلكەن زەيىن بالالار مەن جاستاردى ونەر مەن داستۇرگە بەيىمدەۋ.
تۇركيا ەلىندەگى ستامبۋل قالاسىندا مول قوشەمەتكە يە بولعان «التىباقان» الىپ ويىن-ساۋىق كەشىن وتكىزگەن تەاتر، جاڭا دا اۋقىمدى «ناۋرىز دۋمان» قويىلىمىنا بار زەيىنمەن كىرىستى. بەلگىلى ايتىسكەر، سۋىرىپ-سالما اقىنى رينات زايتوۆ جەتەكشىلىك ەتكەن بۇل ونەر مەكەمەسى ءدۇبىرلى مەرەكەمىز، ناۋرىز مەيرامىنا قىزۋ دايىندىق ۇستىندە. ناۋرىز ايىنىڭ 18 جۇلدىزىندا ءداستۇرلى ونەر تەاترى حالقىمىزدى قۇتتىقتاي وتىرىپ، «ناۋرىز-دۋمان» اتتى كەشىن ەل نازارىنا ۇسىنباق. اتاۋلى كونسەرتتە الۋان ءتۇرلى انشىلەر مەن بيشىلەر قازاق جەرىندە جاڭا جىل مەرەكەسىنىڭ قالاي تويلاناتىنىن سۋرەتتەمەك. قۇلاق قۇرىشىن قاندىراتىن ءان-جىرلار، ءداستۇرلى، كوركەم قيمىلدى بيلەر جانە ادامنىڭ كوڭىلىن كوتەرەتىن ۇلتتىق ويىندار ورىن الادى.
ەسەنقۇل ارايلىم
قازاق-امەريكا ۋنيۆەرسيتەتى ستۋدەنتى
You Might Also Like
-
ميكەلاندجەلو بۋونارروتتي - تانىمال ساۋلەتشىلەردىڭ ءبىرى. بۇل كىسىنىڭ قولىنان كوپتەگەن مۇسىندەر، ساۋلەت تۋىندىلارى جارىق كورگەن. ونىڭ ونەرىنە بۇكىل حالىق ءتانتى. ءاربىر شىعارماسىنىڭ بولشەكتەرى مۇقيات و...
-
ەلىمىزدىڭ ەڭ قۇندى بايلىعى – ول ءبىزدىڭ تاريحىمىز، ءسالت-داستۇرىمىز، ءتىلىمىز جانە ءدىنىمىز. ءوز داستۇرلەرى مەن قۇندىلىقتارىن جوعالتپاي، ۇنەمى جاڭارۋعا، جەتىلۋگە، باسەكەلەس باسىمدىقتاردى كۇشەيتۋگە...
