ەلوردادا 2025 جىلدان باستاپ كاسىبي تەحنيكالىق ءبىلىم تولىقتاي تەگىن بەرىلەدى
بيىل ەلوردادا تەگىن كاسىبي تەحنيكالىق ءبىلىم بەرۋ 65%-عا دەيىن ۇلعايادى. ال 2025 جىلدان باستاپ اتالعان سالا بويىنشا ءبىلىم الۋ تەگىن جۇزەگە اسىرىلادى. بۇل تۋرالى نۇر-سۇلتان قالاسى ءبىلىم باسقارماسىنىڭ باسشىسى قاسىمحان سەنعازييەۆ ءمالىم ەتتى.
«ءبىز ءقازىر ءبىلىم بەرۋدە ۇلتتىق جوباعا سايكەس جۇمىس ىستەپ جاتىرمىز. سونىڭ اياسىندا ەلوردادا 2025 جىلعا دەيىن كاسىبي تەحنيكالىق ءبىلىم بەرۋدى تولىقتاي تەگىن ەتۋدى جوسپارلاپ وتىرمىز. ارينە، جۇمىس اۋقىمدى بولعاندىقتان بىردەن كوشە المايمىز. سەبەبى ءبىر ساتتە 25 مىڭ استانالىق ستۋدەنتتى تەگىن بىلىممەن قامتۋ مۇمكىن ەمەس. وسى ورايدا ءبىز ەسەپتەي كەلە، بيىل تەگىن كاسىبي تەحنيكالىق ءبىلىم بەرۋگە كوشۋدى 65 پايىزعا، كەلەسى جىلى 70 پايىزدان اسا، ال 2024 جىلى 80 پايىزدان اسىرماقپىز. 2025 جىلى تولىقتاي تەگىن ءبىلىم بەرۋگە كوشىرىلەدى»، - دەدى قاسىمحان سەنعازييەۆ.
ونىڭ ايتۋىنشا، كاسىبي تەحنيكالىق كادرلاردى دايارلاۋدا بيزنەس قاۋىمداستىقتىڭ ىقپالى بولۋى كەرەك.
«كادر جوق دەپ جاتادى. ءبىز كادردى ازىرلەپ جاتىرمىز. مەنىڭشە، كادر ماسەلەسىن شەشۋدە بيزنەستىڭ دە قىزىعۋشىلىق تانىتقانى ءجون. ەلوردادا تەگىن كاسىبي تەحنيكالىق ءبىلىم بەرۋدى ۇيىمداستىرۋدا ناقتىلاۋ بويىنشا ءبىز ءقازىر اكىمنىڭ اتىنا قىزمەتتىك حاتتى ازىرلەپ قويدىق. اكىم كەلىسىمىن بەرگەن سوڭ، ىسكە كىرىسەمىز»، - دەيدى ول.
ايتا كەتەيىك، بۇگىن نۇر-سۇلتان قالاسى ۇلتتىق كاسىپكەرلەر پالاتاسى جانە قالالىق ءبىلىم بەرۋ باسقارماسىنىڭ ۇيىتقى بولۋىمەن ەلوردا مەكتەپتەرى، بالاباقشالارىندا قوسىمشا ورىننىڭ قاجەتتىلىگى جانە ءبىلىم بەرۋ ۇيىمدارىنىڭ باسقا دا پروبلەمالارىنا ارنالعان وتىرىس ءوتتى.
You Might Also Like
-
قازۇۋ ەلىمىزدىڭ جەتەكشى ۋنيۆەرسيتەتى رەتىندە مەملەكەتىمىز العا قويعان الەمنىڭ ەڭ ۇزدىك 200 ۋنيۆەرسيتەتىنىڭ ساناتىنا ەنۋ بويىنشا ماڭىزدى مەملەكەتتىك مىندەتتى جۇزەگە اسىرۋ ءۇشىن ماقساتتى تۇردە جۇ...
-
ەرتەدە ءبىر قايىرىمدى ساۋداگەر ساراڭ ءبىر كىسىنىڭ قۇدىعىن ساتىپ الادى. ماقساتى قۇدىق سۋىن كەدەيلەرگە ساداقا قىلماق ەكەن. ەرتەڭىنە سۋعا كەلسە، قۇدىقتىڭ بۇرىنعى يەسى جولىن كەس-كەستەيدى.
