InfoHub Logo

ەلىمىزدىڭ ەڭ قۇندى بايلىعى – ول ءبىزدىڭ تاريحىمىز، ءسالت-داستۇرىمىز، ءتىلىمىز جانە ءدىنىمىز. ءوز داستۇرلەرى مەن قۇندىلىقتارىن جوعالتپاي، ۇنەمى جاڭارۋعا، جەتىلۋگە، باسەكەلەس باسىمدىقتاردى كۇشەيتۋگە ۇمتىلعانداردىڭ ءوز بولاشاعىنا ءۇمىتى بار.

قۇندىلىقتار جۇيەسىندە ءبىلىمدى بارىنەن بيىك قوياتىن ۇلت قانا تابىسقا جەتەدى. ۇلتتىق قۇندىلىقتار ەل، جەكە ادام بويىنان كورىنەتىن رۋحاني تەرەڭدىك، سەزىمتالدىق، اتامەكەنگە، قوعامعا جاقىندىق، جاناشىرلىق، قاناعات، ادەپ پەن ءتوزىم، يماندىلىق، تاريحتى ءبىلۋ، ءدىني ساۋاتتىلىق، ءداستۇر شەڭبەرىندەگى ادەپكە باعىنۋ، ادىلەتتى، شىنايى بولۋ، ەڭبەكقورلىق، تاباندىلىق، ەر مىنەزدى بولۋ اياسىندا ۇلتتىق سانانى قۇرايدى. ۇلتتىق سانانى يەلەنۋ ءۇشىن ادامدا الدىمەنەن تاريحي سانا بولۋى قاجەت. قازاق قوعامىندا تاريحي سانا ۇرپاقتىڭ تانىمىندا تاريح تاعىلىمىنىڭ ناسيحاتتالۋى ارقىلى قالىپتاسىپ وتىرعان.

قازاقتىڭ ءومىر ءسۇرۋ تاجىريبەسى وتانعا دەگەن سۇيىسپەنشىلىكتى، ەلدەگى ىنتىماقتىڭ ءتۇپ-تامىرىن قۇرايدى. قازاق حالقى جاراسىمدى داستۇر-سالتىمەن رۋحاني بىرلىك پەن ۇرپاقتار اراسىنداعى ساباقتاستىق جانە ۇلتتىق سانا-سەزىممەن جاڭا قازاقستاندىق ءپاتريوتيزمدى قالىپتاستىرادى.

حالىق باتىرى باۋىرجان مومىش ۇلى بىلاي دەگەن ەكەن: «ءبىزدىڭ تاريحىمىز باتىرعا باي تاريح، حالقىمىز باتىرلىقتى بيىك دارىپتەپ، ازاماتتىق پەن كىسىلىكتىڭ سيمۆولى، ۇلگىسى ساناعان. باتىرلىق دەگەن، ەرلىك دەگەن ۇرپاقتان ۇرپاققا اتا ءداستۇر بولىپ قالا بەرمەك. وتكەنىن بىلمەگەن، ءتالىم – تاربيە، عيبرات الماعان حالىقتىڭ ۇرپاعى – تۇل، كەلەشەگى تۇرلاۋسىز. ءبىزدىڭ قازاق حالقى – باتىر حالىق». ادامگەرشىلىك باعدارلاردى قالىپتاستىرۋ جانە دامىتۋ، قوعامنىڭ زياتكەرلىك الەۋەتىن كۇشەيتۋ، سونىمەن قاتار كەلەشەك ۇرپاققا ۇلتتىق قۇندىلىقتاردى مۇرا ەتىپ قالدىرۋ ءبىزدىڭ مىندەتىمىز. رۋحاني قۇندىلىقتارىنا، مادەني مۇراسىنا eرeكشe ءمان بeرگeن eءلدىڭ ىرگecءى بeرىك، كeلeشeگى كeمeل بولماق.

تاريحي تۇرعىدا حالىقتىڭ ۇلتتىق وزىندىك ساناسى ۇلتتىق مادەنيەتتىڭ تاريحي قۇندىلىقتارى جانە الەمدىك مادەنيەتتىڭ دامۋ باعىتتارىنىڭ نەگىزىندە قالىپتاسادى. ونى ۇلتتىق شەكارا، مادەنيەت، ءتىل جانە وتكەن تاريح تۋرالى كوزقاراستار مەن پايىمداۋلار قۇرايدى. تاريحي جادى – ۇلت قاۋىمداستىعىنىڭ جانە ۇلتتىق جاۋاپكەرشىلىكتىڭ كوزى. وتكەن ءومىر ساباقتارىن ەستە ساقتاۋ، اتا-بابالاردى ۇلگى تۇتۋ جانە ۇرپاق الدىندا جاۋاپكەرشىلىكتى سەزىنۋ – بۇلار تاريحي جادىنىڭ ۇلتتى بىرىكتىرەتىن ماڭىزدى قىزمەتتەرى بولىپ تابىلادى.

رۋحى بيىك ازاماتتارى بار ەلدىڭ ىرگەسى ماڭگىلىك. ۇلتتىق رۋحى، رۋحانياتى جوعارى، مادەنيەتى وزىق ەل كوپ نارسەگە قول جەتكىزەدى. جاھاندانۋ داۋىرىندە، ۇلت تاريحىنىڭ مادەنيەتى مەن قۇندىلىقتارىن ءبىلۋ، ءارى ساقتاۋ جانە ونى ناسيحاتتاۋ حالقىمىزدىڭ جارقىن بولاشاعىنا جول اشادى.

ءال-فارابي اتىنداعى قازاق ۇلتتىق ۋنيۆەرسيتەتىنىڭ

1-كۋرس ماگيسترانتى تاناش سالتانات

---