InfoHub Logo

كاليفورنياداعى ءشول دالا شىجىعان كۇن اسەرىنەن كۇننەن كۇنگە شوگىپ بارا جاتقان سۋ جاڭا مىڭداعان Volkswagen-دەردىڭ بەيىتىنە اينالدى. بۇل قانداي دا ءبىر سەبەپتەرمەن ءوزىنىڭ يەسىن تابا الماعان اۆتوموبيلدەردىڭ جالعىز قورىمى ەمەس.  

نەگە بۇلاي بولىپ جاتقانىن جانە ونداعى اۆتوموبيلدەردىڭ بولاشاعىنىڭ بار-جوعىن انىقتاپ كورەيىك.  

جاڭا كولىكتەردىڭ كۇرەسىندەرى قالاي پايدا بولدى؟  

^{© Lucy Nicholson/ Reuters}

موحاۆا ءشول دالاسىنداعى ونداعان مىڭ Volkswagen 2015 جىلى شىققان ديزەلدىك شۋ-جانجالدان سوڭ پايدا بولدى. نەمىس كونسەرنى جۇرگىزگەن تەستىلەر كەزىندە اۋاعا شىعاتىن زياندى گازداردىڭ مولشەرىن ازايتىپ كورسەتكەن ەكەن. وسىلايشا بۇكىل الەمدەگى 11 ملن جۋىق «تەمىر تۇلپار» ەكولوگياعا جانە جۇرگىزۋشىلەرگە زياندى بولىپ شىقتى.  

ءوزىنىڭ ابىرويىن ساقتاپ قالۋ ءۇشىن كومپانيا 350 مىڭ اۆتوكولىكتى يەلەرىنەن ساتىپ الدى دا، ولاردى «ۇزاقمەرزىمدى دەمالىسقا» جىبەردى. ءقازىر اۆتوموبيلدەردىڭ ءبىرازى دەترويتتاعى قاراۋسىز قالعان ستاديوندا، ميننەسوتاداعا بۇرىنعى قاعاز فابريكاسىنىڭ عيماراتىندا، كاليفورنيالىق ءشولدالادا جانە 34 قۇپيا ساقتاۋ ورىندارىندا تۇر.   

بۇل ماشينالاردىڭ بولاشاعى بار ما؟  

^{© Lucy Nicholson/ Reuters}

مىڭداعان «لاس» Golf-تەر مەن Jetta-لار بۇندا تۇرعانىنا بىرنەشە جىل ءوتتى، Volkswagen بولسا، ول كولىكتەردىڭ دەتالدارىن اۋىستىرىپ، ەكولوگيالىق تۇرعىدا زيانسىزداۋ ەتكەن سوڭ، ساتۋدى جوسپارلاپ وتىر. ءبىراق، اي سايىن كونۆەيەردەن ابىروي-بەدەلىنە نۇقسان كەلمەگەن جاڭا كولىك مودەلدەرى شىعىپ جاتقاندا جانە وسىنى بىلەتىن الەۋەتتى ساتىپ الۋشىلار تۇرعاندا بۇل مۇمكىن بولا قويار ما ەكەن؟ وسى كۇرەسىندەگى كولىكتەر سانىن كوبەيتكەن ءساندى دە ساپالى Audi ماشينالارىنىڭ ءوزى دە بۇنداي مۇمكىندىككە يە بولا قويۋى ەكىتالاي. كومپانيا ويلاستىرىپ جاتقان بالاما نۇسقا دا جاقسى امال ەمەس: ماشينالاردى باسپاققا (پرەسس) سالىپ، قايتا وڭدەۋگە جىبەرۋ.  

تاعى قانداي كولىكتەردىڭ مازارلارىن Google Maps-تان كورۋگە بولادى؟  

^{© Lucy Nicholson/ Reuters}

Volkswagen مازارى بۇگىنگى تاڭدا جالعىز ەمەس: Nissan، Citroen — بۇلاردىڭ ءبارىنىڭ ءوز كولىك قورىمدارى بار. تەك بۇل كومپانيالاردىڭ قورىم جاساۋ سەبەپتەرى باسقا: ولار ءوز ماشينالارىن ساتىپ بىتىرە الماي جاتىر. General Motors بۇدان ارى كەتتى — وسىنداي كولىك قورىمدارىن جاساۋ ءۇشىن جەر ساتىپ الا باستادى. كولىكتىڭ جاسالۋ تەحنولوگيالارى باسقا جاڭا بۋىندارى ەسكىرگەن مودەلدەردى نارىقتان ىعىستىرىپ تاستاپ جاتىر، ەندىگى ولارعا بار بۇيىرعانى — وسى سياقتى قورىمداردا ءىرىپ-شىرۋ عانا.  

بۇل قورىمدار قۇپيا ۇستالادى: كومپانيالار جانە كوپتەگەن اقپاراتتىق رەسۋرستار اۆتوموبيل قوقىستارىنىڭ بار ەكەنىن تەرىسكە شىعارادى. الايدا، دۇرىستاپ ىزدەسە، بۇل كولىك ساقتاۋ ورىندارىن Google كارتالارىنان تاۋىپ الۋعا بولادى.   

كوربي، نورتگەمپتونشير، ۇلىبريتانيا

^{© maps}

ەيۆونمۋت، ۇلىبريتانيا

^{© maps}

يسپانيانىڭ ۆالەنسيا قالاسىنداعى كەمە ايلاعى

^{© maps}

سۋيندون، ۇلىبريتانيا

^{© maps}

شيرنەسس، ۇلىبريتانيا

^{© maps}

بونۋس: كاليفورنياداعى ۇشاقتار قورىمى

^{© China Plus America}

كومپانيالار نەگە بۇل اۆتوموبيلدەردى ۇلكەن جەڭىلدىك جاساپ ساتىپ جىبەرمەيتىنى، قايىرىمدىلىق قورلارىنا نەمەسە مۇقتاج كىسىلەرگە بەرمەيتىنى بەلگىسىز. بۇلاي ەتۋ ول ماشينالاردى قوسالقى بولشەكتەرگە شاشىپ تاستاۋدان الدەقايدا جاقسى عوي.  

ءسىزدىڭ ويىڭىزشا، بۇل ماسەلەنى شەشۋدىڭ باسقا دا جولدارى بار ما ەكەن؟

---