InfoHub Logo

وقۋىمەن وزات شىعىپ، دارىنىمەن دارالانعان ونداي جاستار ورال قالاسىندا دا از ەمەس. سولاردىڭ ءبىرى – نازاربايەۆ زياتكەرلىك مەكتەبىنىڭ تۇلەگى الينا مولداعالييەۆا. اتالعان وقۋ ورنىندا 7-سىنىپتان بەرى وقيتىن تالاپتى شاكىرت بۇعان دەيىن ءتۇرلى حالىقارالىق بايقاۋلار مەن جوبالاردا ب ا ق سىناپتى. اسىرەسە مۇحيتتىڭ ارعى جاعىنداعى پەنسيلۆانيا شتاتىندا وتكەن حيميا كۋرسىندا كوپتەگەن تىڭ ءبىلىم داعدىلارىن يگەرگەنىن ايتادى. ەندى، مىنە، حيميالىق ينجەنەريا ماماندىعىن تاڭداعان بويجەتكەن شەتەلدىك 11 جوعارى وقۋ ورنىنىڭ گرانتىن جەڭىپ الىپتى. «ماقساتىم – قالاعان ماماندىق يەسى بولىپ، وتانىما ورالىپ، ەلىمە قىزمەت ەتۋ»، – دەيدى ول.

الينا مولداعالييەۆا، نازاربايەۆ زياتكەرلىك مەكتەبىنىڭ تۇلەگى:

– گونكونگتىڭ 2 جانە امەريكانىڭ 9 جوعارى وقۋ ورنى شاقىرىپ تۇر مەنى. سولاردىڭ اراسىنان پەنسيلۆانيا شتاتىندا ورنالاسقان درەكسەل ۋنيۆەرسيتەتىن تاڭدادىم. ويتكەنى ول جاقتا ەكىنشى كۋرستان باستاپ جارتى جىلداپ تاجىريبەدەن وتەدى. ءسويتىپ بىتىرگەن كەزدە ءتۇرلى كومپانيالارعا ءوز رەزيۋمەڭدى ۇيالماي ۇسىنارلىقتاي مۇمكىندىك بولادى. ماقساتىم – قازاقستانعا ورالىپ، ەل ءۇشىن ەڭبەك ەتۋ.