InfoHub Logo

ساعات – بۇل ۋاقىت تالعامايتىن كلاسسيكالىق اكسەسسۋار. بۇگىندە ونى ۋاقىتتىڭ ناقتى قانشا بولعانىن ءبىلۋ ءۇشىن عانا ەمەس، زاماناۋي ادامنىڭ بەينەسىن تولىقتىرىپ تۇرۋ ءۇشىن دە پايدالانادى. ولاردىڭ كەيبىرى ادەمىلىگىمەن عانا ەمەس، مەحانيزمىنىڭ كۇردەلىلىگىمەن تاڭعالدىرادى. مۇنداي ونەر تۋىندىلارى دا از اقشا تۇرمايتىنى ءسوزسىز.

نازارلارىڭىزعا قۇنى 2 ميلليون دوللاردان اساتىن 15 قالتا جانە قول ساعاتتارىن ۇسىنامىز.

15-ورىن: Parmigiani Fleurier Fibonacci – اق التىننان جاسالعان، لوتوس گ ۇلى سياقتى ينسترۋكاسيامەن بەزەندىرىلگەن، فيبوناچچي ءپرينسيپى بويىنشا تەڭ ەكىگە ءبولىنۋىن كورسەتەتىن قالتا ساعاتى. گۇل گاۋحار، لاعىل، ءزۇبارجات، جاقۇت جانە جارتىلاي قىمبات تاستارمەن، جالپى سالماعى 49،5 كاراتقا تەڭ تاستارمەن كومكەرىلگەن. ساعات ماڭگىلىك كۇنتىزبەمەن، مينۋتتىق رەپەتيرمەن جانە اي فازاسىنىڭ كورسەتكىشىمەن جابدىقتالعان. Parmigiani Fleurier Fibonacci تەك تاپسىرىس بويىنشا جاسالادى. بۇل سالتاناتتى اكسەسسۋاردى جاساتۋ 2،4 ملن. دوللاردى قۇرايدى، ال ونى جاساۋعا شامامەن 2 جىل قاجەت بولادى.

 

 

14-ورىن: Franck Muller Aeternitas Mega 4 – الەمدەگى ەڭ كۇردەلى مەحانيكالىق قول ساعاتى. قۇنى 2،7 ملن. دوللارعا جەتەدى. سىرتى اق التىننان جاسالاتىن بۇل ونەر تۋىندىسى 1483 بولشەكتەن تۇرادى. ولار 36 فۋنكسيامەن جابدىقتالعان، ونىڭ 25ء-ى سيفەربلاتتا ورىن العان. Aeternitas Mega 4 ءۇش ساعاتتىق بەلدەۋدىڭ ۋاقىتىن كورسەتەدى، 999-كۇندىزگى گريگورياندىق كۇنتىزبەگە، ارتقا ءجۇرۋ حرونوگرافىنا جانە ۆەستمينستەرلىك دابىلعا يە. بۇل ەرەكشە ساعاتتى نيۋ-يورك پەن جەنيەۆادا عانا ساتىپ الۋعا بولادى.

 

 

13-ورىن: Cartier Secret Watch with Phoenix – رودييدەن جاسالعان جانە 18 دۇركىن اق التىنمەن قاپتالعان فەنيكس تۇرىندەگى قول ساعاتى. ميفتىك قۇستىڭ دەنەسى جالپى سالماعى 80،13 كارات بولاتىن 3010 گاۋحار تاستان قۇراستىرىلعان. فەنيكستىڭ كوزىن المۇرت ءپىشىندى ءزۇبارجات پەن 3،53 كارات گاۋحاردان جاسايدى. بۇل تۋىندىنىڭ قۇنى 2،755،000 شارتتى بىرلىككە تەڭ.

 

 

12-ورىن: سوناۋ 1942 جىلى جاسالعان، ايگىلى Patek Philippe شۆەيساريالىق كومپانيانىڭ قول ساعاتى. 18 كارات التىننان جاسالعان اكسەسسۋار اي فازاسىنىڭ كورسەتكىشىمەن جانە ماڭگىلىك كۇنتىزبەمەن جابدىقتالعان. Patek Philippe (1942) 2009 جىلى جەنيەۆادا وتكەن Christie’s اۋكسيونىندا 2،773،721 دوللارعا ساتىلعان.

 

 

11-ورىن: Patek Philippe Model 2523 Heures Universelles (1953) – تانىمال ساعات ءوندىرۋشى كومپانيانىڭ تاعى ءبىر تۋىندىسى. بۇل ساعات 2012 جىلى Christie’s جەنيەۆالىق اۋكسيوندا 2،990،154 دوللارعا ساتىلىپ كەتكەن. ديزاينى كۇردەلى التىن قول ساعاتى 24 ساعاتتىق ايماقتا كورسەتەدى. ساعاتتىڭ سيفەربلاتى سولتۇستىك امەريكانىڭ ەمالدان جاسالعان كارتاسىمەن بەزەندىرىلگەن. 

 

 

10-ورىن: Piaget Emperador Temple – ناعىز ءسان مەن جارقىراۋدىڭ سالتاناتىن بەينەلەيتىن قول ساعاتى. 18 كارات التىننان جاسالعان جانە كوپتەگەن گاۋحار تاستارمەن كومكەرىلگەن اكسەسسۋار 2010 جىلى جاساپ شىعارىلدى. ساعاتتىڭ ۇستىڭگى بەتى 481 دومالاق گاۋحار تاسپەن جانە 207 باگەتپەن بەزەندىرىلگەن. سيفەربلات 11 باگەت تاس قىرناۋشى گاۋحار تاسپەن جانە 162 دومالاق تاس قىرناۋشى گاۋحار تاسپەن كومكەرىلگەن. Piaget Emperador Templeء-نىڭ ەكى داناسى عانا شىعارىلعان، ءبىراق بىرەۋى ساتىلىپ ۇلگەرگەن. ساعاتتاردىڭ قۇنى 3،3 ملن. دوللارعا تەڭ.

 

 

9-ورىن: Patek Philippe Single-Button Chronograph Watch (1928) – 1928 جىلى بەلگىسىز بىرەۋدىڭ تاپسىرىسىمەن جاسالعان جاستىق پىشىندەس ءبىر باتىرمالى حرونوگراف. ولار 18 كاراتتى اق التىننان جاسالعان جانە 28 قىمبات تاستارمەن بەزەندىرىلگەن. ساعاتتار 2011 جىلى Christie’s اۋكسيونىندا ساتىلادى، ولارعا 3،637،408 دوللار تولەنگەن.

 

 

8-ورىن: JB Champion's platinum observatory chronometer – امەريكالىق كوللەكسيونەر J. B. Champion-نىڭ تاپسىرىسىمەن Patek Philippe كومپانياسىنىڭ شەبەرلەرى جاساعان، 1952 جىلى شىققان پلاتينا ساعاتى. 2012 جىلى جەنيەۆاداعى Christie’s اۋكسيونىندا ول 3،992،858 دوللارعا ساتىلدى. بۇل ەشقانداي كۇردەلى فۋنكسياسىز الەمدەگى ەڭ قىمابات ساعات. 

 

 

7-ورىن: Patek Philippe Platinum World Time (1939) – ۇلى جەنيەۆالىق ساعات شەبەرى Louis Cottier 1939 جىلى جاساعان ەڭ ءىرى شۆەيسارلىق كومپانيانىڭ رەترو-ساعاتى. ونىڭ تەتىگى اۆتوماتتى تۇردە بۇرالاتىن بولعان، ياعني جەر شارىنىڭ قاي جەرىندە بولماساڭ دا ۋاقىتتى بىلۋگە مۇمكىندىك بەرەدى. سونىمەن قاتار مەحانيزمى ساپالى جانە ديزاينى ەرەكشە. Patek Philippe Platinum World Time ساعاتى 2002 جىلى Antiquorum جەنيەۆالىق اۋكسيوندا 4،026،524 شارتتى بىرلىككە ساتىلعان.

 

 

6-ورىن: Paris Precision Stopwatch by Breguet & Fils. – سەكۋندومەرى بار 18 كارات التىن مەن پلاتينادان جاسالعان، قىمبات تاستارمەن بەزەندىرىلگەن ادەمى قالتا ساعاتى. ول تاجىريبە جۇزىندە ءبىرىنشى رەت ۇسىنىلعان، ريم جانە اراب ساندى سيفەربلاتتارمەن جابىداقتالعان Breguet حرونومەترىنەن تۇردى. ساعاتتى ءبىرىنشى بولىپ گارسيا مىرزا 1814 جىلى تامىزدا لوندون اۋكسيونىندا 5000 فرانكقا ساتىپ العان. ساعاتقا 2012 جىلى Christie’s اۋكسيونىندا بەرىلگەن قۇن 4،682،165 شارتتى بىرلىكتى قۇرادى.

 

 

5-ورىن: Patek Philippe Caliber 89 – 1989 جىلى اتاقتى شۆەيسارلىق كومپانيانىڭ 150 جىلدىعىنا وراي شىعارىلعان ەكى سيفەربلاتتى قالتا ساعاتى. ول Patek Philippe شىعارعان ەڭ كۇردەلى ساعات بولدى. ساعاتتىڭ جالپى ءتورت داناسى شىققان، ءارقايسىنىڭ كورپۋسى قىمبات مەتاللداردان جاسالعان: سارى التىن، القىزىل التىن، اق التىن جانە پلاتينادان. بۇل تاماشا اكسەسسۋاردى جاساۋعا ساعات شەبەرلەرىنە 9 جىل ەڭبەك ەتۋ قاجەت بولدى. ساعات 126 قىمبات تاستارمەن بەزەندىرىلگەن، 1728 بولشەكتەن تۇرادى جانە 33 فۋنكسياعا يە. سالماعى 1،1 كگ-عا تەڭ. Caliber 89ء-دىڭ باستى ەرەكشەلىگىنە: كۇنتىزبە، اي فازاسىنىڭ ينديكاتورى، حرونوگراف، تەرمومەتر، قوڭىراۋ مەن جۇلدىزدى اسپاننىڭ كارتاسى كىرەدى. بۇل ەرەكشە ساعاتتىڭ قۇنى 5 ملن. دوللارعا تەڭ.

 

 

4-ورىن: Patek Philippe Reference 1527 – 1943 جىلى شىعارىلعان، 23 قىمبات تاس جانە التىننان جاسالعان كلاسسيكالىق قول ساعاتى. باستاپقىدا Patek Philippe برەندىنىڭ يەگەرى ستەرن وتباسىنىڭ ساعاتى بولعان. ساعات ماڭگىلىك كۇنتىزبە مەن اي فازاسىنىڭ كورسەتكىشىمەن جابدىقتالعان. 2010 جىلى مامىردا بولعان Christie’s اۋكسيونىندا Patek Philippe Reference 1527 5،63 ملن. شارتتى بىرلىككە ساتىپ الىنعان.

 

 

3-ورىن: Patek Philippe Henry Graves Supercomplication – 1932 جىلى ەكى باي امەريكالىق دوستىڭ باستەسۋى سالدارىنان دۇنيەگە كەلگەن ۇلگىسى ەرەكشە ساعات. ولار الەمدەگى ەڭ كۇردەلى ساعاتتىڭ يەسى كىم بولار ەكەن دەپ باستەسكەن. ناتيجەسىندە Patek Philippe-كە تاپسىرىس بەرگەن نيۋ-يوركتىق بانكير گەنري گرەيۆز جەڭىسكە جەتەدى. كونسترۋكسياسى وتە قيىن بۇل ساعاتتى جاساۋعا 5 جىل ۋاقىت كەتكەن. 18 كارات التىننان جانە 900 بولشەكتەن تۇراتىن ساعات 24 فۋنكسيامەن جابدىقتالعان. Patek Philippe Henry Graves Supercomplication-تىڭ ەڭ ءبىر قىزىق ەرەكشەلىگى – سيفەربلاتتاعى جۇلدىزدى اسپان گرەيۆزدىڭ نيۋ-يوركتاعى ءۇيىنىڭ تەرەزەسىنەن قالاي كورىنسە، سولاي كورىنەدى. 1999 جىلى Sotheby's اۋكسيونىندا ساعات بەلگىسىز بىرەۋمەن 11،002،500 دوللارعا ساتىپ الىندى جانە قازىرگى تاڭدا جەنيەۆاداعى ساعاتتار مۋزەيىندە تۇر.

 

 

2-ورىن: 201-carat Chopard – زەرگەرلىك جانە ساعات ونەرىنىڭ بارلىق جەتىستىكتەرىن ءوز بويىنا توپتاستىرعان ەكسكليۋزيۆتى بىلەزىك-ساعات. Chopard كومپانياسى ونى 2008 جىلى شىعاردى. ساعاتتىڭ بەتى گاۋحار تاستارمەن مولىنان كومكەرىلگەن، ونىڭ ورتاسىنان كىشكەنتاي سيفەربلاتتى كورۋگە بولادى. ءۇش نەگىزگى جۇرەك ءتارىزدى گاۋحار تاس – اق، قىزىل جانە كوك – سيفەربلاتتىڭ اينالاسىندا ورنالاسقان. ولاردىڭ جالپى سالماعى 38 كاراتقا تەڭ، ال ساعاتتاعى 874 قىمبات تاستاردىڭ سالماعى 200 كارات. بۇل ونەر تۋىندىسى 25 ميلليون دوللارعا باعالانادى.

 

 

بۇل ءتىزىمدى Jaeger-LeCoultre - Joaillene Manchette شۆەيسارلىق برەندتىڭ ساعاتى ءتامامدايدى. ونىڭ قۇنى شامامەن 26 ميلليون دوللارعا تەڭ. ول تەتىگى قولمەن بۇرالاتىن Joaillerie 101 سەرياسىنىڭ سوڭعى ۇلگىسى بولىپ تابىلادى. باۋى اق التىننان جاسالعان ساعات 576 گاۋحار تاس پەن 11 ونيكس كريستاللىمەن بەزەندىرىلگەن، ال كۇمىس سيفەربلات Joaillene Manchette جاقۇت اينەكپەن جابىلعان.

 

---