InfoHub Logo

بۇگىن ءبىز سىزدەرگە سپورتتىڭ ويىن تۇرلەرىنە ارنالعان (فۋتبول، امەريكالىق فۋتبول، كريكەت) الەمنىڭ ەڭ ۇلكەن الاڭدارىنىڭ رەيتينگىن ۇسىنباقپىز. الاڭ سىيىمدىلىعىنىڭ كورسەتكىشتەرى 2014 جىلدىڭ مالىمەتتەرىنە سايكەس. 

كوپ ادام ريو-دە-جانەيروداعى ماراكانا ستاديونى جايلى سۇرايدى، رەيتينگ كىرىسپەسىندە ەڭ الدىمەن سول تۋرالى ايتىپ وتكەندى قالادىق. ماراكاناعا كەلۋشىلەر سانى بويىنشا 1950 جىلى الەم چەمپيوناتىنىڭ فينالى كەزىندە رەكورد ورنادى. برازيليا ۋرۋگۆايدان 2:1 بولىپ جەڭىلىپ قالعان ماچتا 199 مىڭ 854 جانكۇيەر بولعان. الايدا قايتا جوندەۋدەن كەيىن ماراكانا 78 838 ادامدى عانا سىيدىرا الادى، ال 2014 جىلى فۋتبولدان الەم چەمپيوناتىنا ودان دا از ادام قاتىسقان – 73 531. ءقازىر ماراكانا الەمنىڭ ەڭ ءىرى الاڭدارىنىڭ ەلۋلىگىنە دە كىرمەيدى. 

ءبىز سىزدەرگە 25 ەڭ ۇلكەن الاڭداردىڭ ءتىزىمىن ۇسىنامىز

25-ورىن: بۋردج ال-اراب / Borg El Arab (باسقاشا اتاۋى – مىسىر اسكەرىنىڭ الاڭى). سىيىمدىلىعى – 86 مىڭ. بۇل مىسىردىڭ ەڭ ۇلكەن الاڭى جانە افريكاداعى ەڭ ۇلكەن ەكىنشى الاڭ. 2006 جىلى مىسىر اسكەرىنىڭ ينجەنەرلەرىمەن سالىنعان الاڭ الەكساندريا قالاسىنا جاقىن بۋردج ال-اراب كۋرورتتىق قالاسىندا ورنالاسقان. الاڭ 2010 جىلى فۋتبولدان الەم چەمپيوناتىن جەڭۋ ءۇشىن سالىنعان، ءبىراق ناتيجەسىندە مىسىر الەم چەمپيوناتىن وتكىزۋ مارتەبەسىن وار-دان جەڭىلىپ قالادى. الاڭدا فۋتبولدان ۇلتتىق قۇرامانىڭ ماچتارىن، سونىمەن قاتار مىسىر كۋبوگىنىڭ فينالدارى مەن مىسىر كلۋبتارىنىڭ ماڭىزدى ماچتارىن وتكىزۋ جوسپارلانۋدا.

 

24-ورىن: مەموريال ستەديۋم / Memorial Stadium. سىيىمدىلىعى - 87 091. الاڭ 1923 جىلى نەبراسكا (اقش) شتاتىنىڭ لينكولن قالاسىندا تۇرعىزىلعان. مۇندا نەبراسكا ۋنيۆەرسيتەتىنىڭ Nebraska Cornhuskers – امەريكالىق فۋتبول كومانداسى وينايدى.

 

23-ورىن: دجوردان-حەير / Jordan–Hare. سىيىمدىلىعى - 87 451. الاڭ 1939 جىلى تۇرعىزىلعان جانە وبەرن قالاسىندا (الاباما امەريكالىق شتاتى) ورنالاسقان. دجوردان-حەير جەرگىلىكتى ۋنيۆەرسيتەتتىڭ Auburn Tigers امەريكالىق فۋتبول كومانداسىنىڭ الاڭى بولىپ تابىلادى.

 

22-ورىن: بۋنگ كارنو / Bung Karno. سىيىمدىلىعى - 88 083. الاڭ يندونەزيا استاناسى دجاكارتادا 1960 جىلى 1962 جىلى وتەتىن ازيا ويىندارىنا وراي تۇرعىزىلعان. بۋنگ كارنو – يندونەزيانىڭ ەڭ ۇلكەن الاڭى، مۇندا وسى ەلدىڭ فۋتبول قۇراماسىنىڭ ماچتارى وتەدى.

 

21-ورىن: بەن حيلل گريففين / Ben Hill Griffin، حالىق اراسىندا "The Swamp" (مي باتپاق) دەپ اتالىپ كەتكەن. سىيىمدىلىعى - 88 548. الاڭ گەينسۆيلل قالاسىندا (فلوريدا شتاتى) تۇرعىزىلعان. بەن حيلل گريففين جەرگىلىكتى ۋنيۆەرسيتەتتىڭ Florida Gators امەريكالىق فۋتبول كومانداسىنىڭ الاڭى بولىپ تابىلادى.

 

20-ورىن: ۋەمبلي / Wembley. سىيىمدىلىعى - 90 000. الاڭ لوندوندا 2007 جىلى سالىنعان جانە انگليا فۋتبول قۇراماسىنىڭ ءۇي ارەناسى بولىپ تابىلادى. "ۋەمبليدە" انگليانىڭ فۋتبول كۋبوگى وتەدى. سونىمەن قاتار "ۋەمبليدە" "Saracens" (ساراسيندەر) رەگبي كومانداسى ءوز ماچتارىن وتكىزەدى.

 

19-ورىن: ازادي / Azadi (پارسى تىلىنەن اۋدارعاندا "ەركىندىك"). سىيىمدىلىعى - 91 623. الاڭ 1971 جىلى 1974 جىلى وتكەن ازيا ويىندارى ءۇشىن تۇرعىزىلعان. بۇل الاڭدا يران قۇراماسى فۋتبولدان ءۇي ماچتارىن وتكىزەدى، سونىمەن قاتار مۇندا پەرسەپوليس جانە ەستەگليال كوماندالارى وينايدى.

 

18-ورىن: كوتتون بوۋل / Cotton Bowl. سىيىمدىلىعى - 92 100. الاڭ 1930 جىلى تۇرعىزىلعان جانە داللاستا (تەحاس شتاتىندا) ورنالاسقان. كوتتون بوۋل امەريكالىق فۋتبولدان كوپتەگەن كوماندانىڭ ءۇي الاڭى بولعان. سونىمەن قاتار مۇندا 1994 جىلى «جاي» فۋتبولدان الەم چەمپيوناتى وتكەن.

 

17-ورىن: تايگەر ستەديۋم / Tiger Stadium. سىيىمدىلىعى - 92 542. الاڭ 1924 جىلى تۇرعىزىلعان جانە باتون-رۋج (لۋيزيانا شتاتى) قالاسىندا ورنالاسقان. تايگەر ستەديۋم – لۋيزيانا شتاتى ۋنيۆەرسيتەتىنىڭ امەريكالىق فۋتبول كومانداسىنىڭ ءۇي ارەناسى.

 

16-ورىن: سەنفورد ستەديۋم / Sanford Stadium. سىيىمدىلىعى - 92 746. الاڭ 1929 جىلى افينادا تۇرعىزىلعان، ءبىراق گرەك ەمەس، امەريكالىق (دجوردجيا شتاتى) قالادا. مۇندا جەرگىلىكتى ۋنيۆەرسيتەتتىڭ Georgia Bulldogs (دجوردجيا بۋلدوگتارى) امەريكالىق فۋتبول كومانداسى ءۇي ماچتارىن وتكىزەدى.

 

15-ورىن: لوس-اندجەلەس مەموريال كوليزەي / Los Angeles Memorial Coliseum. سىيىمدىلىعى - 93 607. الاڭ 1923 جىلى تۇرعىزىلعان جانە ەكى رەت جازعى وليمپيادا ويىندارىن (1932، 1984) قابىلداعان. مۇندا وڭتۇستىك كاليفورنيا ۋنيۆەرسيتەتىنىڭ "تروياندار" (Trojans)»دەپ اتالاتىن امەريكالىق فۋتبول كومانداسى وينايدى.

 

14-ورىن: روۋز بوۋل / Rose Bowl. سىيىمدىلىعى - 94 392. الاڭ 1922 جىلى پاسادەنا قالاسىندا (كاليفورنيا شتاتى) تۇرعىزىلعان. الاڭدا 1994 جىلى فۋتبولدان الەم چەمپيوناتى ويىندارى، سونىڭ ىشىندە فينالى وتكەن. بۇگىندە روۋز بوۋلدا كاليفورنيالىق ۋنيۆەرسيتەتتىڭ امەريكالىق فۋتبول كومانداسى ءۇي ماچتارىن وتكىزەدى.

 

13-ورىن: سوككەر سيتي / Soccer City. سىيىمدىلىعى - 94 736 (بۇل افريكا قۇرلىعىنداعى ەڭ ءىرى الاڭ). الاڭ يوحاننەسبۋرگتە (وار) 1989 جىلى تۇرعىزىلعان. 1996 جىلى مۇندا افريكالىق ۇلتتار كۋبوگىنىڭ فينالى ءوتتى، ال 2010 جىلى سوككەر سيتي فۋتبولدان الەم چەمپيوناتى ماچتارىن (ونىڭ ىشىندە فينالدى دا) وتكىزەتىن ورىن بولدى. سوككەر سيتي – فۋتبولدان وار قۇراماسى مەن وار چەمپيوناتىنىڭ 11-دۇركىن جەڭىمپازى بولعان كايزەر چيفس كومانداسىنىڭ ءۇي ارەناسى.

 

12-ورىن: كامپ نوۋ / Camp Nou (كاتالوندىق تىلدەن اۋدارعاندا "جاڭا الاڭ"). «بارسەلونا» فۋتبول كلۋبىنىڭ ءۇي ارەناسى بولىپ تابىلاتىن بۇل الاڭ 99 786 كورەرمەندى سىيدىرادى جانە يسپانيادا عانا ەمەس، ەۋروپاداعى ەڭ ءىرى الاڭ بولىپ ەسەپتەلەدى. الاڭ 1957 جىلى تۇرعىزىلعان، 1982 جىلى فۋتبولدان الەم چەمپيوناتىن، ال 1992 جىلى – جازعى وليمپيادا ويىندارىن قابىلدادى.

 

11-ورىن: مەلبۋرن كريكەت گراۋند / Melbourne Cricket Ground. سىيىمدىلىعى - 100 024. بۇل اۆستراليانىڭ ەڭ ءىرى الاڭى بولىپ تابىلادى. بۇدان وزگە، بۇل كريكەت ويىندارىنان الەمدەگى ەڭ ۇلكەن الاڭ. مۇندا كريكەتتەن اۆستراليانىڭ ۇلتتىق قۇراماسى وينايدى. سونىمەن قاتار بۇل الاڭدا فۋتبولدان اۆستراليا قۇراماسىنىڭ ءۇي ماچتارى وتەدى. سونىمەن قاتار مۇندا اۆستراليالىق فۋتبولدى دا وينايدى. الاڭ سوناۋ 1854 جىلى تۇرعىزىلعان جانە سودان بەرى جوندەلمەگەن. 1956 جىلى مەلبۋرن كريكەت گراۋند جازعى وليمپيادا ويىندارىنىڭ باستى الاڭى بولادى، ال وليمپيادا-2000 كەزىندە فۋتبول ماچتارىن قابىلدايدى.

 

10-ورىن: داررەلل رويال / Darrell K Royal (بۇرىنعى اتاۋى - تەحاس مەموريال ستەديۋم / Texas Memorial Stadium). سىيىمدىلىعى - 100 119. الاڭ 1924 جىلى تۇرعىزىلعان، وستين قالاسىندا (تەحاس، اقش) ورنالاسقان. الاڭ امەريكالىق فۋتبول باپكەرى داررەلل رويالدىڭ ەسىمىن العان. قازىردە الاڭ جەرگىلىكتى ۋنيۆەرسيتەتتىڭ Texas Longhorns امەريكالىق فۋتبول كومانداسىنىڭ ءۇي ارەناسى بولىپ تابىلادى.

 

9-ورىن: بۋكيت دجاليل /  Bukit Jalil. سىيىمدىلىعى - 100 200. بۇل الاڭ مالايزيا استاناسى كۋالا-لۋمپۋردە بىرلەستىك ويىندارىن (بريتان بىرلەستىگى، تمد-مەن شاتاستىرماڭىز) وتكىزۋ ءۇشىن 1998 جىلى اشىلدى. مالايزيانىڭ ەڭ ۇلكەن الاڭى قازىردە مەملەكەتتىڭ فۋتبول قۇراماسىنىڭ ءۇي ارەناسى بولىپ تابىلادى، سونىمەن قاتار فۋتبولدان مالايزيالىق كۋبوك پەن سۋپەركۋبوك فينالدارىن وتكىزۋ ورنى سانالادى.

 

8-ورىن: برايان دەنني ستەديۋم / Bryant Denny Stadium. سىيىمدىلىعى - 101 821. الاڭ 1928 جىلى تۋسكالۋسا قالاسىندا (الاباما شتاتى، اقش) تۇرعىزىلعان جانە باستاپقىدا 18 مىڭ ادامعا ارنالعان بولاتىن. بۇگىندە بۇل جەرگىلىكتى ۋنيۆەرسيتەتتىڭ امەريكالىق فۋتبول كومانداسىنىڭ ءۇي ارەناسى.

 

7-ورىن: وگايو ستەديۋم / Ohio Stadium. سىيىمدىلىعى - 102 329. الاڭ 1922 جىلى كولۋمبۋس قالاسىندا (وگايو شتاتى، اقش) تۇرعىزىلعان جانە باستاپقىدا 66 مىڭ ادامدى سىيعىزعان. قازىردە بۇل جەرگىلىكتى ۋنيۆەرسيتەتتىڭ Ohio State Buckeyes امەريكالىق فۋتبول كومانداسىنىڭ ءۇي ارەناسى. ءبىر ايتا كەتەتىنى، بۇل الاڭدا جارىق جوق، سوندىقتان بارلىق ماچتار كۇندىز وتكىزىلەدى نەمەسە الاڭعا ۋاقىتشا جارىق قۇرىلعىلارى جەتكىزىلەدى.

 

6-ورىن: نييلاند ستەديۋم / Neyland Stadium. سىيىمدىلىعى - 102 455. الاڭ 1921 جىلى نوكسۆيلل قالاسىندا (تەننەسي شتاتى، اقش) تۇرعىزىلعان جانە باستاپقىدا بار-جوعى 3200 ادامدى سىيدىرعان. ءقازىر بۇل جەرگىلىكتى ۋنيۆەرسيتەتتىڭ Tennessee Volunteers امەريكالىق فۋتبول كومانداسىنىڭ ءۇي ارەناسى.

 

5-ورىن: استەكا / Azteca. 105 064 ادام سىياتىن بۇل الاڭ لاتىن امەريكاداعى ەڭ ءىرى الاڭ بولىپ تابىلادى. الاڭ مەكسيكا استاناسى مەحيكودا 1966 جىلى تۇرعىزىلعان جانە فۋتبولدان الەم چەمپيوناتىن ەكى رەت قابىلداعان (1970، 1986). "استەكا" 22 ماۋسىم 1986 جىلى ديەگو مارادوننانىڭ قولىمەن سوعىلعان گولىنا كۋا بولعان. ال ءۇش مينۋتتان كەيىن «عاسىر گولىن» - فۋتبولدان الەم چەمپيوناتى تاريحىنداعى ەڭ ۇزدىك گولدى سالدى. ول مارادوننانىڭ اعىلشىن كومانداسىنىڭ ايىپ الاڭىنا كىرىپ كەتىپ، قاقپاشىمەن قاتار التى ويىنشىنى الداپ كەتكەننەن كەيىن سالىندى. بۇگىندە "استەكا" – بۇل فۋتبولدان مەكسيكا قۇراماسىنىڭ ءۇي ارەناسى. سونىمەن قاتار مۇندا مەكسيكانىڭ 10 دۇركىن چەمپيونى - «امەريكا» فۋتبول كلۋبى ماچتارىن وتكىزەدى.

 

4-ورىن:  بيۆەر ستەديۋم / Beaver Stadium. سىيىمدىلىعى 106 572 ورىندى بۇل الاڭ ۇلكەندىگى جاعىنان اقش-تاعى ەكىنشى الاڭ بولىپ تابىلادى. الاڭ 1960 جىلى تۇرعىزىلعان جانە باستاپقىدا 46 284 ادامدى سىيعىزعان. بيۆەر ستەديۋم پەنسيلۆانيا شتاتى ۋنيۆەرسيتەتىنىڭ ستۋدەنتتەر قالاشىعىنىڭ اۋماعىندا ورنالاسقان. بيۆەر ستەديۋم - ۋنيۆەرسيتەتتىڭ Penn State Nittany Lions امەريكالىق فۋتبول كومانداسىنىڭ ءۇي ارەناسى.

 

3-ورىن: ميچيگان ستەديۋم / Michigan Stadium. سىيىمدىلىعى - 109 901. ميچيگان ستەديۋم – اقش-تىڭ، سولتۇستىك امەريكانىڭ جانە بۇتكىل باتىس جارتى شارىنىڭ ەڭ ۇلكەن الاڭى، سونىمەن قاتار امەريكالىق فۋتبولدان الەمدەگى ەڭ ءىرى الاڭ. ول 1927 جىلى تۇرعىزىلىپ، باستاپقىدا 72 مىڭ ادامدى سىيعىزعان. ميچيگان ستەديۋم ەنن - اربور قالاسىندا (ميچيگان شتاتى، اقش) ورنالاسقان. الاڭ ميچيگان ۋنيۆەرسيتەتىنىڭ Michigan Wolverines - امەريكالىق فۋتبول كومانداسىنىڭ ءۇي ارەناسى بولىپ تابىلادى. سونىمەن قاتار بۇل لاكروسستان ۋنيۆەرسيتەت كومانداسىنىڭ ءۇي الاڭى. ميچيگان ستەديۋم كەيدە حوككەي ماچتارىن وتكىزەتىن ورىن بولادى. 11 جەلتوقسان 2010 جىلى حوككەي ماچىنا كەلۋشىلەر سانى بويىنشا رەكورد ورنادى. جەرگىلىكتى ەكى ۋنيۆەرسيتەتتىڭ كوماندالارىنىڭ ويىنىن كورۋگە 104 073 ادام كەلگەن.

 

2-ورىن: ءۇندى جاستارىنىڭ الاڭى / Stadium of the Indian Youth (باسقاشا اتاۋى - Salt Lake Stadium). سىيىمدىلىعى - 120 مىڭ ادام. الاڭ 1984 جىلى تۇرعىزىلعان جانە ءۇندىستاننىڭ كالكۋتتا قالاسىندا ورنالاسقان. بۇل الاڭدا ءۇندىستاننىڭ قۇراما كومانداسى ءوز ماچتارىن وتكىزەدى، سونىمەن قاتار "يست-بەنگال"، "موحۋن باگان" مەن "موحاممەدان" فۋتبول كلۋبتارى دا وينايدى. بۇدان وزگە، مۇندا جەڭىل اتلەتيكادان جارىستار وتكىزىلىپ تۇرادى.

 

150 مىڭ ادامدىق سولتۇستىك كورەيانىڭ پحەنيان قالاسىنداعى ءبىرىنشى مامىر الاڭى ازياداعى جانە الەمدەگى ەڭ ۇلكەن الاڭ بولىپ سانالادى. الاڭ 1989 جىلى جاستار مەن ستۋدەنتتەردىڭ ءحىىى-شى فەستيۆالىن وتكىزۋ ءۇشىن سالىنعان. قازىردە بۇل الاڭدا فۋتبولدان سولتۇستىك كورەيا قۇراماسى ءۇي ماچتارىن وتكىزەدى.

 

---