الماتى مەتروپوليتەنى
الماتى مەتروپوليتەنى — كوشە قوزعالىسىنان تىس جۇردەك تەمىرجول كولىگى جۇيەسى. قازاقستانداعى ازىرگە جالعىز مەترو. ورتا ازيادا تاشكەنت قالاسىنان كەيىن ەكىنشى، بۇرىنعى كسرو مەملەكەتتەرى اۋماعىندا 2016 جىلدىڭ ءبىرىنشى جەلتوقسانىندا 16-شى بولىپ اشىلدى.
مەترو اشىلعان العاشقى كۇننىڭ وزىندە 6 ساعاتتىڭ ىشىندە (18:00 مەن 00:00 دەيىن) 11 مىڭ ادام مەتروپوليتەندى قولدانىپ ۇلگەردى. اۋەلگى 3-5 كۇندە 130 مىڭعا جۋىق ادام مەترومەن ءجۇردى.
العاشقى جىلى مەترومەن 6 ملن جولاۋشى تاسىمالداندى. 2013 جىلدىڭ 9 شىلدەسىندە (اشىلعاننان 1 جىل 8 اي وتكەن سوڭ) الماتى مەتروپويتەنى 10-ميلليون جولاۋشىعا جەتتى.
2014 جىلدىڭ 18 جەلتوقسانىندا 20 ميلليونىنشى مەتروپوليتەن جولاۋشىسىن ماراپاتتادى.
2016 جىلى 12،4 ملن ادام مەتروپوليتەن قىزمەتىن قولدانسا بۇل كورسەتكىش 2017 جىلى 14 ميلليون جولاۋشىمەن تولىستى. جۇمىس ۋاقىتى تاڭعى 6:20 باستاپ، 00:00 گە دەيىن جالعاسادى.
2022 جىلدىڭ 30 مامىرىنا دەيىن 9 مەتروستانسيا جۇمىس ىستەپ كەلسە، وسى كۇننەن باستاپ «سارىارقا» جانە «ب.مومىش ۇلى» ستانسيالارى ىسكە قوسىلدى. باس-اياعى 13،4 كم قۇرايدى جانە 25 مينۋتتا ا نۇكتەسىنەن ب نۇكتەسىنە دەيىن ءجۇرىپ وتەدى.
الماتىداعى بۇل مەترونىڭ جوسپارى سوناۋ كەڭەس زامانىنان باستاۋ العان.
1978 جىلى الماتى قالاسىنىڭ باس جوسپارى بەكىتىلىپ، وندا ءبىرىنشى مەترو مارشرۋتى كورسەتىلدى.
1980 جىلى كسرو مينيسترلەر كەڭەسىنىڭ ءتوراعاسى ا.ن.كوسىگين № 1537-ر جارلىققا قول قويدى، وندا الماتىدا مەتروپوليتەننىڭ تەحنيكالىق-ەكونوميكالىق نەگىزدەمەسىن ازىرلەۋ، جوبالاۋ جانە سالۋدى باستاۋ تۋرالى بۇيرىق بەرىلدى.
1981 جىلى 3 ماۋسىمدا قازاق كسر مينيسترلەر كەڭەسى «الماتىدا مەترو قۇرىلىسىن دايىنداۋ جونىندەگى شۇعىل شارالار تۋرالى» شەشىم قابىلدادى. مەترونىڭ قاجەتتىلىكتەرى ءۇشىن 137 عيمارات، ونىڭ ىشىندە 92 تۇرعىن ءۇي ءسۇرىلدى (سنوس).
الماتى مەتروسىنىڭ قۇرىلىسى 1988 جىلى 7 قىركۇيەكتە باستالدى. 1989 جىلدىڭ 1 قاڭتارىنان باستاپ كسرو كولىك ءمينيسترىنىڭ ۆ.ا.برەجنيەۆ قول قويعان № 156-ور بۇيرىعىمەن مەترو قۇرىلىسىن «بامتوننەلستروي» سكس جۇرگىزۋ تاپسىرىلدى.
قۇرىلىستىڭ اياقتالۋ مەرزىمى 1997 جىلعا بەلگىلەندى. قۇرىلىس 1991 جىلعا دەيىن وداقتىق بيۋدجەت ەسەبىنەن جۇرگىزىلدى، قازاق اكسر-ى تەك جاناما شىعىنداردى تولەدى.
ءبىرىنشى كەزەڭدەگى 8 ستانسانىڭ جوباسىن (ءقازىر ولاردىڭ سانى 7-گە دەيىن قىسقاردى، اباي داڭعىلى مەن جەلتوقسان كوشەلەرىنىڭ قيىلىسىنداعى «پلوششاد رەسپۋبليكي» ستانسياسى الىنىپ تاستالدى) «لەنمەتروگيپروترانس» ينستيتۋتىنىڭ قاتىسۋىمەن ماسكەۋدىڭ «مەتروگيپروترانس» ينستيتۋتى ازىرلەدى.
كسرو ىدىراعاننان كەيىن الماتى مەتروسىنىڭ قۇرىلىسى ۋاقىتشا توقتاپ قالدى. 1991 جىلعى قۇرىلىس سمەتاسى 457 ميلليون ءرۋبلدى قۇرادى.
1994 جىلدان باستاپ قارجىلاندىرۋ جىلىنا 15-20%-عا تومەندەي باستادى، ءبىرىنشى كەزەڭدى تاپسىرۋ مەرزىمى بەلگىسىز مەرزىمگە كەيىنگە شەگەرىلدى. 1995 جىلى كەشەندى ساراپتاما جۇرگىزىلىپ، ونىڭ بارىسىندا مەتروپوليتەننىڭ ءبىرىنشى كەزەگىن سالۋعا 101 ميلليارد تەڭگە قاجەت ەكەنى بەلگىلى بولدى. وسى كەزەڭدە ينۆەستورلاردى تابۋعا بىرنەشە رەت ارەكەت جاسالدى. 1992 جىلى اۆستريالىق «بەتون-ۋند-مويبراۋ» كومپانياسى «الماتىمەتروسترويمەن» تۋننەلدى قازۋ جۇمىستارىن جەڭىلدەتۋ ءۇشىن جاڭا تەحنولوگيالاردى ەنگىزۋگە كەلىسىمشارتقا وتىردى. كەلىسىمشارت اۆستريالىق نەسيە جەلىسى اياسىندا جۇزەگە اسۋى كەرەك ەدى، ءبىراق بۇل ماسەلە شەشىلمەي قالدى. نەگىزگى سەبەپ 1993 جىلعى ەلدەگى «ەكونوميكالىق جاعدايدىڭ وزگەرۋىنە» بايلانىستى ەدى.
كۇندەر ايلارعا، ايلار جىلدارعا جالعاسىپ جاتتى. الماتى قالاسىنىڭ تىنىس-تىرشىلىگى ءوز اعىسىمەن جۇرە بەردى. ءار كەلگەن باسشىلار مەترو جۇمىسىنىڭ بىتۋىنە ءبىر كىسىدەي ات سالىسىپ، ءوز قىزمەتتەرىن جاساۋدا بولدى. بۇگىندە مەترو جۇمىستارى تولىقتاي ءبىتىپ حالىق يگىلىگىنە بەرىلدى.
You Might Also Like
-
اعىم، سەكتا دەگەندە قازىرگى كەزدە ءبىز كوبىنەسە يسلامنىڭ اتىڭ جامىلىپ جۇرگەن جاڭا ءدىني اعىمداردى ەسكە الامىز، نەمەسە سولاردان باسقا ءدىني اعىمداردى بىلمەي، ەسكەرمەي جاتىرمىز، ال وسى ورايدى پايدالانىپ...
-
«قىزمەت ەتكەن ادامعا باسقالار دا قىزمەت ەتەدى» حاديس ءشاريفىنىڭ كورسەتىپ تۇرعانى، كىمدە-كىمنىڭ ادامدارعا قىزمەتى، جاقسىلىعى وتكەن بولسا، مىندەتتى تۇردە باسقالاردىڭ دا وعان قىزمەتى، جاقسى...
