جاقسىلىقتىڭ ەڭ ۇلكەنى
«قىزمەت ەتكەن ادامعا باسقالار دا قىزمەت ەتەدى» حاديس ءشاريفىنىڭ كورسەتىپ تۇرعانى، كىمدە-كىمنىڭ ادامدارعا قىزمەتى، جاقسىلىعى وتكەن بولسا، مىندەتتى تۇردە باسقالاردىڭ دا وعان قىزمەتى، جاقسىلىعى وتەدى. بىرەۋگە جاقسىلىق جاساعان ادامنىڭ مۇنىڭ وتەمى رەتىندە قانشالىقتى كوپ جاقسىلىق كورەتىنىن تەك اللاھ بىلەدى. وعان ادامداردان جاقسىلىق قايتپاسا، پەرىشتەلەر جاردەم بەرۋگە كەلەدى. ويتكەنى پايعامبارىمىز بوسقا سويلەمەيدى. وسى سەبەپتەن، ءبىر ءۇزىم نانمەن بولسا دا، ياعني ازداعان نارسەمەن بولسا دا، قولدان كەلگەنىن ىستەپ، جاقسىلىق جاساۋ كەرەك.
حازرەتى ءالي «مەن ومىرىمدە ەشكىمگە جاقسىلىق جاسامادىم، نە ىستەسەم دە، ءبارىن ءوزىم ءۇشىن ىستەدىم» دەگەن كەزدە، مۇنى ەستىگەندەر «سىزگە سەنەمىز، ءبىراق ايتقانىڭىزدى تۇسىنە المادىق، ءسىزدىڭ كوپ جاقسىلىق ىستەگەنىڭىزدى بىلەمىز عوي» دەيدى. بۇعان بىلاي جاۋاپ بەرەدى: «كىمگە قانداي جاقسىلىق ىستەگەن بولساڭ، ول ادام تەك قۋانادى، ءبىراق ماعان ەڭ از دەگەندە ون ەسە ساۋاپ جازىلدى. بىرگە ون ساۋاپ الدىم. ال ەندى مەن كىمگە جاقسىلىق جاسادىم، وزىمە مە، الدە الگى ادامعا ما؟ ارينە نەگىزىندە جاقسىلىقتى وزىمە ىستەدىم. ول بىرنەشە كۇندىك دۇنيەدە ءبىراز قۋانىپ قالدى، الايدا مەنىڭ تاپقاندارىم احيرەتتە الدىمنان شىعادى. نەگىزگى تابىس — احيرەتتە قول جەتكىزىلگەنى. احيرەتتە مەنىڭ داپتەرىم اشىلعان كەزدە ىستەگەن جاقسىلىقتارىمنىڭ وتەمىن اللاھۋ تا’الا ماعان مولىنان يحسان ەتەدى (بەرەدى)، سەبەبى قۇران كارىمدە «جاقسىلىق جاساۋدىڭ اقىسى — جاقسىلىق كورۋ» دەلىنگەن».
ولاي بولسا، اقىلدى ادام قولىنان كەلگەنشە جاقسىلىق جاساۋى كەرەك.
You Might Also Like
-
الماتى مەتروپوليتەنى — كوشە قوزعالىسىنان تىس جۇردەك تەمىرجول كولىگى جۇيەسى. قازاقستانداعى ازىرگە جالعىز مەترو. ورتا ازيادا تاشكەنت قالاسىنان كەيىن ەكىنشى، بۇرىنعى كسرو مەملەكەتتەرى اۋماعىندا ...
-
سترەسس - قاتتى كۇيزەلۋ، ابىرجۋ، اعزانىڭ قيىن جاعدايلارعا قايتاراتىن جاۋابى. سترەسس جالعىزدىق پەن وقشاۋلىق، ۋايىم-قايعى، جاقىنىڭنان ايىرىلۋ سەكىلدى سەبەپتەردەن تۋىندايدى.
