الماتى وبلىسىنان مەكتەپ وقۋشىسى الامان بايگەدە 10 ميلليون تەڭگە ۇتىپ الدى
«التىن تۇلپار» جارىستارىنىڭ جەڭىمپازى 10 ميلليون تەڭگە ۇتىپ الدى. الامان بايگە بويىنشا رەسپۋبليكالىق تۋرنير ەلوردادان 30 شاقىرىم جەردە قابانباي باتىر اۋىلىندا ءوتتى، دەپ حابارلادى «حابار 24» تەلەارناسى.
شاباندوزدىڭ شەبەرلىگى، سايگۇلىكتىڭ شىدامدىلىعى - كەز كەلگەن بايگەنىڭ باستى ولشەمدەرى. 51 شاقىرىم قاشىقتىقتى ەڭسەرۋ ءۇشىن ەداۋىر تاباندىلىق كەرەك. الماتى ماڭىنداعى دەگەرەس كەنتىنىڭ 13 جاسار تۇرعىنى اسحات ءالىمجانوۆ جاننۇر اتتى سايگۇلىگىمەن جارىسقا وتكەن جىلدان بەرى قاپىسىز دايىندالعان بولاتىن. بۇل ەڭبەك ەش كەتپەدى. جۇيرىك ات قوجايىنىنا جەڭىس اپەردى.
«وتكەن جىلى جارىستا مەن ءۇشىنشى ورىنعا يە بولعان ەدىم. بيىلعى جىلى بارىنشا تىرىستىم. مۇنداي دەڭگەيدەگى بايگەدە بۇرىن-سوڭدى جەڭىسكە جەتپەگەن ەدىم. مەن وتە قۋانىشتىمىن»، - دەدى اسحات.
بيىلعى جىلعى تۋرنيرگە ەلىمىزدىڭ تۇپكىر-تۇپكىرىنەن 67 تاجىريبەلى شاباندوز جينالدى. ونىڭ ەڭ جاس قاتىسۋشىسى 12 جاستا بولدى، ءتورت اينالىمدى شاۋىپ ءوتۋ قاجەت ەدى. ۇيىمداستىرۋشىلار كەلەسى جىلى بايگە قاشىقتىعىن تاعى دا 9 شاقىرىمعا ۇزارتپاق.
«وتكەن جىلى ءبىز سايگۇلىكتەردىڭ قارىمىن تەكسەرۋ ءۇشىن قاشىقتىقتى 51 شاقىرىمعا دەيىن ۇلعايتۋعا شەشىم قابىلداعان ەدىك. بۇگىن ءبىز جۇيرىكتەردىڭ بۇدان دا ۇزاققا شابا الاتىنىن كورىپ وتىرمىز. بۇل ارينە، شاباندوزعا دا، بايگەگە قوسىلعان اتتارعا دا وڭاي ەمەس. ءبىراق تا بايگە - ءبىزدىڭ حالقىمىزدىڭ رۋحاني يگىلىگى، سوندىقتان دا ءبىز ونى دامىتۋ ءتۇسۋىمىز قاجەت»، - دەدى جارىس تورەشىسى ءماۋلىت قوجاتايەۆ.
ەكىنشى ورىن مەن 3 ميلليون تەڭگە جۇلدەگە قاراعاندى وبلىسىنان قيناس قوجاحمەتوۆ يە بولدى. جامبىل وكىرىنەن نۇرجان ەگىنبايەۆ ءۇشىنشى ورىنعا جانە 2 ميلليون تەڭگەگە ىلىكتى.
ايتا كەتەيىك، العاشقى 9 شاباندوز جۇلدەلى بولدى.
You Might Also Like
-
حالىق تانىعان ەلدىڭ قۇرمەتتى ادامدارىنا سىي-سىياپات جاساۋدىڭ ءبىر جولى - ولارعا تارتۋ-تارالعى ۇسىنۋ. بۇل - قالىپتاسقان ەل ءداستۇرى. بۇل - بىرەۋدى بايىتۋ نەمەسە بىرەۋگە جاعىنۋ ەمەس، قۇرمەتتەۋ، سول ادام...
-
مۇحتار ومارحان ۇلى اۋەزوۆ (1897-1961) — قازاقتىڭ ايگىلى جازۋشىسى، قوعام قايراتكەرى، قازاق كسر عىلىم اكادەمياسىنىڭ اكادەميگى، فيلولوگيا عىلىمىنىڭ تۇڭعىش دوكتورى، پروفەسسور، قازاق كسر-نىڭ ەڭبەك ...
