InfoHub Logo

حالىق تانىعان ەلدىڭ قۇرمەتتى ادامدارىنا سىي-سىياپات جاساۋدىڭ ءبىر جولى - ولارعا تارتۋ-تارالعى ۇسىنۋ. بۇل - قالىپتاسقان ەل ءداستۇرى. بۇل - بىرەۋدى بايىتۋ نەمەسە بىرەۋگە جاعىنۋ ەمەس، قۇرمەتتەۋ، سول ادامنىڭ مارتەبەسىن كوتەرۋ، ەڭبەگىن باعالاۋ. باتىردى، اقىندى، شەبەردى، شەشەندى حالىق وسىلاي باعالاپ، وسىلاي سىيلاعان. مۇنداي تارتۋعا جۇيرىك پەن جورعا، قارا نار، قالى كىلەم، كۇمىستەلگەن ەر-توقىم، قۇندىز بورىك، زەر شاپان، كىسە بەلبەۋ تاعى باسقا قىمبات بۇيىمدار جاتادى. ەگەر اتاعى شىققان ادامدار كەلىپ، ولارعا مۇنداي قۇرمەت كورسەتە الماسا، جولدان جىعىلادى. بۇل - ازاماتقا ۇلكەن ءمىن، كەمشىلىك، ءارى ۇيات ءىس، قاتاردان قالۋ دەگەن ءسوز. تارتۋ - ەلدىڭ كەڭدىگىن كورسەتەتىن تاربيەلىك ءمانى بار ادەت-عۇرىپ.

---