الماتى وبلىسىندا 8 جاسار قىزدى قۇتقارعان وقۋشىعا وبلىس اكىمىنىڭ ءبىلىم گرانتى بەرىلەدى
الماتى وبلىسىندا قىزدى پەدوفيلدەن قۇتقارعان وقۋشىعا وبلىس اكىمىنىڭ ءبىلىم گرانتى بەرىلەدى. بۇل شەشىمدى وبلىس اكىمدىگى قابىلدادى.
باسىن قاۋىپكە تىگىپ، ەش ويلانباستان وقۋشى قىزعا اراشا تۇسكەن تيمۋربەك جاماللادينوۆتىڭ ارەكەتىنە ءوڭىر باسشىلىعى ريزاشىلىعىن ءبىلدىرىپ وتىر.
«تيمۋربەك جاماللادينوۆتىڭ ەرلىگىنە بارشا قازاقستاندىقتار ءتانتى. ول جالعىز ءوزى كىشكەنتاي قىزدىڭ ءومىرىن زورلىقتان ساقتاپ قالدى. مۇنداي باتىل قادامدى ءبىز نازارسىز قالدىرا المايمىز. تۇرگەن اۋىلىنداعى قونايەۆ اتىنداعى مەكتەپتە ءبىلىم الاتىن بالاعا وبلىس اكىمىنىڭ ءبىلىم گرانتى بەرىلەدى. ءقازىر ول 11-سىنىپتا وقيدى. مەكتەپتى ءبىتىرىپ، قولىنا اتتەستاتىن العاننان كەيىن بىردەن قازاق ۇلتتىق اگرارلىق ۋنيۆەرسيتەتىنە قابىلدانادى»، دەدى الماتى وبلىسى اكىمىنىڭ ورىنباسارى جاقسىلىق ومار.
سونداي اق، ءوڭىر باسشىلىعى پەدوفيلدىڭ قۇربانى بولا جازداعان 2-سىنىپ وقۋشىسىنىڭ جاعدايىن دا نازاردا ۇستايتىنىن جەتكىزدى. ءقازىر كىشكەنتاي قىزعا بارلىق قاجەتتى مەديسينالىق قىزمەتتىڭ كورسەتىلىپ جاتقانىن ايتتى.
ەستەرىڭىزگە سالا كەتەيىك، 14 ءساۋىر كۇنى كەشكىسىن ەڭبەكشىقازاق اۋدانىنا قاراستى تۇرگەن اۋىلىندا جانتۇرشىگەرلىك جاعداي ورىن الا جازدادى. ابىروي بولعاندا، 11-سىنىپ وقۋشىسى 8 جاسار قىزدى زورلىقتان قۇتقارىپ قالدى. ءقازىر ارام پيعىلىن جۇزەگە اسىرماق بولعان 32 جاستاعى كۇدىكتى قولعا ءتۇسىپ، قاماۋعا الىندى. اتالعان فاكتى بويىنشا ق ر قك 121-بابى، 4-تارماعىنا سايكەس سوتقا دەيىنگى تەرگەۋ جۇمىستارى ءجۇرىپ جاتىر.
You Might Also Like
-
ءماجىلىس دەپۋتاتى بەكبولات تىلەۋحان ۇبت سۇراقتارىنداعى ورەسكەل قاتەلىكتەرگە جول بەرگەندەردى جاۋاپكەرشىلىككە تارتۋ بويىنشا ءبىلىم جانە عىلىم مينيسترىنە دەپۋتاتتىق ساۋالىن جولدادى، دەپ قازاقپارات...
-
قاراسى بار اكەمدە، جاڭاسى بار تاتەمدە. اپپاعى بار انامدا ەكەۋى بار كوكەمدە.
