الماتىدا جولاۋشىلار «وڭاي» كارتاسىنىڭ تەڭگەرىمىن ۇيالى تەلەفون ارقىلى تولىقتىرا الادى
الماتىنىڭ تۇرعىندارى مەن قوناقتارى «وڭاي» كولىك كارتاسىنىڭ تەڭگەرىمىن Beeline قازاقستان ءموبيلدى تەلەفونىنىڭ تەڭگەرىمى ارقىلى تولىقتىرا الادى. بۇل تۋرالى بۇگىن «الماتى قالاسىنىڭ كولىك حولدينگى» ج ش س باسپا ءسوز قىزمەتىنەن حابارلادى.
«2016 جىلدىڭ اقپان ايىنان باستاپ، Beeline قازاقستان كليەنتتەرى «وڭاي» كولىك كارتاسىنىڭ تەڭگەرىمىن كوميسسياسىز SMS حابارلاما جانە money.beeline.kzتولەم جۇيەسى ارقىلى تولىقتىرا الادى»، - دەلىنگەن حابارلامادا.
«ءبىز «وڭاي» كارتاسىن قولدانۋدى جولاۋشىلار ءۇشىن وتە ىڭعايلى ەتكىمىز كەلەدى. وسىعان بايلانىستى «كار-تەل» كومپانياسىمەن ىنتىماقتاستىقتى جولعا قويدىق. سونىڭ ارقاسىندا «وڭاي» كولىك كارتاسىنىڭ تەڭگەرىمىن Beeline ءموبيلدى تەلەفونىنىڭ تەڭگەرىمى ارقىلى تولىقتىرۋعا مۇمكىندىك تۋدى»، - دەدى «الماتى قالاسىنىڭ كولىك حولدينگى» ج ش س باسقارما ءتوراعاسى ريفات ءابدىرامانوۆ.
«money.beeline.kz بىرەگەي تولەم سەرۆيسىنىڭ ىسكە قوسىلعانىنا نەبارى ءبىر ايعا جۋىق مەرزىم ءوتتى. سوعان قاراماستان، وسى ۋاقىت ىشىندە Beeline كليەنتتەرى وعان ەرەكشە قىزىعۋشىلىق تانىتتى. ءبىز وسى جاڭا سەرۆيس ارقىلى الماتىلىقتارعا «وڭاي» كولىك كارتاسىنىڭ بالانسىن تولىقتىرىپ وتىرۋعا مۇمكىندىك بەردىك. قازىرگى ساتتە بۇل قىزمەت تەستىلەۋدەن وتكىزىلىپ جاتىر. كوپ ۇزاماي Beeline قازاقستان مەن «الماتى قالاسىنىڭ كولىك حولدينگى» ج ش س ونىڭ ىسكە قوسىلعاندىعىن جاريالايدى»، - دەدى ءوز كەزەگىندە Beeline قازاقستان كومپانياسىنىڭ كورپاراتيۆتى كوممۋنيكاسيا بويىنشا ديرەكتورى الەكسەي بەندز.
ەستەرىڭىزگە سالا كەتەلىك، 2016 جىلدىڭ 11 قاڭتارىنان باستاپ، الماتى قالاسىنىڭ بارلىق قوعامدىق كولىكتەرى «وڭاي» كولىك كارتاسىنا كوشتى. ءبىرىڭعاي كولىك كارتاسىنىڭ باعاسى - 400 تەڭگە. وعان ءبىر رەتتىك جول اقىسى - 80 تەڭگە جانە 320 تەڭگەلىك كەپىلدىك سوما كىرەدى. بۇل سوما جولاۋشى كارتانى كەرى قايتارعان جاعدايدا وعان قايتارىلىپ بەرىلەدى. كولىك كارتاسىن بۇكىل قالا بويىنشا «وڭاي» جاپسىرماسى بار ساۋدا نۇكتەلەرىنەن جانە جۇرگىزۋشىلەر مەن كوندۋكتورلاردان ساتىپ الۋعا بولادى. 2016 جىلدىڭ 11-20 قاڭتارى ارالىعىندا «وڭاي» كارتاسى ارقىلى 292 891 340 تەڭگەگە 4 595 367 ترانزاكسيا جاسالعان. 2016 جىلدىڭ 20 قاڭتارىنا قاراي، 776 680 كولىك كارتاسى ساتىلدى.
ولاردىڭ ىشىندە 419 049 ءبىرىڭعاي كولىك كارتاسى ساتىلىپ، 357 631 جەڭىلدەتىلگەن كولىك كارتاسى بەرىلگەن.
بۇگىنگى تاڭدا «وڭاي» كولىك كارتاسىنىڭ تەڭگەرىمىن «QIWI» تەرمينالدارى، «كازكوممەرسبانك» اق، «كاسسا24»، «QIWI كوشەلەك»، «Kaspi Bank» اق، «بانك سەنتر كرەديت» اق، "سبەربانك" اق ەنشىلەس بانكىنىڭ تەرمينالدارى، سونداي-اق «استانا بانكى» اق، "بانك ۆتب (قازاقستان)" اق ەنشىلەس ۇيىمى، «Capital Bank Kazakhstan» اق، «Altyn Bank» اق ( او «قازاقستان حالىق بانكى» اق ەنشىلەس بانكى)، «Delta Bank» اق، «ەكسيمبانك كازاحستان» اق، «Bank RBK» اق، "PROFIT LLP" ج ش س ينتەرنەت-بانكينگى ارقىلى تولەم جاساۋعا بولادى.
You Might Also Like
-
مۇعاليما بۇل سىنىپقا جاڭادان كەلگەن ەدى. ول جاس ءارى جىگەرلى ۇستاز بولاتىن. جۇمىس ىستەگىسى كەلىپ قۇلشىنىپ تۇرادى. انىعىنا كەلگەندە، ول ۇستازدىق قىزمەتتى ەندى عانا باستاپ جاتقان جوق. مۇنىڭ الدىندا دا...
-
ءححى عاسىر ادامزات بالاسىنىڭ ءوي-ورىسىنىڭ ەرەكشە ءوسىپ، وركەندەپ جەتىلگەن عاسىرى بولىپ وتىر. ۇيىڭىزدە كومپيۋتەر بولسا، ول عالامتورعا قوسىلسا، بۇگىندە كەز - كەلگەن مەملەكەتتەگى تانىسىمىزبەن ينتەرنەت ار...
