الماتىدا ءۇش بالانى ورتتەن قۇتقارعان 5-سىنىپ وقۋشىسى ماراپاتتالادى
ماراپاتتاۋ ءراسىمى 2016 جىلدىڭ 2 اقپانىندا ۇلجان-1 ىقشام اۋدانىندا ورنالاسقان № 152 مەكتەپ-گيمنازياسىندا بولادى.
«2015 جىلدىڭ 11 قاراشاسىندا 12 ساعات 04 مينۋتتا الماتى ق. الاتاۋ اۋدانىنىڭ، ۇلجان-1 ىقشام اۋدانىنداعى تاكەجانوۆ كوشەسى بويىندا ورنالاسقان № 64 تۇرعىن ۇيدە ءورت شىعىپ جاتقاندىعى تۋرالى حابار كەلىپ ءتۇستى. ۇيدە سول ساتتە 2004 جىلى تۋعان ساتىبالدى دانيار ايدىن ۇلى، 2007 جىلى تۋعان ساتىبالدى گۇلميرا ايدىن قىزى، 2008 جىلى تۋعان ساتىبالدى دينارا ايدىن قىزى جانە 2012 جىلى تۋعان ساتىبالدى دامير ايدىن ۇلى بولعان. ال ەرەسەكتەردەن ەشكىم بولماعان. ءورت سالدارىنان بولمەلەر تۇتىنگە تولا باستاعان. سول ارادا ساتىبالدى دانيار تەرەزەنىڭ اينەگىن سىندىرىپ، باۋىرلارىن وسى تەرەزە ويىعى ارقىلى الىپ شىعىپ، ءتىلسىز جاۋدان قۇتقارىپ قالادى. ەڭ سوڭىنان تەرەزە ارقىلى ءوزى شىعىپ جاتقان ساتتە سول جاق جامباسىنان جاراقات الادى. كامەلەتكە تولماعان ساتىبالدى دانيار ايدىن ۇلىنىڭ دەر كەزىندە جاساعان باتىل ىس-ارەكەتىنىڭ ارقاسىندا كامەلەتكە تولماعان ءۇش بالانىڭ ءومىرى امان الىپ قالىندى.
ادام ءومىرىن قۇتقارۋدا ەرلىك جانە جانقيارلىق تانىتقانى ءۇشىن ساتىبالدى دانيار ايدىن ۇلى ق ر ىشكى ىستەر ءمينيسترىنىڭ 2016 جىلعى 8 قاڭتارداعى بۇيرىعىمەن «توتەنشە جاعدايداعى ەرلىگى ءۇشىن» توسبەلگىسىمەن ماراپاتتالدى»، - دەلىنگەن حابارلامادا.
You Might Also Like
-
قازاقستان رەسپۋبليكاسىندا 2015-2016 وقۋ جىلىنىڭ باسىنا 127 جوعارى وقۋ ورنى جۇمىس ىستەيدى، ونداعى ستۋدەنتتەردىڭ جالپى سانى - 459 369 ادامدى قۇراپ وتىر. سونىڭ ىشىندە باكالاۆر دارەجەسىنە وقيتىندار سان...
-
تورونتولىق رەجيسسەر روب سپەنس ءوزىن ارنايى بەينەكامەرا ورناتىلعان كوز الماسىنىڭ پروتەزىنە ۇيرەتتى،-دەپ حابارلايدى NewYork Times
