InfoHub Logo

قازاقستان رەسپۋبليكاسىندا 2015-2016 وقۋ جىلىنىڭ باسىنا 127 جوعارى وقۋ ورنى جۇمىس ىستەيدى، ونداعى ستۋدەنتتەردىڭ جالپى سانى - 459 369 ادامدى قۇراپ وتىر. سونىڭ ىشىندە باكالاۆر دارەجەسىنە وقيتىندار سانى - 414 772، جوعارى ارنايى ءبىلىم الىپ جاتقانداردىڭ سانى 39 344 ادامدى قۇرايدى. بۇل تۋرالى ق ر ۇلتتىق ەكونوميكا مينيسترلىگى ستاتيستيكا كوميتەتىنەن حابارلاندى.

كەلتىرىلگەن مالىمەتتەرگە قاراعاندا، مەنشىك تۇرىنە قاراي جوعارى وقۋ ورىندارىنىڭ 50ء-ى مەملەكەتتىك بولىپ تابىلادى، ولاردا  216 879 ستۋدەنتتتى قۇرايدى. وقيتىنداردىڭ جالپى سانىنان قىزداردىڭ ۇلەسى 55،9 پايىز، جىگىتتەردىڭ ۇلەسى 44،1 پايىزعا تەڭ.

سونىمەن قاتار، مەملەكەتتىك ءبىلىم گرانتتارىنىڭ جانە ءبىلىم بەرۋ تاپسىرىسى ەسەبىنەن 137 778 ادام ءبىلىم الۋدا، بۇل ستۋدەنتتەردىڭ 30 پايىزىن قۇرايدى، اقىلى نەگىزدە  316 338 ادام  وقيدى. ال كۇندىزگى بولىمدە ءبىلىم الاتىنداردىڭ ۇلەسى 78 پايىز بولسا، 15،4 پايىزى - سىرتتاي، 6،6 پايىزى كەشكى ءتۇرى بويىنشا وقيدى.

«مەملەكەتتىك تىلدە وقيتىن ستۋدەنتتەردىڭ ۇلەسى 62،7 پايىزدى، ورىس تىلىندە 34،3 پايىزدى جانە اعىلشىن تىلىندە وقيتىندار 3 پايىزدى قۇرايدى. سونىمەن قاتار، رەسپۋبليكانىڭ جوعارى وقۋ ورىندارىندا 85-تەن استام ۇلت وكىلى ءبىلىم الادى. ولاردىڭ ىشىندە قازاقتاردىڭ ۇلەس سالماعى 85،1 پايىز، ورىستار - 7،7 پايىز، وزبەكتەر - 2،2 پايىز،  تاتارلار جانە ۋكرايندار - 0،6 پايىز، وزگە ۇلتتار  3،8 پايىزدى قۇراپ وتىر»، - دەلىنگەن باسپا ءسوز بايانىندا.

ايتا كەتەرلىگى، جوعارى وقۋ ورىندارىندا شتاتتاعى پروفەسسورلىق-وقىتۋشىلىق قۇرامنىڭ سانى 38 087 ادام بولىپ تابىلادى. ونىڭ ىشىندە قوسا اتقارۋشىلىق قىزمەت بويىنشا 5 250 وقىتۋشى جۇمىس ىستەيدى. جالپى پروفەسسورلىق-پەداگوگيكالىق قۇرامنان عىلىم دوكتورى - 9،4 پايىز، عىلىم كانديداتى - 37،7 پايىز، پروفەسسور دارەجەسى - 6،1 پايىز  جانە دوسەنت اتاعى بار - 17،1 پايىز. ماگيستر اكادەميالىق دارەجەسى بار وقىتۋشىلاردىڭ سانى - 10 108 ادام نەمەسە 26،5  پايىز، فيلوسوفيا دوكتورى (PhD) جانە بەيىن بويىنشا دوكتور - 1 273 ادام نەمەسە 3،3  پايىزعا تەڭ.

---