InfoHub Logo

بۇگىن الماتى قالالىق ءماسليحاتىنىڭ 50ء-شى سەسسياسىندا دەپۋتاتتار مەملەكەتتىك بالاباقشاعا باراتىن ءبىر بالا ءۇشىن تولەنەتىن اقى قۇنىن 15 مىڭ تەڭگەدەن اسىرماۋ جونىندە قاۋلى قابىلدادى. بۇل تۋرالى الماتى قالاسى اكىمىنىڭ باسپا ءسوز قىزمەتىنەن حابارلادى.

ەسكە سالا كەتەلىك، «نۇر وتان» پارتياسىنىڭ الماتى قالالىق فيليالىنىڭ دەپۋتاتتار فراكسياسى 2016 جىلدىڭ 22ء-شى قاڭتارىندا قالاداعى مەملەكەتتىك بالا باقشالاردى شارۋاشىلىق ەسەپتەن مەملەكەتتىك تاپسىرىسقا كوشىرۋ تۋرالى باستاما كوتەرگەن بولاتىن. وسىلايشا، بيىلعى جىلدىڭ 1ء-شى اقپانىنان باستاپ، ەكى جاستان بەس جاسقا دەيىنگى ارالىقتا مەملەكەتتىك بالاباقشاعا باراتىن 17 000 ءبۇلدىرشىن ءۇشىن تەك تاماقتانۋ قۇنى عانا تولەنەتىن بولادى. بۇل ءۇشىن جەرگىلىكتى بيۋدجەتتەن وتكەن جىلدىڭ قورىتىندىسى بويىنشا ۇنەمدەلگەن قارجىدان 3 ملرد. تەڭگەگە جۋىق قارجى بولىنەتىن بولدى.

«بىزدە تۇرمىسى تومەن جانداردىڭ پروبلەمالارىن شەشۋ مۇمكىندىكتەرى بار. سوندىقتان، بۇگىن بالاباقشالار قۇنىن ءوسىرۋدىڭ ورنىنا ءبىز 17 مىڭ ءبۇلدىرشىن ءۇشىن تولەنەتىن بالاباقشا قۇنىن تومەندەتىپ وتىرمىز، وسىنىڭ ارقاسىندا ءاربىر وتباسى 20 مىڭ تەڭگە كولەمىندە قارجىسىن ۇنەمدەيتىن بولادى»، - دەدى سەسسيا بارىسىندا الماتى اكىم باۋىرجان بايبەك.

بۇدان وزگە، مەملەكەتتىك بالاباقشادا جۇمىس ىستەيتىن ءارى 48 مىڭ تەڭگە كولەمىندە ورتاشا جالاقى الاتىن 3 360 تاربيەشىگە 30 پايىز قوسىمشا اقى تولەنەتىن بولادى. بۇل شارالاردىڭ بارلىعى ق ر پرەزيدەنتى ن.نازاربايەۆتىڭ بيىلعى جولداۋىندا الەۋمەتتىك از قورعالعان جاندارعا قولداۋ كورسەتۋ تۋرالى ايتقان تاپسىرماسى اياسىندا جۇزەگە اسىپ وتىر.

سونىمەن قاتار، بيۋدجەتتىك كوميسسيا 2015 جىلى ۇنەمدەلگەن قارجى ەسەبىنەن ءبىرقاتار الەۋمەتتىك ماڭىزى بار شارالار ءۇشىن 5،3 ملرد.تەڭگە ءبولۋدى قاراستىردى. بۇل جەردە وتكەن جىلدىڭ الماتى قالاسى ءۇشىن 18 ملرد. تەڭگە وسىممەن اياقتالعاندىعىن ايتا كەتكەن ءجون.  
«الەۋمەتتىك از قورعالعان جاندار ءۇشىن الەۋمەتتىك نان قۇنىنىڭ وسۋىنە قاتىستى 59 ملن. تەڭگە كولەمىندە قارجى ءبولىنىپ وتىر، ازاماتتاردىڭ وسى كاتەگورياسىنىڭ كولىك دوتاسياسى دا قاراستىرىلعان، ياعني الماتىلىق جولاۋشى تاسىمالداۋشىلار ءۇشىن 2 ملرد.تەڭگە كولەمىندە قارجى بولىنەتىن بولادى. وسىلايشا، 2016 جىلدىڭ 1ء-شى ناۋرىزىنان باستاپ 4،5 مىڭ مۇگەدەك بالا، 23 مىڭ 1-2ء-شى توپتاعى مۇگەدەك، كوزى ناشار كورەتىن جاندار، 12 مىڭ ۇلى وتان سوعىسىنىڭ ارداگەرى مەن سولارعا تەڭەستىرىلگەن ارداگەرلەر، 50 پايىز جەڭىلدىك الاتىن 18 جاسقا دەيىنگى 4 جانە ودان دا كوپ بالالارى بار انالار قوعامدىق كولىكتە تەگىن جۇرەتىن بولادى. ال، 202 مىڭ وقۋشىعا باعاسى - 1000 تەڭگەلىك، 200 مىڭ زەينەتكەر مەن 7،5 مىڭ كوپ بالالى انالار ءۇشىن قۇنى - 2000 تەڭگەلىك، ال 202 مىڭ ستۋدەنت ءۇشىن باعاسى - 3000 مىڭ تەڭگەلىك ءبىر ايلىق جول ءجۇرۋ بيلەتتەرى قايتادان قولدانىسقا شىعارىلادى»، - دەدى ءوز كەزەگىندە ەكونوميكا جانە بيۋدجەتتىك جوسپارلاۋ باسقارماسىنىڭ باسشىسى ماقسات قيقىموۆ.

جەڭىلدەتىلگەن جول اقىسى بيلەتتەرىن الۋ ءۇشىن اتالعان كاتەگورياداعى ازاماتتار قالا اۋداندارى اكىمدىكتەرىنىڭ الەۋمەتتىك قورعاۋ بولىمدەرىنە بارىپ، وتىنىشتەرىن بەرۋى ءتيىس.

سونىمەن قاتار، الماتى قالاسىنىڭ 2020 جىلعا دەيىنگى دامۋ باعدارلاماسىنا سايكەس، ازاماتتاردىڭ وتىنىشتەرى بويىنشا قالانىڭ كەيبىر بولىكتەرىندەگى كولىك بەكەتتەرى جوق ەكەندىگى جونىندەگى ماسەلە دە شەشىمىن تاباتىن بولدى. ولاردىڭ جوبالاۋ-سمەتالىق قۇجاتتاماسىن دايىنداۋ ءۇشىن بيۋدجەتتەن 600 مىڭ تەڭگە قاراستىرىلدى. اتالعان باعدارلاما اياسىندا الماتىنىڭ كولىك مودەلىن جاساۋ دا قولعا الىنادى، مۇندا جول قوزعالىسىنىڭ كەشەندى سحەماسى، كولىك لەگىن ءتيىمدى پايدالانۋ جانە باسقا دا جول-كولىك جۇيەسىنە قاتىستى ماڭىزدى ماسەلەلەر قاراستىرىلعان.

وسىعان وراي، اتالعان سحەمانى جاساۋ ءۇشىن 300 ملن.تەڭگە بولىنەدى. 
سونداي-اق، ءماجىلىس بارىسىندا گاگارين اتىنداعى بالالار كىتاپحاناسىنا كۇردەلى جوندەۋ جۇرگىزۋ ءۇشىن 28 ملن. 737 مىڭ تەڭگە، «سامال» پانسيوناتىن جوندەۋگە 6 ملن. 471 مىڭ تەڭگە جانە ەكى بالا باقشاعا جەڭىل قۇرال-جابدىق، جيhاز، ىدىس-اياق جانە باسقا دا كەرەك-جاراقتار الۋ ءۇشىن 11 ملن. 688 مىڭ تەڭگە بولىنەتىن بولدى.

---