امازون دجۋنگليىندە اداسقاندار، يوسسي گينسبەرگتىڭ وقيعاسى
1981 جىلى 21 جاسار يزرايلدىك ساياحاتشى يوسسي گينسبەرگ امازون تروپيكتىك دجۋنگليىندە جوعالىپ، ءۇش اپتا بويى تاماقسىز، ءقاۋىپتى جاندىكتەر مەن جانۋارلار اراسىندا، ءوز ءومىرى ءۇشىن كۇرەسۋگە تۋرا كەلدى. ءوز جولىندا يوسسي ياگۋارلار، ۋلى جىلانداردى كەزدەستىرگەن. ونىڭ وسى ەرلىگى تۋرالى "Netflix" 2017 جىلى كينو شىعارىپ، بۇكىل ساياحاتتى كينوپلەنكاعا ءتۇسىردى.
يوسسي گينسبەرگ ساپار الدىندا
امازون دجۋنگليلەرىن كورۋ ءيوسسينىڭ بۇرىڭعى ماقساتى بولعان. سوندىقتان ول وتانىندا اسكەري دايىندىقتان وتكەن سوڭ، ءبىرشاما اقشا جيناپ، وڭتۇستىك امەريكاعا ساپارعا شىعادى.
جول بارىسىندا 21 جاسار جىگىتكە تاعى ەكى ادام قوسىلدى: ماركۋس ستامم، شۆەيساريالىق ءمۇعالىم، جانە كيەۆين گەيل، امەريكالىق فوتوسۋرەتشى. بوليۆيا ەلىندەگى لا پاس قالاسىندا ساياحاتشىلار توقتاپ، جەرگىلىكتى جەردى ارالاعان كەزدە، ولار اۆستريالىق كارل رۋپرەحتەردى كەزدەستىردى. جىگىتتەرگە ول ءوزىن امازونعا التىن ىزدەۋگە بارا جاتقان گەولوگ رەتىندە تانىستىردى. يوسسي وعان سەنىپ، وزىمەن بىرگە الۋىن سۇرايدى.
ساياحات باستالعاندا، ءتورت ادام اسارياماس وزەنىنە كوتەرىلىپ، امازونكانىڭ بەلگىسىز ايماقتارىنا باردى. ءبىراق ازىق-تۇلىك تاۋسىلعاندىقتان، ولار بىرتە-بىرتە السىرەي باستادى.
جىگىتتەردىڭ جاعدايى تىپتەن ناشارلاعان سوڭ، ولارعا مايمىلداردى ءولتىرىپ، جەۋگە تۋرا كەلدى.
اقىرىندا توپ ءوز ساپارىن تاستاپ، ورالۋعا جول ىزدەستىرگەندە، توپ ەكىگە ءبولىندى. رۋپرەحتەر مەن ستامم جاياۋ قايتۋدى كوزدەسە، ولارمەن ۇرىسىپ قالعان گينسبەرگ پەن گەيل سۋ ارقىلى، جاساندى سالمەن قايتۋدى كوزدەدى.
كوپ ۇزاماي گينسبەرگ پەن گەيل ۇلكەن ماسەلەگە تاپ بولدى. وزەن اعىسى سارقىراماعا جاقىنداعان تۇستا كۇشەيىپ ولار سالدى باسقارا الماي قالدى. گەيل جاعاعا جەتكەندە، گينسبەرگ باسىن سۋدان جوعارى ۇستاۋعا تىرىسىپ جوعارى اعىسپەن ءجۇزۋدى جالعاستىردى. سۋدىڭ كۇشى گينسبەرگتى جارتى ساعات بويى سۇيرەپ ءجۇردى. ايتەۋىر دەگەندە گينسبەرگ جاعاجايعا جەتكەندە، گەيل ەكەۋى ءبىرىن-بىرى جوعالتقاندارىن ءتۇسىندى. بەس كۇننەن كەيىن گەيلدى جەرگىلىكتى بالىقشى كورىپ، قۇتقاردى. ال گينسبەرگ بولسا دجۋنگليدەن ءۇش اپتا بويى شىعۋ جولىن ىزدەيدى.
وسى ۋاقىت ىشىندە گينسبەرگ ۇلكەن قاۋىپتەردى كەزدەستىرگەن. ونىڭ ءبىرى — ياگۋار. تۇندە جىرتقىش مىسىق پەن ساياحاتشى بەتپە-بەت كەزدەسەدى. وسى كەزدە گينسبەرگ دجەيمس بوند فيلمىنەن الىنعان قۋلىقتى پايدالاندى، شىبىن قۋاتىن سپرەيدىڭ الدىنا شاقپاق قويىپ، ياگۋاردى وتپەن قورقىتىپ جىبەرەدى.
ساياحاتتىڭ سوڭىنا قاراي ول ايەلدى كەزدەستىردى. ساياحاتشىنىڭ ايتۋىنشا ول ايەلمەن ۇنەمى سويلەسىپ تۇرعان، الايدا ول جاۋاپ بەرمەگەن. گينسبەرگ ولار ەكەۋىنە ۇيىقتايتىن جەر سالىپ، ايەلگە ورىن قالدىردى. بۇل ايەل گالليۋسيناسيا بولعان. ايەل كەنەت جوعالىپ كەتكەندە، 21 جاستاعى جىگىت ونى ەسىنەن تانىپ قالدى دەپ الاڭداعان.
كوپ ۇزاماي ول قايىقتىڭ داۋىسىن ەستيدى. قۇتقارىلعان كيەۆين گەيل قۇتقارۋ (ىزدەۋ) وپەراسياسىن ۇيىمداستىرىپ، قۇتقارۋشىلار توبىمەن بىرگە يوسسي گينسبەرگتى تاۋىپ الادى.
ال ساياحاتتىڭ باسقا قاتىسۋشىلارى، رۋپرەحتەر مەن ستاممدى اشكىم تابا المادى. كىشىگىرىم زەرتتەۋ ناتيجەسىندە رۋپرەحتەر جىگىتتەردى الداپ شىققانى انىقتالدى. ول ەشقانداي گەولوگ ەمەس، جىگىتتەر بارعان جەردە ەشقانداي التىن بولعان جوق. شىن مانىندە رۋپرەحتەر ينتەرپول ىزدەپ جۇرگەن قىلمىسكەر بولىپ شىقتى.
وسىدان كەيىن يوسسي اقش پەن اۋستراليادا ءومىر ءسۇرىپ، كاسىپكەرلىكپەن اينالىسىپ موتيۆاسيالىق سپيكەر بولىپ جۇمىس ىستەدى.
You Might Also Like
-
بۋكاتوۆا اينۋر تولەگەنوۆنا
