InfoHub Logo

ساۋساق ساناۋ

باسبارماعىم – باقانىم،
باس مۇراسى اتانىڭ!
سۇق ساۋساعىم – كەرەگەم،
شاڭىراقتى دەمەگەن!
ورتان ساۋساق – شاڭىراق،
كەڭ جايىلعان تامىر اپ!
اتى جوعى – تۇندىگىم،
تۇسىرەتىن كۇن نۇرىن!
ەڭ سوڭعىسىن سۇراساق،
ۋىق بولسىن شىناشاق!

* * *     * * *     * * *     * * *

ال، ساناڭدار!

ال، ساناڭدار، ساناڭدار،
بىزدە قانشا ادام بار؟
الدىمدا:
اتام، اجەم،
الدىمدا:
اكەم، انام.
بىلمەسەڭدەر، بىلىڭدەر،
تاعى ساۋساق بۇگىندەر.
الدىما:
اپكەم، كوكەم،
«امان ءجۇرسىن ءىنىم»، - دەر.
ءوزىم بارامىن، ءىنىم بار.
كىپ – كىشكەنتاي كۇنىم بار.
قانشا بولدىق ءبارىمىز؟
شۇناق قۇلاق بەس ەشكى،
قوس لاقتى قوس ەشكى،
ءتورت قوزىلى ەكى قوي
ءبارى نەشەۋ، ايتا عوي؟
(ون توعىز)

* * *     * * *     * * *     * * *

ءبىر دەگەنىڭ – بەسىگىندى تۇزەدىڭ

ءبىر دەگەنىڭ – بەسىگىندى تۇزەدىڭ،
ەكى دەگەنىڭ – ەگەمەندى ەل دەدىڭ.
ءۇش دەگەنىڭ – انا ءتىلىم اسىلىم،
باسقا تىلدەن مارتەبەسىن اسىردىڭ.
ءتورتىنشىڭىز تورەلىكتەن تايماعان،
نۇرسۇلتاندى حان تاعىنا سايلاعان.
بەس دەگەنىڭ – بەرەكەلى بولعانى.
التى دەگەنىڭ – ۇرانىڭ ايبىنىڭ اسىرعان
جەتى دەگەنىڭ – تۋ ۇستادىق جاسىلدان
سەگىزىنشى ءسالت-داستۇرىن ورالعان.
توعىزىنشى اتىڭ كەتتى الىسقا،
توقتار باستاپ قازاق ۇشتى عارىشقا
ون دەگەنىڭ – ورىندالىپ ويداعىڭ
ناۋرىزىڭدى ءوز مانىندە تويلادىڭ.

* * *     * * *     * * *     * * *

ءبىر – ءبىلىم ال

ءبىر – ءبىلىم ال،
ەكى – ەرلىك كورسەت،
ءۇش – ۇلگى تۇت،
ءتورت – ءتارتىپ كەرەك،
بەس – بەستىك باعا ال،
التى – العىس ال،
جەتى – جەڭىس بىزدىكى،
سەگىز – سەنىم كەرەك.
توعىز – توقۋ كەرەك،
ون – وقۋ كەرەك.

* * *     * * *     * * *     * * *

ال سانايىق، سانايىق

ال سانايىق، سانايىق،
سان سىرىنا قانايىق!
ءبىر ساۋساقتى جۇمايىق،
«ءبىر سانى»، - دەپ ۇعايىق!
ەكى ساۋساق جۇمايىق
«ەكى سان» - دەپ تىنايىق!
ءۇشىنشىسىن جۇمايىق،
«ءۇش سانى» - دەپ شىعايىق!
تاعى ءبىرىن جۇمايىق،
ءتورت سانىنا ىلايىق.
جۇدىرىقتى جۇمايىق،
"بەس بولدى» - دەپ ۇعايىق.
وڭ قولدىڭ ەندى بىرەۋىن،
تاعى دا ەپتەپ جۇمايىق،
«التى سان»، - دەپ ۇعايىق،
ەكىنشىسىن جۇمايىق،
«جەتى سان» - دەپ ۇعايىق!
ءۇشىنشىسىن جۇمايىق،
«سەگىز عوي» - دەپ تىنايىق!
تاعى ءبارىن جۇمايىق،
توعىز سانعا ىلايىق.
جۇدىرىقتى جۇمايىق،
«ون بولدى» - دەپ ۇعايىق.

* * *     * * *     * * *     * * *

ونعا دەيىن ساناۋ

ءبىر دەگەنىم – بەسىك،
شىقتىق سودان ءوسىپ،

ەكى دەگەن – ەلىم،
دالام، تاۋىم، كوگىم.

ءۇش دەگەنىم – ءۇمىت،
ءۇمىت اپتار جىگىت.

ءتورت دەگەنىم – ءتوزىم،
توزە بىلەم ءوزىم.

بەس دەگەنىم – باقىت،
باعالايتىن ۋاقىت.

التى دەگەن – اقىل،
تىڭداعانىڭ ماقۇل.

جەتى دەگەن – جالاۋ،
جۇرەكتەگى الاۋ.

سەگىز دەگەن – ءسوزىڭ،
سەرت بەرەتىن كەزىڭ.

توعىز دەگەن – توقتاۋ،
ەلدىڭ جوعىن جوقتاۋ.

ون دەگەنىم – وتان،
قورعا ونى، بوتام!

* * *     * * *     * * *     * * *

ىسكەر ءتيىن

قالماۋ ءۇشىن اشىعىپ
قىسقى ازىعىن كەش قامداپ،
قامباسىنا تاسىدى
ءبىر،
ەكى،
ءۇش،
ءتورت،
بەس جاڭعاق.

ۇيقىدان ول اسىلى
كورگەن ەمەس كەش ءورىپ.
بۇگىن تاعى تاسىدى
ءبىر،
ەكى،
ءۇش،
ءتورت،
بەس ورىك.

ال، ال ...
ءبىزدىڭ قانات پا؟
قايتا-قايتا ەسىنەپ،
الدى ەسكەرتۋ سابقتا
ءبىر،
ەكى،
ءۇش،
ءتورت،
بەس رەت.

* * *     * * *     * * *     * * *

قوشاقاندى قايراۋ

قىزىل-جاسىل دالانى
كەزگىن كەلسە شامالى،
تاتقىڭ كەلسە باسقا ءدام،
قوشاقانىم، باس قادام

وڭعا قاراي ءبىر اتتا –
باس قوياسىڭ بۇلاققا.
سولعا قاراي ءبىر اتتا –
تويىنداسىڭ قۇرىققا.

ءبىر،
ەكى،
ءۇش،
ءتورت اتتا،
جۇگىر،
سەكىر،
جورتاقتا.
تاماق ءوزى كەلمەيدى
ۇيدەن شىقپاس قورقاققا.

* * *     * * *     * * *     * * *

تورعاي مەن مىسىق
كوزى بىردەن ءتۇسىپ،
دەپ:
«بۇل ادەمى اس بولماي ما؟»
قادام باستى مىسىق.
ءبىر ...
ەكى ...
ءۇش ...
- تورعاي،
تورعاي،
ۇش!

* * *     * * *     * * *     * * *

ءبىر، بەتىڭ وتە كىر.

ءبىر،
بەتىڭ وتە كىر.
ەكى،
بەيباسقا جەكى
ءۇش،
ۇمتىل العا ءتۇس.
ءتورت،
بەسكە وقۋ - سەرت.
بەس،
بەلەستەردەن جەلدەي ەس.
التى،
انتتى بۇزباۋ - اتا سالتى.
جەتى،
قويدىڭ سەمىز ەتى.
سەگىز،
قوزداسىن قوي ەگىز.
توعىز،
ارام ايۋان - دوڭىز.
ون،
تورقادان ارتىق تون.

* * *     * * *     * * *     * * *

ءبىر دەگەنىم - بەلىن

ءبىر دەگەنىم - بەلىن،
ەكى دەگەنىم- ەگىن،
ءۇش دەگەنىم - ۇكى،
ءتورت دەگەنىم - ءتول،
بەس دەگەنىم - بەكىرە،
التى دەگەنىم - ادام،
جەتى دەگەنىم - جەمىس،
سەگىز دەگەنىم - سەڭ،
توعىز دەگەنىم - توڭ،
ون دەگەنىم - وڭ،
ون ءبىر بولادى ودان سوڭ.

* * *     * * *     * * *     * * *

ب-دان باستالادى - بيە دە،
ە-دەن باستالادى - ەگىن دە،
ۇ-دەن باستالادى - ۇلەك تە،
ت-دان باستالادى - توبە دە،
ب-دان باستالادى - بەسىك تە،
ا-دان باستالادى - اتان دا،
ج- دان باستالادى - جەنت دە،
س-دان باستالادى - سەڭ دە،
ت-دان باستالادى - تون دا،
و-دان باستالادى - وقۋ دا،
ون ءبىر ويعا توقۋ دا كەرەك.

* * *     * * *     * * *     * * *

ءبىر ۇيدە ون بالامىز

ءبىر ۇيدە ون بالامىز،
ءبىر-بىر جاستان ارامىز.
ءبىر جاستاعى - ءبىرجان
ەكىدەگىمىز - ەلجان
ۇشتەگىمىز — ۇسەن
تورتتەگىمىز - توكەن
بەستەگىمىز - بەكەن
التىداعىمىز - ارقان
جەتىدەگىمىز - جەتەن
سەگىزدەگىمىز - سوكەن
توعىزداعىمىز - تويتان
ونداعىمىز- ويقان
جاستارىمىزدى قوسىڭىز،
قوسىندىسى قانشا وسىنىڭ؟

* * *     * * *     * * *     * * *