InfoHub Logo

ساباقتىڭ تاقىرىبى: امىرە - ءان كوگىنىڭ ايناسى
ساباقتىڭ ماقساتى:
ساباقتىڭ ماقساتتارى:
• بىلىمدىلىك: اڭگىمە مازمۇنىن تەرەڭ مەڭگەرتۋ ارقىلى ءانشىنىڭ ازاماتتىق، ادامدىق بەينەسىن جان - جاقتى تانىتۋ؛
• دامىتۋشىلىق: تالداۋ جاساتا وتىرىپ وقۋشىنىڭ وي - ءورىسىن، ونەرگە دەگەن كوزقاراسىن كەڭەيتۋ، شىعارماشىلىق قابىلەتىن ۇشتاۋ؛
• تاربيەلىك: ونەر، ءان قۇدىرەتىن باعالاي بىلۋگە باۋلۋ؛ قازاق حالقىنا ءتان ادامگەرشىلىك قاسيەتتەردى، ونەرگە دەگەن سۇيىسپەنشىلىكتى بالا بويىنا ءسىڭىرۋ.
ساباقتىڭ مىندەتتەرى: اڭگىمەنى ءتۇسىنىپ وقيدى، مازمۇنىن مەڭگەرەدى، جوسپار قۇرادى، تاقىرىبى مەن مۇراتىن انىقتايدى، سۇراقتارعا جاۋاپ بەرۋ ارقىلى ءامىرقان تۇلعاسىن اشادى، كەستە تولتىرادى، تۇسىنىكسىز سوزدەرمەن جۇمىس ىستەيدى، اڭگىمەدە قولدانىلعان كوركەمدەگىش قۇرالداردى تابۋ ارقىلى جازۋشىنىڭ ءتىل بايلىعىن تانيدى.
ساباقتىڭ ءتيپى: جاڭا ماتەريالدى تانىتۋ ساباعى
ساباقتىڭ ءتۇرى: تاجىريبەلىك - تالداۋ، ىزدەندىرۋ ساباعى
ساباقتىڭ ءادىسى: ءسوز، لوگيكالىق (اناليز، نەگىزگىسىن ءبولىپ الۋ، دالەلدەۋ)
ساباقتى ۇيىمداستىرۋ فورماسى: جەكەلەي، توپپەن، ۇجىمدىق

ساباقتىڭ بارىسى:
1. ۇيىمداستىرۋ كەزەڭى
بالالار، ادام بالاسى ءبىر نارسەنى ۇناتادى، جانىنداي جاقسى كورەدى، اڭسايدى. سول جولدا كۇرەسەدى. سول كوڭىلىنىڭ تورىندەگى كەرەگىنە قول جەتكىزگەندە جانى راقاتتانادى.
مەن سۇيەمىن ءومىردى زۋلاپ اققان
مەن سۇيەمىن ولەڭدى بيىك تاقتان
مەن سۇيەمىن ونەردى تاڭداي قاققان
مەن سۇيەمىن ورەندى تىڭداپ باققان
ال سەندەر شە؟
مىنە، بۇگىنگى كەيىپكەرىمىز دە ءسۇيدى، ۇناتتى. ءبىراق ول ءان ونەرىن ۇناتتى، جانىمەن ءسۇيدى. ءان ونەرىنىڭ كوگىندە بيىك سامعاي ءبىلدى. وتكەن ساباقتا ءبىز قازاقتىڭ ايمانداي تۇلعاسى، قازاقتىڭ قارا ءسوزىنىڭ قۇلجاسى اتانعان ج. ايماۋىتوۆتىڭ «ءانشى» اڭگىمەسىن وتكەنبىز. اۆتور جايلى ءسوز قوزعاعانبىز.
بۇگىنگى ساباعىمىزدىڭ تاقىرىبى «ءامىرقان - ءان كوگىنىڭ ايناسى». بۇگىنگى ساباقتىڭ ماقساتى اڭگىمە مازمۇنىن تەرەڭ مەڭگەرتۋ ارقىلى ءانشىنىڭ ازاماتتىق، ادامدىق بەينەسىن جان - جاقتى تانىتۋ؛ كەيىپكەر بەينەسىن اشۋ.

2. ءۇي تاپسىرماسى
ا) ماتىنمەن تولىق تانىسۋ
ءا) سىرلاسۋ كۇندەلىگى
توپپەن جۇمىس:

1 - تاپسىرما
«اقپاراتتىق انىقتاما الگوريتمىن» ورىندايتىن ساراپشىمەن تانىستىرۋ.
«تابىستار كاتالوگىنا» سالىناتىن جۇمىستار جايلى ەسكەرتۋ.
1 - تاپسىرما «اڭگىمەنىڭ كومپوزيسيالىق قۇرىلىسى»
شاكەت ۇيىندەگى كەزدەسۋ
1. اڭگىمەنىڭ باستالۋى اياقتالماعان وقيعا
2. اڭگىمەنىڭ دامۋى جەتىشاتىر قالاسىنداعى جەكسەنبىنىڭ ءبىرى
3. اڭگىمەنىڭ شيەلەنىسۋى ءامىرقان اڭگىمەسى
4. اڭگىمەنىڭ شارىقتاۋ شەگى ناۋرىز ساۋىعى
5. شەشىمى

«ەركىن سۇراقتار جانە وعان مەنىڭ دالەلىم»
(وقۋشىلار ءوز قالاۋلارى بويىنشا سۇراقتار تاڭدايدى)
1. ج. ايماۋىتوۆتى ايگىلى ەتكەن قاي شىعارماسى؟
2. اڭگىمەنىڭ باستى كەيىپكەرى ءامىرقان بەينەسى كىمنىڭ ءپروتوتيپى؟
(ءا. قاشاۋبايەۆ جايلى بەينەتاسپا) سلايد «امىرە»
3. وقيعا قاي كەزەڭدى قامتيدى؟
4. جەتىشاتىر قالاسىنىڭ تۇرمىس - تىرشىلىگى قالاي سۋرەتتەلگەن؟
سلايد «جەتىشاتىر قالاسى»
5. «ءانشى» اڭگىمەسىن جازۋعا نە سەبەپ؟
6. اڭگىمەنىڭ باستى تاقىرىبى قانداي؟
7. امىرە قاشاۋبايەۆ كىم؟ (بەينەتاسپا)
«كەيىپكەرگە ءسوز تاڭداۋ»
ءۇش توپقا جەكە - جەكە تاپسىرما
1 - توپ ءامىرقاننىڭ انشىلىك شەبەرلىگى (ءامىرقان بەينەسىن انشىلىك، ورىنداۋشىلىق تۇرعىدان قاراستىرۋ)
2 - توپ ءانشىنىڭ تۇلعاسى ( كەيىپكەردىڭ سىرتقى بەينەسى، ءامىرقان بويىنداعى قازاققا ءتان قاسيەتتەر)
3 - توپ ءساتتى الىنعان سوزدەر پيراميداسى(ۇتىمدى قولدانىلعان سوزدەر مەن ناقىل سوزدەردى تابۋ)
4 - توپ ءسوز ارلەۋ (كوركەمدەگىش سوزدەردى تابۋ)