InfoHub Logo

انا ءتىلى – جۇرەك ءۇنى
اۋىزشا جۋرنال
8-سىنىپ
ورىنداعان: ا. داۋلوۆا ا. تاجييەۆا

ماقساتى: بالالاردى انا ءتىلىمىزدى قۇرمەتتەۋگە تاربيلەۋ، ءتىل ءبىزدىڭ ەرتەڭىمىز، تىرشىلىگىمىز، بابالارىمىزدان قالعان مۇرامىز ەكەنىن ءتۇسىندىرۋ. شەشەندىككە، تاپقىرلىققا، ءسوز ءقادىرىن تۇسىنە بىلۋگە ۇيرەتۋ.

كورنەكىلىگى:اقىن-جازۋشىلار پورترەتى، ناقىل سوزدەر، كىتاپتار كورمەسى، ينتەراكتيۆتى تاقتا.
جۇرگىزۋشى:قۇرمەتتى ۇستازدار، وقۋشىلار!بۇگىن ءبىز سىزدەردىڭ نازارلارىڭىزعا «انا ءتىلى -جۇرەك ءۇنى» اتتى اۋىزشا جۋرنال ۇسىنىپ وتىرمىز.

بۇل جۋرنال 22 قىركۇيەك تىلدەر كۇنى مەرەكەسىنە ارنالادى.
جۋرنال 4-بەتتەن تۇرادى. انا تىلگە دەگەن سۇيىسپەنشىلىك بالا كەزدەن باستالادى. انا ءتىلى-حالىقتىڭ وتكەن ۇرپاعىن، قازىرگى جانە كەلەشەك ۇرپاعىن ماڭگىلىك بىرىكتىرەتىن ەڭ سەنىمدى قۇرالى بولىپ تابىلادى. انا ءتىلىمىز ارقىلى عانا ءبىز حالقىمىزدى ، وتانىمىزدى تانىپ بىلەمىز. ەل جۇرتىمىزدىڭ، تۋعان جەرىمىزدىڭ ەرەكشەلىگىن، قاسيەتىن انا ءتىلىمىز ارقىلى قابىلداپ، سوعان دەگەن ماحابباتىمىزدى انا ءتىلىمىز ارقىلى جەتكىزەمىز. ءبىزدىڭ انا ءتىلىمىز-قازاق ءتىلى. قازاق تىلى-دۇنيە جۇزىندەگى ەڭ باي، بەدەلدى دە، بەينەلى تىلدەردىڭ ءبىرى.

وتكىردىڭ ءجۇزى،
كەستەنىڭ ءبىزى،
ورنەگىن سەندەي سالا الماس، -دەپ ۇلى اباي اتامىز تاڭىرقاپ، تاعزىم ەتكەن بولسا، ەلباسىمىز ن. نازاربايەۆ «قازاقستاننىڭ بولاشاعى-قازاق تىلىندە» دەگەن. بىزدەر ۇشقىر ويلى، وتكىر ءتىلدى، انا ءتىلىنىڭ تۇعىرىن بيىككە كوتەرەتىن ەلىمىزدىڭ ۇلانىمىز. قۇرمەتتى ۇستازدار، اتا-انالار سىزدەردى مەملەكەتتىك مەرەكە تىلدەر كۇنىمەن شىن جۇرەكتەن قۇتتىقتايمىز! وقۋشىلار وسى انا ءتىلىمىزدىڭ مارتەبەسىن بيىككە ۇشىراتىن سۇڭقارى، بايگەنىڭ الدىن بەرمەس تۇلپارى بولۋلارىڭا تىلەكتەسپىن!مەرەكە قۇتتى بولسىن!
ءان: «تاۋەلسىز قازاق ەلى»
ورىندايتىن:ن. جاڭاباي
جۇرگىزۋشى:ءتىل تاريحى-ەل تاريحى، ءتىل تاعدىرى-ەل تاعدىرى. سەبەبى، ەلىمىزبەن ءتىلىمىز بولاشاق ءۇشىن بىرنەشە تاريحي بۇرالاڭدار مەن شاتقالداردان اداسپاي، سۇرىنبەي، اقىرى ماقساتىنا جەتتى. تاريح پەن ءتىل-تامىرلاس. انا ءتىلىمىز بۇگىندە بارلىق قازاقستان حالىقتارىنىڭ مارتەبەسى، ماقتانىشى. جۋرنالىمىزدىڭ 1- ءشى بەتى: «ارداقتاپ اتا تاريح، انا ءتىلىن» دەپ اتالادى.

دارحان:مەنىڭ انا ءتىلىم-قازاق ءتىلى. قازاق ءتىلى الەمدەگى 15 ميلليون قازاقتىڭ ۇلتتىق ءتىلى اتالىپ كەلگەن بولسا ، تاۋەلسىزدىك العاننان كەيىن انا ءتىلىمىزدىڭ مارتەبەسى ءوسىپ، قازاقستان رەسپۋبليكاسىنىڭ مەملەكتتىك ءتىلى دەپ اتا زاڭىمىزبەن بەكىتىلدى.

شاحنوزا:بۇل سوناۋ جەلتوقسان وقيعاسىنان كەيىن قابىلدانعان قازاقستان رەسپۋبليكاسىنىڭ جوعارعى كەڭەسىنىڭ 1989 جىلعى قاۋلىسىنىڭ ناقتى جالعاسى ەدى. 1989 جىلى قازاق ءتىلى مەملەكەتتىك ءتىل مارتەبەسىنە يە بولدى. ول ءبىرىنشى شىلدەدەن باستاپ كونستيتۋسيالىق كۇشىنە ەندى.
اقبايان:ەگەمەندىك العاننان كەيىن 1997 جىلى 11 شىلدەدە قازاقستاندا ءتىل تۋرالى زاڭ قابىلداندى. مەملەكەتتىك ءتىل قازاق ءتىلى بولىپ سانالادى. قازاق تىلى-وتە باي، تەرەڭ ماعىنالى كوركەم ءتىلى. ءتىل تۋرالى زاڭ 27 باپتان، 6 تاراۋدان تۇرادى.

جىبەك:قازاقستان رەسپۋبليكاسىنىڭ پرەزيدەنتى ن. ءا. نازاربايەۆ 1999 جىلعى قاڭتاردىڭ 20 كۇنگى جارلىعىنا ساي جىل سايىن قىركۇيەكتىڭ 22 كۇنى - قازاقستان حالىقتارىنىڭ تىلدەرى كۇنى بولىپ اتالىپ كەلەدى. قازاق ءتىلى مەملەكەتتىك ءتىل قۇدىرەتىن تۇعىرىنا قوندىرۋدا يگى ىستەرمەن جالعاسىن تابۋدا.
جانداۋلەت: قازاق ءتىلى - قازاقستان حالقى ءۇشىن ادەبيەت، مادەنيەت، عىلىم مەن ءبىلىم ، وقۋ-اعارتۋ ءتىلى. قازىرگى قازاق ءتىلى كەز كەلگەن ادەبيەتتى باسقا تىلدەن اۋدارۋعا ءتۇرلى ستيلدە سويلەپ، جازۋعا مۇمكىندىگى مول كەمەلدەنگەن ءتىل.
عالىمجان:بۇگىنگى انا ءتىلىن ارداق تۇتۋ، ءوز وتانىن سۇيەتىن ءاربىر ادامنىڭ ازاماتتىق بورىشى مەن پارىحى. ءار ادامنىڭ جۇرەگىنە شۋاق قۇياتىن مەرەيلى ءساتى بولماق!

ءان: «قازاق ەلى»
ورىندايتىن: د. احمەت
جۇرگىزۋشى:ەردىڭ قۇنىن ەكى اۋىز سوزبەن بىتىرەتىن دە، جاۋلاسقان ەلدەردىڭ اراسىن كەلىسىمگە كەلتىرتىن دە، كۇلگەندى جىلاتىپ ، جىلاعاندى جۇباتىپ الاتىن وسى ءتىلىمىز. انا ءتىلىمىزدىڭ وي تەرەڭدىگىن، قۇدىرەتتىلىگىن، قازىنا ەكەندىگىن دالەلدەيتىن كورىنىستەردى تاماشالايسىزدار!
جۋرنالىمىزدڭ 2ء-شى بەتى- «ءتىل-قىمبات قازىنا» دەپ اتالادى.
جۇرگىزۋشى: ورتاعا وت اۋىزدى، وراق ءتىلدى ءۇش ءبيىمىزدى شاقىرامىز.
تولە بي: اتىڭ جاقسى بولسا،
ەر جىگىتتىڭ پىراعى.
بالاڭ جاقسى بولسا،
جان مەن ءتاننىڭ.
جالعاندا ويلاپ تۇرساڭ، بىرلىك كەرەك،
بىرلىكتى ويلاعان سوڭ تىرلىك كەرەك.
اعايىنعا الا كوز بولا قالساڭ،
اۋزىڭنان نەسىبەڭدى بىرەۋ جەمەك.

قازبەك بي: ءبىز قازاق دەگەن مال باققان ەلمىز،
ءبىراق ەشكىمگە سوقتىقپاي، جاي جاتقان ەلىمىز.
ەلىمىزدە قۇت-بەرەكە قاشپاسىن دەپ،
نايزاعا ۇكى تاققان ەلمىز
ەشبىر دۇشپان باسىنباعان ەلمىز،
باسىنان ءسوز اسىرماعان ەلمىز،
دوسىمىزدى ساقتاي بىلگەن ەلمىز،
ءدام-تۇزدى اقتاي بىلگەن ەلمىز.

ايتەكە بي: اشۋ دەگەن – اعىن سۋ،
الدىن اشساڭ ارقىرار.
اقىل دەگەن-داريا،
الدىن توسساڭ تورقىرار.

اياۋلى ۇرپاقتارىمىز!
ەلدى، جەردى قورعاڭدار.
دوسقا مەيىرىمدى بولىڭدار.

كورىنىس: «جەتەس ءبيدىڭ تاپقىرلىعى»
سىر ءوڭىرىنىڭ بەلگىلى ازاماتى كەمال دەگەن كىسى جولاۋشىلاپ ءجۇرىپ، سەرىكتەرىمەن جەتەس ءبيدىڭ ۇيىنە تۇسەدى. ىستىق ىقىلاسپەن قۇشاق جايعان ءۇي يەسى قوناقتاردىڭ الدىنا سارى مايعا بوكتىرىپ، قازان جاپپاي نانىن اكەلىپ قويادى. الپامىستاي الىپ دەنەلى كىسىلەر نان مەن مايدى بۇيىم كورمەسە كەرەك، وز-وزدەرىمەن كۇبىرلەسىپ سويلەيدى. بىرەۋ بەس ساۋساقتى باتىرا سالاتىن ەتتى، ەكىنشىسى ءىشتى بوكتىرىپ، قارىن اشتىرتپايتىن جەنتتى اڭگىمە ەتىپ وتىرادى. بۇل ءسوزدى قۇلاعى شالعان جەتەس بي:
ء-سوز جاقسىسى- ءلابباي،
اس جاقسىسى - قازان جاپپاي.
بىرەۋ ەت دەيدى،
بىرەۋ جەنت دەيدى.
ءبىراق سونىڭ ءبارى سارى مايعا سالعان
سارى نانعا جەتپەيدى.
الىپ وتىرىڭىزدار!- دەيدى
سوندا كەمال:
-جەتەس-اۋ، دۇرىس قوي. سارى مايعا باتىرىلعان نانعا ەش نارسە جەتپەيدى. ءبىراق جانىمداعى سەرىلەر ءۇش جۇزگە اتاعى تۇگەل جايىلماعانمەن، كىشى جۇزگە ەسىمى تولىق بەلگىلى ايگىلى قىستاۋباي ۇلى جەتەستىڭ وتباسىنان ەت جەمەي كەتپەيدى. مەن نەعىلايىن، مەن نەعىلايىن؟!-دەگەن ەكەن.
تاۋىپ ايتقان كەمالعا جەتەس بي ريزا بولىپ، مال سويعىزىپ، قوناقتارىن جايلاعان دەسەدى.
جۇرگىزۋشى: حاقىمىزدىڭ ويلى ازاماتتارى عاسىرلار بويى انا ءتىلىمىزدى بارشا ونەردەن جوعارى باعالادى. انا ءتىلى دەپ اتاۋىنىڭ ءوزى دە سوندىقتان بولسا كەرەك.

انا ءتىلىن جىرلاپ وتكەن تالايلار،
جىرلاپ وتكەن ىبىراي مەن ابايلار.
قاسيەتتى مەنىڭ انا تىلىمدە
وشپەس ماڭگى الاۋلاعان اراي بار، - دەگەندەي ەگەمەندىك العالى ەلىمىزگە ورالعان قانداس باۋىرلارىمىزدىڭ دا جۇرەگى “ءتىل” دەپ سوعادى ەكەن.
ءان: تۋعان جەر
ورىندايتىن:كانالبەك ا.
جۋرنالىمىزدىڭ 3-بەتى «ءتىل دەپ سوققان جۇرەگى» دەپ اتالادى.
1-وقۋشى-راحىمجان:ەگەمەندىك العالى دارا جولدىڭ جالعاسىپ كەلە جاتقانى شىندىق. بۇل ءتىل قازاق حالقىن بار الەيگە پاش ەتكەن ۇلى ابايدىڭ، قازاق ءالىپبيىنىڭ اتاسى احمەتتىڭ، سىرلى دا سۇلۋ شىعارمالارىمەن كۇللى الەمگە تانىمال بولعان مۇحتاردىڭ ءتىلى.
2- وقۋشى-اسەل: التاي مەن اتىراۋدىڭ، ارقا مەن الاتاۋدىڭ اراسىنداعى ساحارانى مەكەندەگەن قازاقتىڭ ءاليحان بوكەيحانوۆ، مۇستافا شوحاي، احمەت بايتۇرسىندى ءبىرتۋار ۇلدارى حح عاسىردىڭ وزىندە تاۋەلسىز الاش مەملەكەتىن قۇرۋعا بەكەر بەلسەنە كىرىسپەگەن بولار. . . .
ماعجان جۇمابايەۆتىڭ «انا ءتىلى» اتتى ولەڭىندە:

ەرلىك، ەلدىك، بىرلىك قايرات، باقاردىڭ،
جاۋىز تاعدىر جويىپ نە باردىڭ.
التىن كۇننەن باعاسىز ءبىر بەلگى بوپ
نۇرلى جۇلدىز، بابام ءتىلى، سەن قالدىڭ!-دەپ جىرلاعان.
3- وقۋشى-اماناي:اققان جۇلدىزداي جارق ەتىپ وتە شىققان سۇلتانماحمۇت تورايعىروۆ تا انا ءتىلىن ارىنىڭ تۋى ەتكەن.
سۇيەمىن تۋعان ءتىلدى-انام ءتىلىن،
بەسىكتە جاتقانىمدا-اق بەرگەن ءبىلىم
شىر ەتىپ جەرگە تۇسكەن مينۋتىمنان
قۇلاعىما سىڭىرگەن تانىس ءۇنىن، - دەگەن ولەڭ جولدارىن تەبىرەنبەي وقي المايسىڭ.
4- وقۋشى-اقبايان:
ادام قانشا بولعانىمەن دارىندى ءارى تاباندى،
تۋعان جەرىن سۇيمەي تۇرىپ سۇيمەك ەمەس عالامدى.
وزگە انانىڭ مازمۇنىنا ، مەرەيىنە تور قۇرار
الدىمەنەن ءوز اناسىن سۇيە الماعان سورلىلار.
نارىق عاسىر ءبارىن ساتىپ جىبەرە مە التىنعا،
كىم قالادى سول التىنعا ساتىلمايتىن قالپىندا
جالعاندىق بار ۇلتسىزداردىڭ بەدەلىمەن داڭقىندا،
انا ءتىلىن سىيلاماعان.
سىيلامايدى حالقىندا!

5- وقۋشى-ايجان:
ءتىلىم مەنىڭ-ەڭ ءبىرىنشى بايلىعىم،
ءتىلىم مەنىڭ-ارقا سۇيەر ايبىنىم.
ءتىلىم مەنىڭ، سەن ارقىلى سەزىنەم
شابىتىمنىڭ شالقار سەزىم ايدىنىن
ءتىلىم مەنىڭ، بوگەۋ قويدىڭ تاسقىنعا،
ارقاۋ بولدىڭ شەجىرە، جىر، داستانعا
ءتىلىم مەنىڭ ۇرپاعىڭمەن مىڭ جاساپ
مەرەيىمدى تۋ عىپ كوتەر اسپاعا!
ءتىلىم مەنىڭ، ازىعىسىڭ جىرىمنىڭ،
جىرىم مەنىڭ –قازىعىسىڭ تۇعىردىڭ،
جانىم جۇدەپ، جابىرقاعان ساتتەردە
ءتىلىم سەنىڭ شۋاعىڭا جىلىندىم.
ءتىلىم مەنىڭ، بويىمداعى ار-نامىسىم
توسار مەنى ومىردە ءالى سىن.
سەن جاساساڭ، مەندە شاتپىن ولگەنشە،
سەن قىمباتسىڭ ءوز حالقىڭنىڭ باعى ءۇشىن.
6- وقۋشى-جىبەك:
ادامدى مۇراتقا جەتكىزەتىن انا ءتىلى مەن اتا ءداستۇرى. ءبىزدىڭ وسىنداي حالىقتىق قاسيەتى مۇرامىز- انا ءتىلى. ءتىلىمىزدى شۇبارلاپ سويلەۋگە جول بەرمەۋىمىز كەرەك. انا ءتىلى- ار ولشەمى. وسى ورايدا اقىن ق. مىرزا ءالي:
انا ءتىلىڭ ارىڭ بۇل،
ۇياتىڭ بوپ تۇر بەتتە.
وزگە ءتىلدىڭ ءبارىن ءبىل،
ءوز ءتىلىڭدى قۇرمەتتە!- دەگەن ولەڭ جولدارى ەرىكسىز ويىمىزعا ورالادى.
7- وقۋشى-شاحنوزا:انا ءتىلىمىزدىڭ شۇرايى مەن شىرايىنا سوناۋ ەرتە زامانداردان-اق شەتەل ساياحاتشىلارى، عالىمداردى ەرەكشە ءمان بەرگەن. ۇلى پۋشكين قازاق دالاسىنا كەلگەندە «قوزى كورپەش-بايان سۇلۋ» سياقتى جىرلارىمىزعا تامسانا، ايگىلى عالىم رادلوۆ «قازاقتا تاماشا شەشەن سويلەپ، اڭگىمە ايتۋدى ۇناتادى: اسا باي پوەزياعا يە» دەپ جازعان.

تاريحىڭ تۇر ساناڭا وتكەل تاستاپ،
ءوز تىلىڭدە ويلاۋ، سويلەۋ، توقتالعان ساتتەن باستاپ،
بۇكىل بابا رۋحىمەن بايلانىسىڭ كەسىلەر.
تاعدىرىڭنان اتا عاسىر شامىن سولاي وشىرەر
قاتەڭدى ءابجىل تۇزەتپەسەڭ، تولىققاندى جوق تىرلىك.
ءبىز بابالار سۇيەگىنە، سەنىمىنە ب ا ق قۇردىق،
ب ا ق قۇردىق تا ۇلتسىزدىق، كەڭىستىككە ات بۇردىق،
ءوز ءتىلىڭدى جەرسىنبەۋدىڭ،
ءوز اناڭدى مەنسىنبەۋدىڭ،
ارسىزدىعى قاي داۋىردە بولىپ ەدى تاپقىرلىق؟
ول- رۋحى مۇگەدەكتىك ءارى ۇلتتىق ساتقىندىق.

ءان:انا ءتىلى
ورىندايتىن: ەسبول اسقار
جۇرگىزۋشى:قازىرگى تاڭدا انا تىلىمىزگە جانى اشىپ جۇرگەن اقىن اعامىز مۇحتار شاحانوۆ. اقىن «ءتىلىن سىيلاماعان ادام ۇلتىن سىيلاۋعا قابىلەتسىز. ءتىل - ءار ۇلتتىڭ ەڭ ۇلى اناسى. الەمدەگى وركەنيەتتى دامىعان ەلۋ مەملەكەتتىڭ قۇرامىنا ەنۋ يدەياسىن ءبىز دە قۋاتتايمىز، قولدايمىز. ءبىراق ەلۋىنشى ەمەس، ءبىرىنشى نومەرلى مەملەكەتكە اينالساق تا ءتىلىمىز بەن رۋحىمىزدان ايرىلساق بۇل ءبىز ءۇشىن ولىممەن تەڭ»دەگەن ەكەن. تولەگەن ايبەرگەنوۆ «ساعىنىش » اتتى ولەڭىندە:
«جالعاسىن سەن ايت، سەن ايت بۇل ءاننىڭ،
جابىلىپ كەتسەم ەگەر مەن.
عۇلاما جىلدار سۋىرلاتقاندا پاراعىن»؛- دەپ اقىنعا ۇلكەن سەنىم ارتقان. ءقازىر مۇحتار اعامىز سول سەنىمدى اقتاپ، الەمدىك پوەزيادان ورىن العان تۇلعا.
جۋرنالىمىزدىڭ 4-بەتى
«ءتىل جانە ءبىز» دەپ اتالادى

نۇرتۋعان:
عالامدىق جاھاندانۋ ءۇردىسىنىڭ قالقاسىندا،
ءبىر ءوزى ءبىر مەملەكەتتى اسىراي الاتىن بايلاردىڭ
بەيلىككە باس ۇرعان ەلىككىش ادامي قويلاردىڭ
جانە وعان اشىنعان قوعامي ويلاردىڭ ورتاسىندا
ۇلتتىق بولمىسىن قورعاۋعا نامىستانعان
باسىنان باقايشاعىنا دەيىن ورىستانعان
كەيبىر كوسموپوليت باسشىلارىمىزدىڭ ارقاسىندا
توقتاي ما قازاقتىڭ تىلدىك-انالىق-رۋحى پايىزى؟. . .
زامانا تۇرسا دا قيراتقىش ويلارعا جۇكتى بوپ،
عاجاپ قوي ، الەمدە الەمدە تامىرسىز وسىمدىك ءتىپتى جوق.
جاڭاشا جول ىزدەپ تاۋسىلدى تاباندار،
تابيعي زاڭنان تىس تامىرسىز ادامدار.
نەلىكتەن قازىرگى قوعامدا سانالماق مىقتى بوپ،
و، كوسموپوليت تۋىسقان ويلانىڭىز.
ءوزىڭىزدى بيلىككە، بايلىققا بايلادىڭىز،
تاعى دەپۋتاتىقتان، دەپۋتاتتىققا سايلانىڭىز
ۇلتىمىزدىڭ ەرتەڭىنە نۇكتە قويعانىڭىز،
تامىر زاڭدىلىعىن زورلىقپەن جويعانىڭىز

ويلانىڭىز...
سان عاسىر اتانعان ار ەلى ، نار ەلى.
عالامعا ايگىلى ۇلتىمىز بار ەدى.
سول ۇلتقا ءومىرىن ارناعان
جانە ونى جاۋدان دا، داۋدان دا قورعاعان،
و توبا، بار ەدى ءوز اتا-بابامىز.
بار ەدى ءوز انا ءتىلىمىز، سانامىز.
ەندى ەرتەڭ قالايشا وتكەن شاق رۋحىن قورلاپ،
تاريحتى سەزىمدى بوسانىپ كەتپەستەي تورلاپ،
تەك كوڭىل شاتتىعىن قورعاپ،
ماڭگۇرت بوپ سورلاپ قالامىز؟
ءبىز كەشە كىم ەدىك، ال ەندى قايدا بارامىز؟
جانىبەك:ءوز انا ءتىلىن - اناسىن مويىنداماعاندار ءۇشىن،
كەرەعار كەلەتىن عالامي، ادامي زاڭعارعا،
وسىناۋ ءقاۋىپتى ماڭگۇرتتىك اڭعارعا،
ويى مەن بويىن قاماعاندار ءۇشىن،
ونىڭ قاسىرەت - قۋاتىن پايىمداماعاندار ءۇشىن،
«جۇرگەندەر ءۇشىن كوسموپوليتتىك اۋىزبەن دەمالىپ،
قازاقستاندىق ۇلت»، ارينە تاپتىرماس جاڭالىق.
ەندى 2030-جىلعا ءبىزدىڭ باسشىلارىمىز
ءتىلىن، رۋحىن ساقتاعان قازاق حالقىمەن بار ما؟
نەمەسە ءتىلى جويىلىپ، ءتۇرى عانا قالاتىن،
ءانى جويىلىپ، ءۇنى عانا قالاتىن
جاڭا «قازاقستاندىق ۇلت» پارىزىمەن بارا ما،
كىم باعىپ نۇسقايدى اداسقان، شاتاسقان ساناعا.
جۇرگىزۋشى:ءتىلىن سۇيەتىن قۇرمەتتەيتىن. ۇلتجاندى وقۋشىلارىمىزدىڭ تىلەگىنە كەزەك بەرەمىز.
اسقار:قازاق ءتىلى - ۇلى اباي، شوقان، ماعجان، مۇحتار؛ عابيت، ءسابيت اتالارىمىزدىڭ ءتىلى! مەنىڭ ءتىلىم!
مەن سوناۋ عاجايىپ سىرعا تولى انا تىلىمدە سويلەي الاتىنىما، وسى تىلمەن ءبىلىپ الىپ، بولاشاق كامەلەتتىك ومىرگە جولداما الاردا انا تىلىمدە ءوز ويىمدى جەتكىزىپ وتىرعانىما قۋانامىن!
ماڭگى جاسا – مەنىڭ انا ءتىلىم!
جۇرگىزۋشى: ءان:انا
ورىندايتىن:ن. جاڭاباي

ايجان:ءا. تاجىبايەۆ: «بولدىم، تولدىم دەمە، ىزدەن. ىزدەنگەندەردىڭ ءبارى مۇرات - ماقساتقا قول جەتكىزگەن. انا ءتىلىڭدى قادىرلەيتىن ناعىز حالىقتىق ونەرلى ازاماتى بولا الاسىڭ» دەگەن ەكەن. ەندەشە، مەن انا ءتىلىمدى دارىپتەپ، قۇرمەتتەيمىن! انا ءتىلىمنىڭ بولاشاعى زور بولاتىنىنا سەنەمىن.
جۇرگىزۋشى:انا ءتىلى بۇگىندە بارلىق قازاقستان حالىقتارىنىڭ مارتەبەسى، ماقتانىشى. ءتىلىمىز مەملەكەتتىك مارتەبەگە يە بولدى. ەندى وسى انا ءتىلىمىزدىڭ ءورىسىن كەڭەيتۋ، قولدانىس اياسىن بارىنشا ۇلعايتۋ ءبىزدىڭ مىندەتىمىز.
قۇرمەتتى ۇستازدار! وقۋشىلار! وسىمەن «انا ءتىلى- جۇرەك ءۇنى» تاقىرىبىنداعى اۋىزشا جۋرنالىمىز اياقتالدى. ساۋ بولىڭىزدار!