InfoHub Logo

تاقىرىبى: «انا ءتىلىم - ارداقتىم» ەرتەڭگىلىگى
ماقساتى: وقۋشىلارعا انا ءتىلىن ءبىلۋدىڭ ماڭىزىن ءتۇسىندىرۋ، انا ءتىلى تۋرالى جازىلعان اقىنداردىڭ ولەڭدەرىن مانەرلەپ وقي بىلۋگە داعدىلاندىرۋ، تۋعان انا ءتىلىن ءسۇيىپ، ونى قۇرمەتتەۋگە تاربيەلەۋ.
كورنەكىلىگى: قاناتتى سوزدەر جونىندەگى كىتاپتار، وتان، انا، ءتىل تۋرالى قاناتتى سوزدەر جازىلعان بۋكلەتتەر، بيلەردىڭ پورترەتتەرى، ت. ب.

بارىسى:
ءى. ءمۇعالىمنىڭ كىرىسپە ءسوزى:
حالىقتىڭ تاۋەلسىزدىگىنىڭ ەڭ باستى بەلگىسى – ونىڭ انا ءتىلى، ۇلتتىق مادەنيەتى. ءوزىنىڭ انا ءتىلى، ۇلتتىق مادەنيەتى جوق ەل – ءوز الدىنا مەملەكەت بولىپ ءومىر سۇرە المايدى. دۇنيەدەگى بارلىق حالىق تاۋەلسىزدىككە ۇلتتىق قادىر – قاسيەتىن، مادەنيەتىن، انا ءتىلىن ساقتاپ قالۋ ءۇشىن ۇمتىلادى. سوندىقتان، كەز - كەلگەن مەملەكەت ءوزىنىڭ تەرريتوريالىق سالت - ءداستۇرىن، انا ءتىلىن ايرىقشا قورعايدى. ال ءبىزدىڭ قازاقستان رەسپۋبليكاسىندا انا ءتىلى - قازاق تىلىنە مەملەكەتتىك ستاتۋس بەرىلگەن. قازاقستان تاۋەلسىز ەل بولىپ قالسىن دەسەك، وندا ەڭ الدىمەن انا ءتىلىن دامىتۋعا كۇش سالعانىمىز ءجون. انا ءتىلىن دامىت، قورعاۋ دەگەنىمىز – ءبىز ءوز انا تىلىمىزدە تازا سويلەۋىمىز جانە ونى جاقسى ءبىلىپ، تۋعان انامىزداي ءسۇيۋىمىز كەرەك دەگەن ءسوز.

حالىقتىڭ تاريحتا قالۋى تىلىنە بايلانىستى. ءتىل حالىقتىڭ جانى، ءسانى. ادامدى مۇراتقا جەتكىزەتىن انا ءتىلى مەن اتا ءداستۇرى. ويتكەنى حالقىمىز دارەجەگە ەمەس، داستۇرگە باعىنعان. ەلىمىز قازاقستان رەسپۋبليكاسى ەگەمەندى ەل اتانىپ، انا تىلىمىزگە مەملەكەتتىك ستاتۋس بەرىلدى، «ءتىل تۋرالى» زاڭ قابىلداندى.
باتىر: قۋان دالام!
قۋاناتىن كۇن بۇگىن،
سەرپىپ تاستا
مۇڭدى جۇرەك تۇندىگىن.

ازيزا: «ءتىل تۋرالى»
زاڭىم ەندى كۇشىنە،
پاش ەتكەندەي
كەسكەن جاڭا كىندىگىن.
جامبۋل: قۋان بابام!
قۋاناتىن ءجونىڭ بار.
دەگەن ەدىڭ
ءتىل بار جەردە ءومىر بار.

ريزات: حالىق جاۋى اتاندىڭ - اۋ،
سول ءۇشىن دە عۇمىرىڭدى
قۇربان ەتىپ جولىندا ار.
تاحير: تولە بي
ۋا، حالقىم!
كوسىلە شابار جەرىڭ بار،
تاۋ كوتەرگەن ەلىڭ بار.
قول باستايتىن ەرىڭ بار،
اتادان قالعان سارا جولىڭ بار،
ءسوز ءقادىرىن بىلىڭدەر!

نۇرحات: قازىبەك بي
ءبىز قازاق دەگەن ءسوز باققان ەلمىز،
ءبىراق ەشكىمگە سوقتىقپاي،
جاي جاتقان ەلمىز.
ەلىمىزدەن قۇت - بەرەكە قاشپاسىن دەپ،
جەرىمىزدىڭ شەتىن جاۋ باسپاسىن دەپ،
نايزاعا ۇكى تاققان ەلمىز.
ەشبىر دۇشپان باسىنباعان ەلمىز،
باسىمىزدان ءسوز اسىرماعان ەلمىز!

ايمان: ايتەكە بي
تامىرى سۋدا تۇرسا دا،
ۋاقىتى جەتكەندە
قۋرامايتىن قۇراق جوق.
تەك جاقسىدان ولمەيتۇعىن ءسوز قالادى،
قازاق ءسوزى قاشان دا دالانىڭ قوڭىر جەلىندەي
اڭقىلداپ ەسىپ تۇرادى.
قازاق ءتىلىنىڭ بيازى ءۇنى
دومبىرانىڭ كۇمبىر قاققان سازىنداي
اسقاق اۋەندىلىگى شىرقاپ سالار اۋەندەي.

زينيرا: ەلدىڭ جىرىن جىرلاعان،
قايعىسىن دا مۇڭداعان.
دومبىراسىز ەشقاشان،
جۇرەككە ەم قونباعان.
دومبىراسىز ءان قايدا؟
دومبىراسىز ءسان قايدا؟
ءان مەن كۇي بار ومىردە
وت تا لاۋلاپ جانباي ما؟
باتىرحان: قۇرمانعازى، تاتتىمبەت،
دومبىرامەن سايراعان.
جۇرەككە وت جانسىن دەپ،
ەلگە كۇيىن ارناعان.
ءادىباي تابىلدييەۆ

ارۋ: اقىل - ويىن دانانىڭ
انا تىلدەن الامىن.
انا ءتىلىم ارداقتى
اق سۇتىندەي انانىڭ.
اسلان: وسىرگەن وي – ءبىلىمدى
سۇيەم تۋعان ءتىلىمدى،
ماقسات ەتەم ءار ءسوزدىڭ
ءمانىن تەرەڭ ءبىلۋدى.
قادىر مىرزالييەۆ
يلانا: انا ءتىلى ءبىلىپ قوي،
ەركىندىگىڭ، تەڭدىگىڭ.
انا ءتىلىڭ ءبىلىپ قوي،
ماقتانىشىڭ، ەلدىگىڭ.

داميرا: انا ءتىلىڭ ارىڭ بۇل،
ۇياتىڭ بوپ تۇر بەتتە.
وزگە ءتىلدىڭ ءبارىن ءبىل،
ءوز ءتىلىڭدى قۇرمەتتە.
مۇزافار الىمبايەۆ
ارۋجان: انا ءتىل - ءبىزدىڭ تۋعان انامىز
انامىزداي سىيلاپ باعىپ، قاعامىز.
انا ءتىلىن باعالاساق قالاي ءبىز؟
ءوزىمىزدىڭ سونداي بولماق باعامىز.
انا ءتىلىن كىم ايالاي بىلمەسە،
«اناسىنان بەزگەن ۇل» دەپ ساناڭىز.

بەكزات: انا ءتىلىم – ۇرانىم،
انا ءتىلىم – ەرلىگىم.
انا ءتىلىم – بولماسا
بۇتىندەلمەس كەمدىگىم.

تايىر: انا ءتىلى – اسىل كۇنى بابامنىڭ،
قۋاتىمسىڭ اق سۇتىندەي انامنىڭ.
ءسابي شاقتان بەسىگىمدە جىر تىڭداپ،
تۋعان ءتىلدى جاتتاپ وسكەن بالاڭمىن.
عيمران: تۋعان ءتىلىم – تىرلىگىمنىڭ ايعاعى،
ءتىلىم باردا ايتىلار ءسوز ويداعى.
وسسە ءتىلىم مەن دە بىرگە وسەمىن،
وشسە ءتىلىم مەن دە بىرگە وشەمىن.

سانجار: قاسيەتىڭ انا ءتىلى، از با سەنىڭ؟
ءوزىڭ باردا ەسكىرمەس توزباس ەلىم.
سەن بولماساڭ ۇلى اقىن اباي بولىپ،
مۇقاعالي وتتى ولەڭ جازباس ەدى.
ديحان ءابىلوۆ
ديلناز: تۋعان ءتىلىم – بابا ءتىلى، ءوز ءتىلىم،
تۋعان ءتىلىم – انا ءتىلى، ءوز ءتىلىم،
تۋعان ءتىلىم – زامان ءتىلى، ءوز ءتىلىم،
تۋعان ءتىلىم – ادام ءتىلى، ءوز ءتىلىم،

ايحان: قاسيەتتى بۇل ءتورت انا –
تاعدىرىڭنىڭ تىنىشى،
ءتورت انا ءۇشىن بولعان كۇرەس،
كۇرەستەردىڭ ۇلىسى.
جۇمباق شەشەيىك: ەڭ اششى نە؟
ەڭ ءتاتتى نە؟
شەشۋى: ءتىل.
ماقال جارىستىرايىق:
انانىڭ ءسۇتى — بال،
بالانىڭ ءتىلى — بال.
ءتىل — تاس جارار،
تاس جارماسا، باس جارار.
ەڭ اششى دا – ءتىل،
ەڭ ءتاتتى دە ءتىل.
ەڭ جۇمساق تا ءتىل.
ەڭ قاتتى دا ءتىل.
ولاي بولسا ءتىلىمىزدى قۇرمەتتەيىك، ايالايىق، ماقتان ەتەيىك!
«تۋعان جەرى — ءتۇپ قازىعى، ايبىندى،
تۋعان ءتىلى — ساتىلمايتىن بايلىعى.
تۋعان ءداستۇر، سالت – ساناسى تىرەگى،
قادامىڭا شۋاق شاشار ۇنەمى.»-- دەپ بۇگىنگى ءتىل تۋرالى ەرتەڭگىلىگىمىزدى
اياقتايمىن.
مەكتەپ ديرەكتورىنىڭ وقۋ – ءىسى جونىنەن ورىنباسارى س. ب. ساربالييەۆ بالالاردى اتاۋلى مەرەكەمەن قۇتتىقتاپ، يگى تىلەكتەرىن ءبىلدىردى. ساباققا قاتىسقان مەكتەپ پسيحولوگى ابيلمانوۆا گ. ا.، يماشيەۆا ۆ.
گ. ز. نۋرۋمبايەۆا، ت. ب. ءوز تىلەكتەرىن ءبىلدىردى.