InfoHub Logo

ساباقتىڭ تاقىرىبى: م. ماقاتايەۆ. « ءۇش باقىتىم»
ساباقتىڭ ءتۇرى: ارالاس ساباق.
ساباقتىڭ ماقساتى:
بىلىمدىلىك: ولەڭدى مانەرلەپ وقۋعا، جاتقا وقۋعا داعدىلاندىرۋ. اقىن ولەڭىنىڭ يدەياسىن تۇسىنە بىلۋگە جاعداي جاساۋ.
دامىتۋشىلىق: اقىن شىعارمالارىن تالداي وتىرىپ، ءار وقۋشىنىڭ سويلەۋ ءتىلىن دامىتۋ. ءوز بەتىنشە ىزدەنۋگە، شىعارماشىلىققا باۋلي وتىرىپ، ءوز پىكىرىن ايتا الاتىن شاكىرت دايىنداۋ.
تاربيەلىك: وقۋشىلاردى وتانسۇيگىشتىككە، ءتىل، ءسوز ونەرىن قۇرمەتتەي، قاستەرلەي بىلۋگە تاربيەلەۋ.
كورنەكىلىكتەر: ينتەراكتيۆتى تاقتامەن جۇمىس، اقىننىڭ پورترەتى، بۋكلەتتەر ت. ب.
ساباقتىڭ ۇستانىمى:
«قازاق ءتىلىن بىلگەن ادام مۇقاعالي پوەزياسىن سۇيمەۋى مۇمكىن ەمەس، مۇقاعالي پوەزياسىن سۇيگەن ادام، ەلىنە، جەرىنە ادال، تابيعاتىنا جاناشىر بولا الادى.»

ۇيىمداستىرۋ كەزەڭى
ءمۇعالىم:-- ناتاشا، بۇگىن ناۋرىزدىڭ نەشىنشى جۇلدىزى؟
- بۇگىن ناۋرىز ايىنىڭ 16-جۇلدىزى.
- حافيز، بۇگىن اپتانىڭ قاي كۇنى؟
بۇگىن اپتانىڭ ءساتتى كۇنى.
- لەنا، بۇگىن دالادا اۋا-رايى قانداي؟
- كۇن جىلى، ادامدار جىلى كيىمدەرىن شەشتى.
- بوگدان، سەنىڭ كوڭىل-كۇيىن قانداي؟
- راحمەت، لەنا، مەنىڭ كوڭىل-كۇيىم جاقسى
- ءمۇعالىم، ءسىزدىڭ كوڭىل-كۇيىڭىز بۇگىن قانداي؟
- راحمەت، بوگدان، بۇگىن مەنىڭ كوڭىل-كۇيىم كوتەرىڭكى!
- ماليكا، الدىمىزدا قانداي مەيرام كەلە جاتىر؟
- الدىمىزدا ۇلىستىڭ ۇلى كۇنى، ناۋرىز مەرەكەسى كەلە جاتىر
- تاميريس، بىزگە ۇيگە قانداي تاپسىرما بەرىلدى؟
- بىزگە «بالا مۇقاعالي قانداي ەدى؟» اقىننىڭ جاستىق شاعى جايلى ءبىلىپ، وقىپ كەلۋگە بەردى.
ءمۇعالىم: ال كانە، بالالار، اقىننىڭ جاس كەزىندە قانداي بالا بولعانى جايلى بارلىعىمىز بىلگىمىز كەلەدى ەمەس پە؟ كانە ءۇي تاپسىرماسىن كىم ايتادى ەكەن؟
ساكينا: مۇقاعالي وتە زەرەك، العىر بولاتىن. ول ولەڭ ءسوزدى بارىمىزدەن بۇرىن جاتتاپ الۋشى ەدى. جاتتاعان ولەڭدەرىن مانەرلەپ وقۋعا قۇمار بولاتىن ەدى دەيدى اقىننىڭ دوسى ابدىكە اسانوۆ.
ميلانا: مۇقاعالي قانشا قيىندىق كورسە دە ساباعىن وتە جاقسى وقىدى. ول اسىرەسە ادەبيەت ءپانىن ۇناتاتىن.
حافيز: ساباقتان تىس اقىن كونسەرت ۇيىمداستىرىپ، سپەكتاكل قويىپ، باستى رولدەردە ءوزى وينايتىن.
ەلچين: مەكتەپتەگى قابىرعا گازەتى مۇقاعاليسىز شىقپاۋشى ەدى. ول ساباعى ناشار وقۋشىلارعا سىقاق ولەڭ جازاتىن.
كريستينا: ول بالا كەزىنەن تازا ۇقىپتى جۇرەتىن. سالاق، ءۇستى باسى كىر-قوجالاق بالالاردى جەك كورەتىن.
امينا: اقىن – ادىلەتسىزدىككە جانى قاس ەدى. ۇلكەننىڭ الدىن كەسىپ وتپەيتىن. وزىنەن كىشىلەرگە قامقورىن ايامايىن.
الەكساندرا: مۇقاعالي اجەسى تيىننىڭ قولىندا وسكەن. اقىننىڭ دامۋىنا اجەسى قاتتى اسەر ەتكەن. جاڭا ساباق.
ءمۇعالىم: ءبىز، سىزدەرمەن وتكەن ساباقتا اقىننىڭ ومىربايانىمەن تانىسساق، بۇگىن اقىن ولەڭدەرىن وقىپ، بىلەمىز
پوەزيا پايعامبارى اتانعان مۇقاعالي ماقاتايەۆقا ولەڭ جازۋدان ارتىق باقىت جوق ەدى. «ولەڭ مەنىڭ تىنىسىم، ادال دوسىم، جۇبانىشىم»- دەگەن ەكەن اقىن. ەندەشە، ءبىز سىزدەرمەن بۇگىن اقىننىڭ «ءۇش باقىتىم» اتتى ولەڭىمەن تانىسامىز.
ءمۇعالىم: بالالار، مەن ولەڭدى مانەرلەپ وقيمىن، مەنى جاقسىلاپ تىڭداپ وتىرىڭدار.
جۇرگىزىلەتىن جۇمىس تۇرلەرى.
2. سوزدىكپەن جۇمىس.
3. ءار شۋماققا توقتالىپ ولەڭنىڭ مازمۇنىن تۇسىندىرەمىن.
4. ولەڭدى وقۋشىلارعا جەكە، حورمەن وقىتامىن.
5. ولەڭنىڭ شۋماق، تارماعىن انىقتايمىن.
تاپسىرمالار.
6. بالالار، سونىمەن اقىننىڭ ءۇش باقىتى نە ەكەن؟
حالىق ءتىل وتان
ءمۇعالىم:- بالالار، اقىن حالقىن، ءتىلىن، وتانىن قانداي كوركەم سوزدەرگە تەڭەيدى؟
حالىق ءتىل وتان.
قىمباتتىراق التىننان. قاسيەتتى ءتىل. وتان وتتان دا ىستىق.
7. حالىق، ءتىل، وتان سوزدەرىنىڭ ءسينونيمىن تاۋىپ كورەيىك.
حالىق – ەل، جۇرت. وتان – تۋعان جەر، اتامەكەن.
8. ءمۇعالىم: بالالار، وسى حالىق، ءتىل، وتان سوزدەرىنە تۇسىنىك بەرە كەتەيىكشى.
حالىق
1حالىق دەگەنىمىز – قازاقستاندا تۇراتىن ادامدار.
2. ەلىمىزدە 16ميل. حالىق تۇرادى.
3. 130-داي ۇلت وكىلدەرى تۇرادى.
ءتىل.
1. ءتىل دەگەنىمىز ادامداردىڭ بىر-بىرىمەن قارىم-قاتىناس قۇرالى.
2. قازاقستاندا 130-داي ءتىل بار.
3. ق. ر-نىڭ مەملەكەتتىك ءتىلى – قازاق ءتىلى.
وتان.
1. وتان ول – ءار ادامنىڭ تۋىپ وسكەن جەرى.
2. وتان ول – سەنىڭ وتباسىڭ.
9. كەلەسى تاپسىرما ءارى ويىن، ءارى وقۋ. وقۋشىلار ولەڭدى وقىپ، كىتاپتى جابادى دا مىنا تاپسىرمالاردى ورىندايدى.
«ءۇش باقىتىم» ولەڭىنىڭ 1-شۋماعىنىن كەي سوزدەرىن اۋداراسىڭ، 2-شۋماعى رەبۋستى شەشەسىڭ، 3-شۋماقتىڭ ءبىر تارماعىندا سوزدەردىڭ ورنى اۋىستىرىلعان سونى دۇرىس تاۋىپ ورنىنا قويۋ كەرەك.
ءۇش باقىتىم.
ەڭ ءبىرىنشى باقىتىم - حالقىم مەنىڭ،
سوعان بەرەم ويىمنىڭ زولوتو كەنىن.
ون بار بولسا، يا بارمىن، قور بولمايمىن،
قىمباتتىراق يز زولوتا نارقىم مەنىڭ.

ال ەكىنشى باقىتىم-- ءى م مەنىڭ
تاس. – تى-كىممەن تىلىمدەدىم.
كەي-كەيدە دۇنيەدەن تۇڭىلسەم دە،
قاسيەتتى-ىمنەن تۇڭىلمەدىم.

باقىتىم بار ءۇشىنشى-وتان دەگەن،
كىم مىقتى؟- دەسە بىرەۋ،- وتان دەر ەم.
... سونگەن وتى جالعاندا بارسىڭ با جان
ويلانباي-اق كەل-داعى وت ال مەنەن..

سەرگىتۋ ساعاتى:
م. ماقاتايەۆتىڭ سوزىنە جازىلعان «ءسابي بولعىم كەلەدى.» ءانىن ورىندايمىز.
10. ال، بالالار، وتان، ءتىل، حالىق تۋرالى ماقال-ماتەلدەر، ولەڭدەردى بىلەمىز با؟
11. بالالا، سەندەر ايتىپ كەتكەندەي اقىن جاس كەزىنەن ولەڭ جازدى - دەدىڭدەر. بۇگىن ءبىز دە اقىن اعامىزعا ۇقساپ ولەڭ جازساق قايتەدى. وتان، ءتىل، حالىق، باقىت تاقىرىبىنا « بەس جولدى ولەڭ جازىپ كورەلىك»
رەفلەكسيا:
ال، بالالار، بۇگىنگى ساباعىمىزدى قورىتا كەلە اقىن ولەڭىنە ساتىلاي كەشەندى تالداۋ جاسايىق
1. اۆتورى: م: ماقاتايەۆ.
2. تاقىرىبى: «ءۇش باقىتىم.»
3. جانىر ءتۇرى: ولەڭ.
4. شۋماق: 3
5. تارماق: 12
6. ءار شۋماقتىڭ ءمانىن اشاتىن كوركەم، بەينەلى سوزدەر:
1-شۋماق: قىمباتتىراق التىننان، التىن كەن.
2-شۋماق: قاسيەتتى ءتىل.
3-شۋماق: « وتان وتتان دا ىستىق.»
ولەڭنىڭ يدەياسى: اقىننىڭ تۋعان جەرىنە، حالقىنا، تىلىنە دەگەن شەكەسىز ماحابباتى ايتىلادى.
ءمۇعالىم: مۇقاعاليداي اقىنى بار حالىق-باقىتتى حالىق. قازىرگى تاڭدا مۇقاعالي ەڭ كوپ وقىلاتىن اقىننىڭ ءبىرى. ونىڭ جىرلارى ادامعا كۇش-قۋات بەرىپ، ەلىمىزدى، جەرىمىزدى سۇيۋگە، ولارعا قاشاندا قامقور بولا بىلۋگە تاربيەلەيدى.
وقۋشىلاردى باعالاۋ.
ۇيگە تاپسىرما: «ءۇش باقىتىم» ولەڭىن جاتتاۋ.