دوسىمدى ماقتان ەتەمىن
"سەن ماعان دوسىڭدى كورسەت، مەن سەنىڭ كىم ەكەنىڭدى ايتامىن" دەمەكشى، مەن ءوزىمنىڭ دوسىم جايلى جازعىم كەلىپ وتىر. اتاپ ايتار بولسام، ۋرازالييەۆ اعابەك-الماتى وبلىسى ەڭبەكشىقازاق اۋدانى تۇرگەن اۋىلى د.ا.قونايەۆ اتىنداعى ورتا مەكتەبىنىڭ 2019-جىلعى تۇلەگى. ونى ناعىز دوس دەپ ايتا الامىن. سەبەبى، ءارقاشان كەرەك كەزىندە قاسىمنان تابىلىپ، قولىنان كەلگەنشە كومەك بەرۋگە تىرىسادى.
دۇرىس دوس تاڭداي بىلۋ-ومىرلىك ماقساتتاردىڭ ءبىرى. ويتكەنى، ومىردە قانداي دا ءبىر قيىندىققا تاپ بولساڭ،ونى دوسىڭمەن بولىسە وتىرىپ، دوسىڭنىڭ اقىلىن تىڭداپ، شەشىمىن تابا الاسىڭ. مەنىڭ ويىمشا، ەكى دوس اراسىنداعى سىيلاستىق سەزىمى مىقتى بولۋ كەرەك. بىر-بىرىنە دەگەن سىيلاستىعى مىقتى بولسا، ول كەز-كەلگەن قيىندىقتان شىعۋعا كومەكتەسەدى.
ءبىزدىڭ مەكتەبىمىزدە ءبىلىم مەن تاربيەنى ەگىز الىپ بارادى. اعابەك مەكتەبىمىزدىڭ ەڭ ۇزدىك دەگەن وقۋشىلارىنىڭ ءبىرى. دالەل ايتار بولسام، "التىن بەلگى" يەگەرى. سونىمەن قاتار، بارلىق قوعامدىق جارىستارعا، ءارتۇرلى جارىستار مەن وليمپيادالارعا، عىلىمي جارىستارعا بەلسەنە قاتىسىپ، ءوز ءبىلىمىن شىڭداي تۇسكەن بەلسەندى وقۋشى. ايتاپ ايتاتىن بولسام، ول "نۇر-سۇلتان" قالاسىندا وتكەن ساردار رەسپۋبليكالىق كەشەندى وليمپياداسىنان جۇلدەلى 4-ورىن يەلەندى. ءبىزدىڭ مەكتەبىمىز بىلاي تۇرسىن، الماتى وبلىسىنىڭ اتىن شىعاردى. بۇل ءبىز ءۇشىن ۇلكەن ابىروي، ماقتانىش. مەن، ءدال وسىنداي دوسىم بارىنا قۋانامىن.
قورىتىندىلايتىن بولسام، دوس تابۋ وڭاي، ونى ساقتاۋ قيىن. ءار ادامنىڭ وزىنە جاقىن دوسى بولادى. ەندەشە، سول جاقىن دوستارىڭىزدى ماقتان ەتىڭىزدەر، سىيلاي بىلىڭىزدەر دەگىم كەلەدى.
تۇركمەنباي بەكبوسىن
You Might Also Like
-
زيمەم — زيممەت ءسوزىنىڭ كوپشە ءتۇرى. زيممەت ءسوزىنىڭ بۇل جەردەگى ماعىناسى قارىز دەگەندى بىلدىرەدى. زيمەم داپتەرى قارىزدار جازىلاتىن داپتەر دەگەن ءسوز. باياعىدا وسمان مەملەكەتىندە ازىق-تۇلىك دۇكەند...
