اناعا تىلەك قۇتتىقتاۋ
نە بار ەكەن انادان قىمبات ماعان،
تال بەسىككە بولەگەن، قۇنداقتاعان.
كوز الدىمنان ۇزاساڭ سىمباتتى انام،
ساعىنعاننان ءبىر سەنى كۇن باتپاعان.
جۇرەگىڭنىڭ جىلۋىن شاشقاندا انا،
ورانادى شۋاققا اسپان-دالا.
قاسيەتىن انانىڭ تۇسىنەدى،
ادامشىلىق جولىمەن باسقان عانا.
ويلاپ كەتسەم وتىرىپ اناشىمدى،
بۇتاق جايعان بايتەرەك پانا سىندى.
جيناعان سوڭ بويىما بار اسىلدى،
ءوتىپ جاتىر ءومىرىم جاراسىمدى.
قالسام مەن بۇگىن دە ەگدە تارتىپ،
ەركەلىكتى موينىڭا كەلەم ارتىپ.
باس اۋىرىپ، بالتىرىم سىزداي قالسا،
جان تاپپادىم جاناشىر سەنەن ارتىق.
بۇكىل تىرلىك اسپاندا كۇنىم عاشىق،
انا جايلى اقتاردىم سىرىمدى اشىپ.
مەرەكەسىن انالار ارقاۋ ەتىپ،
كەتتى بۇگىن كەۋدەمنەن جىرىم تاسىپ.
جالاۋ بولىپ انانىڭ اقىلى ىزگى،
قۇلشىندىرىپ ەڭبەككە جاتىر ءبىزدى.
ونەرلى ورەن وسىرگەن ەلگە لايىق،
ءاليا مەن مانشۇكتەي باتىر قىزدى.
قۇلپىرعاندا كەڭ دالام شۋاعىمەن،
قۋانىشپەن كوڭىلدى جۋا بىلگەن.
قۇتتىقتايمىن انالار مەرەكەڭمەن،
نۇرلاندىرعان ءومىردى قۋاتىڭمەن.
*** *** *** ***
پەرزەنتكە جۇمساعان بۇلا كۇشىن،
انا – ىرىس، ب ا ق – داۋلەت، جۇبانىشىڭ.
كوكبورىنىڭ تەگىنەن تاراعاندار،
قۇتتى بولسىن بۇگىنگى قۋانىشىڭ!
تال بەسىككە تىرلىكتى ىلمەكتەگەن،
ماداقتاۋعا انانى ءتىل جەتپەگەن.
الاتاۋدىڭ شىڭىنا تۋ تىگەدى،
اناسىنا توي جاساپ، قۇرمەتتەگەن.
اناعا ارنالعان اندەر، جىرلار، ىزگى تىلەكتەر، جىلى لەبىزدەر قانشاما! حالىق اراسىندا «انا ءبىر قولىمەن بەسىكتى تەربەتسە، ەكىنشى قولىمەن الەمدى تەربەتەدى» دەگەن قاناتتى ءسوز بار.
ەندەشە اناعا ارنالعان جىرىمىز، ءانىمىز، تىلەگىمىز ەشقاشان تاۋسىلماۋعا ءتيىستى، تاۋسىلمايدى دا.
ءوز باقىتىن، قۋانىشىن ءوزى ومىرگە اكەلگەن پەرزەنتتەرىنىڭ قىلىعىنان، قىزىعىنان ىزدەيتىن اياۋلى انام مەنىڭ! ساعان الەمدەگى بار جاقسى تىلەكتى ۇيىپ-توكسەم دە از. اللا سىزگە ەڭ الدىمەن مىقتى دەنساۋلىق بەرسىن! ءارقاشان جۇزىڭىزدەن مەيىرىم نىشانى كەتپەي، اينالاڭىزعا نۇرىڭىزدى شاشىپ، انالىق باقىتقا كەنەلىپ جۇرە بەرىڭىز!
*** *** *** ***
بۇكىل ءومىرىن بالالارىنا ارناپ، ومىرلىك سەرىگىنە ادال جار، ارداقتى انا بولا بىلگەن، بۇگىندە قىزىن-قياعا، ۇلىن-ۇياعا قوندىرىپ، نەمەرەلەرىنىڭ سۇيىكتى اجەسى بولىپ وتىرعان اسىل انامىز، ءسىزدى بۇگىنگى مەرەيتويىڭىزبەن شىن جۇرەكتەن قۇتتىقتايمىز!
«اناڭدى مەككەگە ءۇش رەت ارقالاپ اپارساڭ دا قارىزىڭنان قۇتىلا المايسىڭ» دەگەن ءسوز بار.
ارداقتى انا، سىزگە قاجىماس قايرات، زور دەنساۋلىق تىلەي وتىرىپ، اينالاڭىزعا شۋاعىڭىزدى شاشىپ ۇزاق ءومىر ءسۇرىڭىز دەمەكپىز!
*** *** *** ***
ءسىز جاساعان قىزمەتتى
كۇن مەن جۇلدىز، اي كورگەن
اناڭداي ازيز مەيىربان
تابىلار ساعان قاي جەردەن؟
ىڭىلداپ داۋسىڭ شىققاندا
كوزىنەن ۇيقى اشىلعان
مەيىرىڭدى سۋعا قاندىرعان
مەيىربان بار ما وسىدان؟!
كوزىنەن ۇيقى تاراعان
قاباعىڭا قاراعان
اناڭداي قامقور بار ما ەكەن!
*** *** *** ***
جۇرەگىمدى جارىپ شىققان بار ىزگى تىلەكتەرىم ومىردەگى ەڭ قىمباتتى دا ارداقتى جان – انا، وزىڭە ارنالادى. ءبىزدى ومىرگە اكەلىپ، اق ءسۇت بەرىپ، ايالاپ ءوسىرىپ، تۇمسىقتىعا شوقتىرماي، وسى كۇنگە جەتكىزگەنىڭ ءۇشىن الدىڭدا ماڭگى قارىزدارمىز. مەيىرىم مەن ماحابباتتان جارالعان كەڭ جۇرەگىڭىزدەن، قىزۋى تۇلا بويىمىزدى جىلىتقان ىستىق الاقانىڭىزدان، اينالايىن دەپ ماڭدايىمىزدان ەمىرەنە ءسۇيىپ، ەركەلەتكەن ۇنىڭىزدەن ارتىق ءبىز ءۇشىن ەشنارسە جوق. اناشىم، جۇزىڭىزدەن شۋاق كەتپەي، ءبىزدىڭ ورتامىزدا كۇلىپ-ويناپ، شاتتىققا كەنەلىپ، باقىتقا بولەنىپ جۇرە بەرىڭىز.
*** *** *** ***
انا دەگەن كيەلى ەسىم، اللا بەرگەن بار ءمانىن،
كۇن شۋاعى توگىلگەندەي مىناۋ كۇنى اللانىڭ.
بار باقىتتى ءومىر ساعان انا بەرگەن ءاردايىم،
بارشا ادامزات انالارعا باسىڭدى يۋ - اللاعا!
*** *** *** ***
You Might Also Like
-
ءومىردىڭ ارتقان جۇگىنە، مويىماپسىڭ دا سىنباپسىڭ. ۇڭىلەم جۇرەك تۇبىنە، شەشۋىن ىزدەپ جۇمباقتىڭ.
-
«ماعان جاقسى ءمۇعالىم بارىنەن دە قىمبات، ويتكەنى مۇعالىم-مەكتەپتىڭ جۇرەگى» دەمەكشى ىبىراي التىنسارين،راسىمەندە ماماندىق اتاۋلىنىڭ تورەسى-ۇستازدىق. ءمۇعالىم بارلىق ماماندىق يەسىن تاربيەلەي...
