شەتەلدىك ءمۇعالىم: ءبىلىم – ەمتيحاننان كەيىن ۇمىتىلىپ قالاتىن دۇنيە ەمەس
ەلوردادا ءوتىپ جاتقان «مەكتەپ الەمىن وزگەرتەتىن - ۇستازدار» حالىقارالىق كونفەرەنسياسىندا الەمدەگى بارلىق پەداگوگتاردى تولعاندىراتىن ماسەلەلەر تالقىلاندى.
القالى جيىندا الەمنىڭ تۇكپىر-تۇكپىرىنەن جينالعان ەكى مىڭنان استام پەداگوگ باس قوستى. شەتەلدەن كەلگەن ساراپشىلار وزدەرىنىڭ اۆتورلىق ەڭبەكتەرىن ۇسىنىپ، زاماناۋي ءبىلىم بەرۋ، بولاشاق ۇرپاقتى وقىتۋدا ءتيىمدى تەتىكتەردى پايدالانۋ، پەداگوگيكا سالاسىنىڭ كەلەلى ماسەلەلەرى تاقىرىبىندا جازىلعان كىتاپتارىن تانىستىردى.
«مەن ەڭبەك جولىمدى دارىندى بالالارعا ارنالعان مەكتەپتە ساباق بەرۋدەن باستادىم. جۇمىس بارىسىندا ءبىلىمدى ۇرپاق تاربيەلەۋ ءۇشىن ءبىلىم جۇيەسىنە وزگەرىستەر ەنگىزۋ كەرەك ەكەنىن ءتۇسىندىم. ءبىلىم بەرۋ – ادامدار ويلاپ تاپقان پروسەسس»، - دەيدى يزرايلدەگى بەيت بەرل كوللەدجىنىڭ اعا وقىتۋشىسى يورام حارپاز.
ول ءمۇعالىم سويلەپ، وقۋشىنىڭ تىڭداپ وتىرۋى وتكەن عاسىرلاردا قالىپ قويعان ءتاسىل ەكەنىن ايتتى.
«وقۋشى العان ءبىلىمىن ەمتيحان كەزىندە ايتىپ، ودان كەيىن ۇمىتىپ قالاتىن كەزەڭنەن دە ءوتىپ كەتتىك. بۇل تاسىلمەن وقىتقان كەزدە «جامان وقۋشى وقىعانىن ەمتيحان تاپسىرۋعا ءبىر مينۋت قالعاندا ۇمىتىپ قالادى، جاقسى وقۋشى وقىعانىن ەمتيحان تاپسىرعاننان كەيىن ءبىر مينۋت وتكەن سوڭ ۇمىتادى» دەگەن ءازىل بولعان. اقىل-وي مەن ميدى الدەنەمەن تولتىرىلۋى ءتيىس بوس ىدىسقا تەڭەۋگە بولمايدى. ءبىلىم بەرۋدىڭ ماقساتى – سول ىدىستى بىلىممەن تولتىرۋ دەيدى. بۇل دا – ەسكى جۇيە. ءبىز وقۋشىلارعا ءبىلىمنىڭ ەمتيحاننان كەيىن ەستەن شىعاراتىن نارسە ەمەس، ومىرلىك تاجىريبەدە قولدانىلاتىن قۇرال ەكەنىن ۇيرەتۋىمىز كەرەك»، - دەيدى يورام حارپاز.
شارا بارىسىندا كەمبريدج ۋنيۆەرسيتەتىنىڭ ءبىلىم بەرۋ يننوۆاسيالارى ورتالىعىنىڭ ديرەكتورى كوللين ماكلافلين، يزرايل بەيت بەرل كوللەدجىنىڭ اعا وقىتۋشىسى يورام حارپاز، KidZania حالىقارالىق ءبىلىم بەرۋ باعدارلامالارىنىڭ ديرەكتورى، بالالار الدىنداعى ەڭبەگى ءۇشىن بريتان يمپەرياسى وردەنىنىڭ قۇرمەتتى وفيسەرى گەر گراۋس سياقتى بەلگىلى ساراپشىلار مەن عالىمدار بايانداما جاسادى.
You Might Also Like
-
ءجۇز وتىزعا جۋىق ۇلت پەن ۇلىستىڭ باسىن قوسقان قازاق ەلى ءۇشىن رۋحاني كەلىسىم، تۇراقتىلىق پەن تاتۋلىقتىڭ ورنى ەرەكشە. «رۋحاني كەلىسىم»-بۇل كۇندى شيەلەنىستەر مەن قاقتىعىستارعا موراتوريي كۇن...
-
قۇدايعا شۇكىر، ەلىمىز ەگەمەندىگىن العالى ەتەك-جەڭىمىزدى جيىپ، يسلامعا قاتىستى رۋحاني دۇنيەلەرىمىزدى تۇگەندەۋدەمىز. يسلامدى ەلباسىمىزدىڭ ءوزى باس بولىپ: «ءتۇبىمىز تۇرىك، ءدىنىمىز يسلام، كىتابىمىز...
