كەزەكتى كەزدەسۋ
قۇدايعا شۇكىر، ەلىمىز ەگەمەندىگىن العالى ەتەك-جەڭىمىزدى جيىپ، يسلامعا قاتىستى رۋحاني دۇنيەلەرىمىزدى تۇگەندەۋدەمىز. يسلامدى ەلباسىمىزدىڭ ءوزى باس بولىپ: «ءتۇبىمىز تۇرىك، ءدىنىمىز يسلام، كىتابىمىز قۇران – كارىمدى ناسيحاتتاۋدى ەستەن شىعارمايىق»-دەيدى...
وسى رەتتە اۋدان كولەمىندە دىنىمىزبەن ۇلتتىق بولمىسىمىزعا جات ءدىني اعىمدار ىقپالىنان قورعانۋ جانە ادامداردىڭ ءدىني ساۋاتتىلىعىن ارتتىرۋ ماقساتىندا ناسيحات جۇمىستارى كەڭىنەن جۇرگىزىلۋدە.
ماسەلەن، «قاسىمبەك ورتا مەكتەبى» كمم – ءنىڭ تورىندە كاسىمبەك اۋىلىق ىشكى ساياسات ءبولىمى قىزمەتكەرى لاۋرا ماحان قىزىنىڭ ۇيىمداستىرۋىمەن وتكەن باسقوسۋ مەن جامبىل ولكەسىندەگى «بايدىبەك بابا» مەشىتىنىڭ باس يمامى سەرىك جولداسبەك ۇلى مەن «جامبىل ورتا مەكتەبى» كمم-نىڭ ديرەكتورى جاننا نۇربەك قىزى قولداۋىمەن «سالتىڭدى ساقتا – ءدىنىڭدى ساقتا»- تاقىرىبىنداعى سۇبەلى كەزدەسۋگە قمدب - ءنىڭ جامبىل اۋدانى ورتالىق «شىناسىل» مەشىتىنىڭ باس يمامى قالجان ءارىبجان ۇلى مەن باس يمام كومەكشىسى ازات توحتاقۇل ۇلى ارنايى قاتىستى.
كەزدەسۋدە تالىمگەر مەن ءتالىم الۋشىلاردىڭ اراسىنداعى ادەپتىلىك ىزگىلىك حاقىندا وي تولعانىپ، ەلدى ەلەڭ ەتكىزگەن وزگە ءدىن وكىلدەرىنىڭ شىرماۋىنا شىرمالىپ قالماۋ ءۇشىن ءدىني ساۋاتتىلىق قاجەتتىلىگى جايىندا باسا ايتىلدى.
بەرەكە بىرلىك بولعان جەردە مەملەكەتتىڭ دە ىرگەسى بەكي تۇسەدى. ءداستۇرلى ءدىن مەن تەرىس ءدىني اعىمداردىڭ اراجىگىن اجىراتا الماۋدىڭ سوڭى نەمەن اياقتالىپ جاتقانىن تەلەديداردان، باسپا بەتتەرىنەن، عالامتوردان كورىپ جۇرسىڭدەر. سوندىقتاندا، ءدىن سالاسىنا قاتىستى سۇراقتارىڭىز بولسا، ونىڭ جاۋابىن عالامتوردان ىزدەمەي، مەشىتكە كەلىپ يمامعا قويىڭىزدار. شۇكىر، سوڭعى كەزدە دىنگە سەنۋشىلىك ۇستانىمى كوبەيىپ كەلەدى. اسىل ءدىنىمىز – يسلام ءدىنى ءاربىر ادامدى قاشاندا اۋىزبىرشىلىككە، تاتۋلىققا ۋاعىزدايدى، - دەيدى قمدب ءنىڭ جامبىل اۋدانى ورتالىق «شىناسىل» مەشىتىنىڭ باس يمامى يسلامحانوۆ قالجان ءارىبجان ۇلى.
بۇدان سوڭ وقۋشىلار قوناققا كوكەيلەرىندە جۇرگەن ساۋالدارىن قويىپ، وعان تولىمدى جاۋاپ الدى.
– بۇگىن يماممەن بەتپە-بەت كەزدەسىپ، ءبىراز ماعۇلىمات الدىق. راسىندا دا، ءدىنىمىزدى الدىمەن ءوزىمىز قۇرمەت تۇتۋىمىز كەرەك. مەن ءوز باسىم جۇما كۇندەرى مەشىتكە بارىپ تۇرامىن. ويتكەنى، يماندى بولساق، جات ىستەرگە اياق باسپاسىمىز انىق. ۇلكەن كىسىلەردىڭ دە «ءيمانجۇزدى بالا ەكەن» دەيتىنى وسى شىعار دەيدى - مارات ەسىمدى وقۋشى.
مولداعالييەۆ ەرحان بولات ۇلى
الماتى وبلىسى جامبىل اۋدانى
«شىناسىل» مەشىتىنىڭ اقپاراتتىق ءتىلشىسى
You Might Also Like
-
ەلوردادا ءوتىپ جاتقان «مەكتەپ الەمىن وزگەرتەتىن - ۇستازدار» حالىقارالىق كونفەرەنسياسىندا الەمدەگى بارلىق پەداگوگتاردى تولعاندىراتىن ماسەلەلەر تالقىلاندى.
-
«الدىڭعى جاقسى ارتقى جاسقا ءتالىم ايتپاسا،ەل بولعانىڭ قايسى؟» دەپ قازاقتىڭ ۇلى جازۋشىسى مۇحتار اۋەزوۆ ايتىپ وتكەندەي ءبىز وزىمىزدەن ۇلكەندەردەن ۇلگى-ونەگە الىپ،ال كىشىلەرگە تاربيەلىك قاعي...
