InfoHub Logo

بۇگىندە سمارتفون ۇستامايتىن ادام جوق بولار، ءسىرا. دەسە دە ۇيالى تەلەفون يەلەرىنىڭ بارلىعى قولىنداعى قۇرىلعىنىڭ پايدالى قىزمەتتەرىن، تاڭداندىراتىن مۇمكىندىكتەرىن بىلە بەرمەيدى.

ءوز كەزەگىندە Android پلاتفورماسىنىڭ 8 ءتۇرلى قۇپيا قىزمەتىن ۇسىنامىز. بىزبەن بىرگە بىلە جۇرىڭىزدەر!

سمارتفون قۋاتىن ۇنەمدەۋدىڭ ەڭ وڭاي جولى

ەگەر Android-تى قۇرىلعىڭىزدىڭ نەگىزگى بەتىنە قارا نە باسقا دا قارالاۋ فون تاڭداساڭىز، پيكسەلدەردىڭ اۆتوماتتى كومەكسى جارىعى ءسونىپ قالادى. مۇنان كەيىن تەلەفون نە پلانشەتىڭىزدىڭ قۋاتى اناعۇرلىم ۇزاققا جەتەتىنىن بايقايسىز. ازىرگە بۇل فۋنكسيا Android-تى قۇرىلعىلاردىڭ بارلىعىندا قامتىلماعان. ءبىراق Samsung سمارتفوندارىنىڭ كوبىنەن اتالعان فۋنكسيانى تابا الاسىز. تەكسەرىپ كورىڭىز!

ءماتىندى دىبىستاۋ

ەگەر Android-تى سمارتفون يەسى بولساڭىز، بۇل ماقالانى وقىپ قانا قويماي، تىڭداي دا الاسىز. ول ءۇشىن تەلەفون باپتاۋلارىنداعى «ارنايى مۇمكىندىكتەر» تارماعىن تاڭداڭىپ، ءماتىندى دىبىستاپ وقۋ قىزمەتىن قوسىڭىز.

سمارتفوندى قاشىقتىقتان باسقارۋ

مازىرگە كىرىپ، «باپتاۋلار ->قاۋىپسىزدىك->قۇرىلعى اكىمگەرلەرىن» تاڭداپ، «Android-تى قاشىقتىقتان باسقارۋ» بولىمىنە كىرىپ، «قۇرىلعىلاردى قاشىقتىقتان ىزدەۋ» تارماعىن بەلگىلەڭىز. ەگەر سمارتفونىڭىزدى جوعالتىپ الساڭىز، مىنا سايت ارقىلى بارلىق مالىمەتتى قالپىنا كەلتىرىپ، قۇرىلعىنى بۇعاتتاي الاسىز.

«قوناق رەجيمىن» قوسۋ

تەلەفونىڭىزدى الدەكىمگە ۋاقىتشا بەرە تۇرۋ قاجەتتىگى تۋىنداپ، الايدا قۇرىلعى جادىنداعى جەكە مالىمەتتەرىڭىزدىڭ قاۋىپسىزدىگىن ساقتاعىڭىز كەلسە، «قوناق رەجيمىن» قولدانىڭىز. سمارتفون ديسپلەيى بەتىندە ەكى ساۋساعىڭىزدى تومەنگە سىرعىتىڭىز. ەكراندا اشىلعان جىلدام باپتاۋلار تەرەزەسىنەن جوعارىدا وڭ جاقتا تۇرعان قولدانۋشى بەلگىسىن باسىڭىز. مۇنان سوڭ «قوناق قوسۋ» قىزمەتى پايدا بولادى. ول ارقىلى وزگە قولدانۋشىلار تەلەفونىڭىزدا قانداي قىزمەتتەردى قولدانا الاتىنىن تاڭداي الاسىز.

ەكرانداعى لۋپا

كوزى ناشار كورەتىن ادامدار Android-تى سمارتفوندارداعى اتالعان قىزمەت ءتۇرىنىڭ ومىرلەرىن قانشالىقتى جەڭىلدەتە الاتىنىن بىلە بەرمەيدى. «باپتاۋلار-> ارنايى مۇمكىندىكتەر-> ۇلعايتۋعا ارنالعان يشارالاردى» تاڭداڭىز. مۇنان سوڭ ساۋساعىڭىزبەن نۇقىپ قانا ديسپلەيدىڭ كەز-كەلگەن اۋماعىن ۇلعايتا الاسىز.

مودەم رەجيمى

ءتۇرلى قۇرىلعىلار كومەگىمەن ينتەرنەتكە قوسىلۋ ءۇشىن، مىندەتتى تۇردە 3G-مودەم نەمەسە باسقا دا قۇرىلعى الۋدىڭ قاجەتى جوق. ءسىزدىڭ سمارتفونىڭىز مودەم قىزمەتىن ۇسىنا الادى. باپتاۋلار مازىرىنە كىرىپ، «سىمسىز جەلىلەردى» ىشىندەگى «حوت-سپوت» قىزمەتىن تاڭداڭىز. مۇنان سوڭ «ۇيالى جەدەل نۇكتەسى» تارماعىنىڭ جانىنا بەلگى قويىڭىز. تاماشا ەمەس پە؟

سمارتفوندى باسىڭىزدىڭ قيمىل-قوزعالىسىمەن باسقارۋ

كەيدە سمارتفوندى قولدانۋ قاجەتتىگى تۋىنداعانىمەن، قولىمىز بوس بولمايتىن كەزدەر بولادى. ال Android پلاتفورماسىن جاساۋشىلار بۇل ماسەلەنىڭ دە شەشىمىن تاپقان. EVA FacialMouse تەگىن قوسىمشاسىن جۇكتەپ الۋ ارقىلى Android-تى قۇرىلعىڭىزدى باسىڭىزدىڭ قيمىل-قوزعالىسىمەن باسقارا الاسىز. قوسىمشانى سمارتفونىڭىزعا جۇكتەۋ جونىندەگى تولىق اقپاراتتى مىنا سىلتەمەدەن تاباسىز.

جاسىرىن ويىن

Google كومپانياسى سمارتفونداعى Android 2.3 Gingerbread پلاتفورما نۇسقاسىنان باستاپ قولدانۋشىلارعا كىشىگىرىم سىيلىق ازىرلەگەن. ونى تابۋ دا وڭاي ەمەس. Google ۇسىنعان جاسىرىن ويىندى تابۋ ءۇشىن «باپتاۋلار» مازىرىنە كىرىپ، «تەلەفون جايلى» نەمەسە «پلانشەت جايلى» تارماعىن تاڭداڭىز. ونداعى «Android نۇسقاسى» تراماعىنا بىرنەشە رەت جىلدام باسىڭىز. ەكراندا كىشكەنتاي مارشمەللوۋ زەفيرى پايدا بولعاندا، بىرنەشە رەت ۇستىنەن باسىڭىز. مۇنان كەيىن ارنايى ويىن اشىلادى. ءالى ويناپ كورمەدىڭىز بە؟

---