ساكەن تويىنا
ءوزىڭ بە؟..
ءوزىڭ عاجاپسىڭ!
وت كەشكەن العاش ازاتسىڭ.
حالقىڭا كەلگەن ازاتسىڭ.
تاپ جاۋىنان ءوش الىپ،
ءوشىڭ دە كەتكەن قازاقسىڭ!
«Tap جول، تايعاق كەشۋدى»
كەشىپ كەتكەن قازاقسىڭ!
ەسىل وتكەن قازاقسىڭ!!!
سويىلدىعا سوقتىرماي،
قارۋلىعا اتتىرماي،
اراشالاپ جۇرتىڭدى،
الپاۋىتقا اتتىڭ جاي.
Heگe؟
Heگe جىر تىندى؟!
Heگe كەتتىڭ تاپتىرماي؟
ايىرىلىپ قالىپپىز
كۇلاش سالعان «گاككۋداي»،
ءوزىڭ جازعان «اققۋداي»...
...كۇرسىنىپ ەك، جان اعا،
سەن جوق دەگەن ءسوزدى ەستىپ.
جىلدار سالىپ اراعا،
اقىرى ءبىز كەزدەستىك.
سەندەي قورعان، پاناعا،
ءزارۋ بولعان كەزدە ەستىك.
اقىرى ءبىز كەزدەستىك.
اقىل كىرىپ سول جاستار،
اعا بولدى جول باستار.
جالاۋىڭدى جىققان جوق
قىزىل سۇڭقار - جولداستار.
وزىڭە ۇساپ جول باسقان،
ءوز وتانىن قورعاسقان،
جالعاسۋدا بىزبەنەن،
ءوزىڭ جازعان زور داستان.
كەسەگەسى كوگەرگەن،
كوپ ىرىسقا كەنەلگەن،
ءوزىڭ جورتقان ءتۇزىڭدى،
ءوز كازىڭمەن كورەر مە ەڭ.
قايتا اينالىپ كەلەر مە ەڭ!
مىناۋ قازاق دالاسى،
التاي، ارقا اراسى.
الاتاۋ مەن اتىراۋ
تويلاپ جاتىر، قاراشى،
ەستيسىڭ بە، اعاسى؟
بۇكىل قازاق بالاسى،
سەنى ەسكە الىپ، اعاسى،
دۋمانداتتى، قاراشى.
اسپانىنان نۇر تامعان،
سەنى ەسكە الىپ تۇر تاۋلار...
...اي-قاي، قىزىل سۇنقارلار!
پاي-پاي، ءدۇلدىل تۇلپارلار!
ورتاعا الىپ ساكەندى،
جاس قازاقتىن، ۇرانىن
جاڭارتا ءبىر شىرقاڭدار!

---