بىزدەر جەڭدىك! جوق بولىپ، جارالى بوپ.
ءبىز كۋاندىق الدىمەن قارالى بوپ
قارسى تۇردىق اجداھا الدىندا ءبىز
تۋعان جەردىڭ ايازى، بورانى بوپ،
بىزدەر جەڭدىك،نامىستى جىبەرمەدىك.
اجداھانى كەزىندە شىدەرلەدىك.
قورلاماسىن دەدىك ءبىز ەكىنشى رەت،
تىنىش جاتقان ءبىر ەلدى ءبىر ەل كەلىپ.
بىزدەر جەڭدىك قارۋمەن، تۇرەنمەن دە،
كوگىمىزدەن قان تامدى تۇنەرگەندە،
ءوزىمىزدى زاپاستا ۇستادىق ءبىز،
اكەمىزدى مايدانعا جىبەرگەندە!!!
بىزدەر جەڭدىك:انامىز اقتاي سولدى،
مامىق توسەك قايعىدان تاقتاي بولدى.
مايدانسىز ءبىز شايناعان ءبىر ءتۇيىر نان،
كەۋدەمىزدە قادالعان وقتاي بولدى!!!
بولدى!،.
بولدى!..
ءبارىن دە بىلەسىڭدەر،
بۇل جەڭىستى اركىم دە ۇلەسىم دەر.
...اجداھالار ءتىرىلىپ كەلە جاتىر!
ساقتانىڭدار، ادامدار!
كۇرەسىندەر!!!

---