ءبىز دەگەن، دوسىم،
تاعدىرى قىزىق حالىقپىز.
حالقىنىڭ ءوزى قورعاسىن قۇيار قالىپپىز.
ەكىنىڭ ءبىرى بارمايتىن جەرگە بارىپ ءبىز،
جانبايتىن جەردە جانىپپىز.
ءبىز دەگەن، دوسىم،
تاعدىرى قىزىق حالىقپىز.
بىلگەندەر ءبىلسىن،
بىلمەستەر، مەيلى بىلمەسىن.
قولداسىن مەيلى،قورلاسىن مەيلى،كۇندەسىن.
قارا تاستان دا مەيىرىم كۇتكەن اقىندى.
قاتىگەز جاندار اشىنتىپ الىپ جۇرمەسىن
انتەيمىز بىزدەر،
جەرىمىز ءبىزدىڭ - حالىق-تى.
ءحالىقسىز ءبىزدىڭ انتەيلىگىمىز ءقاۋىپتى.
...جۇرتىنا تاستاپ كەتپەسە بولدى كوشكەندە،
بەرەندەرى ءۇشىن قورعاسىن قۇيعان قالىپتى.

---