InfoHub Logo

تاربيە ساعاتىنىڭ تاقىرىبى: «اق جارقىن – جان انام»
ماقساتى: 8 ناۋرىز حالىقارالىق ايەلدەر كۇنى مەرەكەسىنىڭ سالتاناتىن سەزىندىرۋ. اناعا دەگەن ماحابباتتارىن ارتتىرۋ.
ءى. دايىندىق كەزەڭى
1. انالارعا ارناپ سىيلىقتار ازىرلەۋ 2. انالاردى شاقىرۋ 3. قابىرعا گازەتىن شىعارۋ، قۇتتىقتاۋ، سۋرەتتەر 4. ۇزدىك شىعارمالار كورمەسى
ءىى. نەگىزگى ءبولىم
انالار مەن قوناقتار توردەن ورىن الادى. سىنىپ جەتەكشىسىنىڭ كىرىسپە ءسوزى./ مۋزىكا ءسال عانا ەستىلىپ تۇرادى/
اكە - ءومىردىڭ بەرىك تىرەگى بولسا، انا - اعىندى ارناسى. انا جانى سونداي نازىك، انا جۇرەگى سونداي ىزگى، مەيىرىمدى. نارەستە شىر ەتىپ دۇنيەگە كەلگەننەن باستاپ ونى الاقانىنا ايالاپ، اق ءسۇت ەمىزىپ، الپەشتەپ باۋليتىن - انا. انانىڭ اسىل قاسيەتتەرىن از عانا سوزگە سىيعىزۋ مۇمكىن ەمەس. «انا»دەگەن ءسوزدىڭ قۋاتى دارياعا تەڭ. ول سارقىلمايدى، ۇمىتىلمايدى، ەسكىرمەيدى. بالا - انانىڭ اسىل ارمانى، التىن كەنى. ەندەشە سول بالالارىڭىزدىڭ دايىنداعان شاعىن مەرەكەلىك سىي تارتۋىن قابىل الىڭىزدار. «اق جارقىن - جان انام»اتتى سىنىپ ساعاتىن اشىق دەپ جاريالايمىن.
/مۋزىكا اۋەنىمەن سىنىپقا قولدارىندا گۇلدەرى بار وقۋشىلار بيلەپ كىرەدى، گۇلدەرىن انالارىنا تارتۋ ەتەدى/

اسىلحان: قۋانىشى بالانىڭ - تاحمينا: قۋانىشى انانىڭ قۋانىشى انانىڭ. قۋانىشى بالانىڭ
اسىلحان: ءبىزدى وسىرگەن اپاتاي، تاحمينا: قۇتتى بولسىن، اپاتاي، ەڭبەگىڭىز زور ەكەن. قۇتتى بولسىن مەرەكەڭ. حور: اياۋلى اناشىم ءانى
/انالارعا ارنالعان ولەڭدەر وقىلادى/

1 - وقۋشى:
ومىردە انا بۇلاق، انا پانا
ءومىردى وركەندەتەر انا عانا.
وسىرگەن تالاي كوسەم، تالاي شەشەن،.
تالاي ەر، تالاي اقىن، تالاي دانا،
انا! ول ءبىزدىڭ ەلدە ارداقتى ادام.
2 - وقۋشى
انا دەگەن - بايتەرەگى ءومىردىڭ،
انا دەگەن - قۋانىشى ءومىردىڭ.
انا دەگەن - ءاربىر ءۇيدىڭ جىلۋى،
انا دەگەن - گ ۇلى تۋعان ءومىردىڭ.
3 - وقۋشى
جاماندىقتان ساقتاندىرعان.
جاقسى ىسىمەن ماقتان قىلعا.
اق اپامدى ءارقاشاندا،
جۇرسەم دەيمىن شاتتاندىرىپ.
4 - وقۋشى
انا دەگەن اقىلشىڭ،
اناڭ باردا باتىرسىڭ،
قاسىڭدا كىم بولسا دا
تەك اناعا جاقىنسىڭ
5 - وقۋشى
سەگىزىنشى ناۋرىزدا،
قۇتتىقتايمىز انانى.
تەڭەپ ونى جۇلدىزعا -
سىي تارتامىز باعالى!
/ەڭبەك ساباعىندا دايىنداعان قۇمىراداعى گۇلدەرىن انالارىنا تابىستايدى./
بي: ورىندايتىن ۇلدار توبى.

ال، ەندى قىزىقتى كورىنىستەردى تاماشالايىق.
1 - كورىنىس. مەنىڭ انام ەڭ جاقسى ادام. رولدە وينايتىندار: اسان مەن سامال.
2 - كورىنىس. ءۇش انا. رولدە وينايتىندار: ەلميرا، ديلناز، اسەم، دانيار، ءالي، ءاليبي، رامازان.

قۇتتى بولسىن ارداقتى انام،
اسىل انام مەرەكەڭ،
قۇتتى بولسىن تەڭدىك العان
قۋانىشتى مەرەكەڭ دەي وتىرىپ ەندى انالاردى ورتاعا شاقىرامىز.
ءبىز سىزدەرمەن ويىن ويناساق. ويىن «ءوز بالاسىن يىسكەپ تابۋ» /كوزدەرى بايلانعان انالار، ۇستاماي تەك يىسكەپ ءوز بالالارىن تابۋ كەرەك/
ەكىنشى ويىن: كورسەتىلگەن سىزىققا كىم جىلدام بارادى. ول ءۇشىن جىلدام - جىلدام بالاسىن ەركەلەتكەندە ايتاتىن سوزدەردى ايتىپ بارۋ كەرەك/
كەلەسى كەزەكتى اسانعا بەرەمىز. اساننىڭ ورىنداۋىندا «اسىل انا»ءانى قابىل الىڭىزدار.

ال، ەندى انالار تاربيە ساعاتىمىزدىڭ كەلەسى ءبولىمى «ۇزدىك شىعارمالار» كورمەسى./وندا وقۋشىلاردىڭ انالارىنا شىعارعان ولەڭدەرى، سۋرەتتەرى، قۇتتىقتاۋلارى قويىلعان. كەلگەن قوناقتاردىڭ اراسىنان ءادىل قازىلار سايلانىپ سول وقۋشىلاردى ماراپاتتايدى.
ەندى ۇلدارىمىزدىڭ قىزداردى قۇتتىقتايتىن كەز كەلدى./سىيلىقتاردى تابىستايدى/

قىزدارعا ارناپ ازات «سۇلۋ قىز» ءانىن ورىندايدى.

ميراس:
ەرلىك ەتكەن ءبىز ءۇشىن،
ەڭبەك ەتكەن ءبىز ءۇشىن
ەركەلەتكەن بىزدەردى،
ەركىندەتكەن بىزدەردى،
ءبارى: انالارعا مىڭ العىس!
جىبەك:
«ادال بول، دەپ - بالدىرعان»
الدىلدىككە باۋلىعان.
قۋانىشتى كۇندە ەندى
قۇتتىقتايمىز سىزدەردى
ءبارى: انامىزعا مىڭ العىس! /باس يەدى/

كۇننىڭ نۇرى، شۋاعى بارلىعى انانىڭ جۇرەگىنەن ءنار العان سياقتى. قاي قايسىمىز بولماسىن، قايدا جۇرسەك تە جۇرەگىمىز انانىڭ اياۋلى الاقانىن اڭساپ تۇرادى. سوندىقتان بارىمىزدە انانىڭ الدىندا قارىزدارمىز، انانىڭ ماحابباتىنا الدىندا باس يەمىز.
وسىمەن سىناپ تاربيە ساعاتىمىز اياقتالدى. شىن نيەتىمىزبەن العىز ايتامىز. قوش ساۋ بولىڭىزدار!