InfoHub Logo

ساباقتىڭ ماقساتى:
1. بىلىمدىلىك. وقۋشىلارعا «اق كۇرىشتى ايماق» قىزىلوردا وبلىسى جانە اق كۇرىشتىڭ اتاسى ى. جاقايەۆ تۋرالى تۇسىنىك بەرە وتىرىپ، ءماتىندى مەڭگەرتۋ.
2. دامىتۋشىلىق. شىعارماشىلىق قابىلەتتەرىن ارتتىرا وتىرىپ، وقۋشىلاردىڭ وي - ءورىسىن، سويلەۋ ءتىلىن، ىزدەنىمپازدىق، تانىمدىلىق، ەستە ساقتاۋ قابىلەتتەرىن دامىتۋ.
3. تاربيەلىك. وقۋشىلاردى تابيعاتتى سۇيۋگە، قورعاۋعا، ەڭبەكسۇيگىشتىككە تاربيەلەۋ.
ساباقتىڭ ءتيپى: جاڭا ماتەريالدى يگەرتۋ
ساباقتىڭ ءتۇرى: زەرتتەۋ ساباعى
ساباقتىڭ ءادىس - ءتاسىلى: ستو تەحنولوگياسى
ساباقتىڭ كورنەكىلىگى: ق ر گەوگرافيالىق كارتاسى، ى. جاقايەۆتىڭ سۋرەتى، سلايدتار.
ءپانارالىق بايلانىس: قازاق ءتىلى
ساباقتىڭ بارىسى: ءى. ۇيىمداستىرۋ كەزەڭى
ا) ۇلكەنگە دە «ءسىز»
كىشىگە دە «ءسىز»
قۇرمەتپەنەن سىزدەرگە
باس يەمىز ءبىز
ءا) ومىرشەڭدىك ەرەجەلەر:
- جالپى ادام ءوز كۇشىنە دەگەن سەنىمسىزدىكپەن قالاي كۇرەسەدى؟
- ادام كەز - كەلگەن ىسكە يىعىن تىكتەپ، جارقىن كوڭىلمەن كىرىسۋى كەرەك جانە تابىسقا جەتۋى ءۇشىن ءوزىن - ءوزى ىشتەي سەندىرۋ كەرەك. ول ءۇشىن ادام ءوز بويىنداعى ەڭ جاقسى قاسيەتتەردى ءبىلۋ كەرەك. ماسەلەن، مەن ءوزىمدى مادەنيەتتىمىن دەي الامىن، ياعني مادەنيەت دەگەن مەن. (ارى قاراي وقۋشىلار جالعاستىرادى)
- جىگەر دەگەن مەن
- العىر دەگەن مەن
- تابيعاتتى ءسۇيۋشى مەن
- اقىلدىلىق دەگەن مەن
- دەنساۋلىق دەگەن مەن
- يناباتتىلىق دەگەن مەن
- بىلىمدىلىك دەگەن مەن
- كۇش دەگەن مەن
- كەشىرىم دەگەن مەن
- ساۋاتتىلىق دەگەن مەن
- ىزەتتىلىك دەگەن مەن
- مەيىرىم دەگەن مەن

ءىى. ءۇي تاپسىرماسىن سۇراۋ. ەل بولۋ تاريحىمىزدان
1 توپ: ازاتتىق سيمۆولى – التىن ادام
2 توپ: قازاق حاندىعى
3 توپ: تاۋەلسىزدىك – تىرەگىمىز.
ءار توپ وزدەرىنە بەرىلگەن تاقىرىپتار بويىنشا تۇسىنىكتەرىن ايتادى.
ءىىى. «جۇلدىزدى ءسات» ويىنى ارقىلى ءۇي تاپسىرماسىن بەكىتۋ.
1. «التىن ادام» قايدان، قاشان تابىلدى؟
2. ءۇش ءبيدى اتا
3. قازاق حاندىعى قاي ۋاقىتتا قۇرىلدى؟
4. ق ر ەلتاڭباسىندا قايتالانعان التىن ادام تاجىندەگى قانداي بەينە؟
5. تۇڭعىش زاڭ قالاي اتالادى؟
6. ەلىمىزدىڭ تاريحىندا تاۋكە حان مەن ابىلاي حاننىڭ الاتىن ورنى قانداي؟
7. جەلتوقسان وقيعاسىندا ەرەن ەرلىك كورسەتكەن اعا – اپالارىمىزدى اتا.
8. ەلىمىزدىڭ تاۋەلسىزدىگى قاشان جاريالاندى؟

IV. ماعىنانى تانۋ
جاڭا ساباق: اق كۇرىشتى ايماق
- بالالار، بۇگىنگى وتەتىن جاڭا ساباعىمىزدىڭ تاقىرىبىن اشۋ ءۇشىن وتكەن ساباقتى ەسكە تۇسىرە وتىرىپ، مىنا ءسوزجۇمباقتى شەشەيىك.
1. ءبىزدىڭ وتانىمىز؟ - قازاقستان
2. ءۇش ءبيدىڭ ءبىرى؟ - قازىبەك
3. مەملەكەتتىك ءتىل - قازاق ءتىلى
4. قازاقتىڭ حانى - ابىلاي
5. قازاقتىڭ باتىر قىزى - ءاليا
6. … وتتان دا ىستىق - وتان
7. قازاقستان پرەزيدەنتى - نۇرسۇلتان
8. 16 جەلتوقسان قانداي كۇن - تاۋەلسىزدىك
9. شاڭىراق پەن بەس جۇلدىز بەينەلەنگەن ءرامىز - ەلتاڭبا

- سونىمەن، ءبىز ءسوزجۇمباق شەشۋ ارقىلى اق كۇرىشتىڭ ايماق «قىزىلوردا» ەكەنىن تاپتىق. ەندەشە، بۇگىنگى ساباعىمىزدىڭ بارىسىندا قىزىلوردا وبلىسى جانە اق كۇرىشتىڭ اتاسى ى. جاقايەۆ تۋرالى ماعلۇمات الامىز.
- بالالار، قىزىلوردا تۋرالى نە بىلەمىز؟

وبلىس ورتالىعى

كۇرىش قويماسى سىر ەلى - جىر ەلى

سىر بويى اسەم قالا
V. كارتامەن جۇمىس.
- ارال تەڭىزىنىڭ شىعىسىنان باستالىپ، سىرداريا وزەنىن بويلاي قىزىلوردا وبلىسى سوزىلىپ جاتىر. ونىڭ ەڭ باستى قالاسى – قىزىلوردا. بۇل ايماقتىڭ تابيعاتى ءشولدى. جەرىندە ۇلكەن - ۇلكەن قۇمدى جوندار ءجيى كەزدەسەدى. رەسپۋبليكامىزدىڭ ەڭ ىستىق ءشولدى ولكەلەرىنىڭ ءبىرى.
بۇل ولكەنىڭ باستى ەرەكشەلىگى - سىرداريا بويىندا جاتۋى. ءشولدى ايماقتى كوركەيتىپ، اق كۇرىشتى جايقالتىپ وتىرعان سىردىڭ سۋى.
اق كۇرىشتەن مول ءونىم الۋدان العا شىققان ادام – اتاقتى كۇرىششى ىبىراي جاقايەۆ ەدى.

VI. وقۋلىقپەن جۇمىس
1 توپ: سىرداريا وزەنى جازىلعان تۇستى تاۋىپ وقى.
2 توپ: قىزىلوردا وبلىسىنىڭ شارۋاشىلىعى جونىندە جازىلعان تۇستى وقى.
3 توپ: ارال تەڭىزى جايلى جازىلعان تۇستى وقى.
VII. وي تولعانىس
1 توپ: اق كۇرىشتى – ايماق (رەبۋس شەشەدى)
2 توپ: INSERT (ءتۇرتىپ الۋ) ءادىسى
بىلەمىن ءبىلدىم بىلگىم كەلەدى
قىزىلوردا اسەم قالا. ول ءبىزدىڭ وبلىس ورتالىعىمىز اتاقتى كۇرىششى ى. جاقايەۆ ومىرىمەن تانىستىم. كۇرىشتىڭ ەڭ باعالىسى ءبىزدىڭ وبلىستا وسىرىلەتىنىن ءبىلدىم. قىزىلوردادا قانداي مادەني ورتالىقتار بار؟

3 توپ: «بەس جولدى ولەڭ» ءادىسى. ى. جاقايەۆ

زات ەسىم ىبىراي
سىن ەسىم كۇرىششى، ەڭبەكقور
ەتىستىك ەكتى، سۋاردى، ەڭبەكتەندى
سويلەم ول دۇنيەجۇزىلىك رەكورد جاسادى
سينونيم ادام

VIII. باعالاۋ: توپتاپ جانە جەكەلەپ باعالاۋ
ءىح. ۇيگە تاپسىرما:
1 توپ: سىر ەلى – جىر ەلى (رەفەرات جازۋ)
2 توپ: ى. جاقايەۆ تۋرالى (رەفەرات جازۋ)
3 توپ: ارال اپاتى (رەفەرات جازۋ)