شوقتىعىنا ەر باتقان، قايقاڭداعان،
مەن - ءبىر بايەك جورعامىن بايپاڭداعان...
كۇلەسىڭ-اۋ،
كۇلەسىڭ... سايتان-بالا،
سەن ايت مەنىڭ ويىمدى، ايتا الماعان.
ۇمتىلا بەر ۇرىنباي قۇزات-جارعا.
مەن سۇرىنگەي سورەدەن ۇزاپ بار دا،
ۋات، مەيلىڭ، جانىمدى سىزات شالعاي،
ءبىراق مەنىڭ جىرىما تۇزاق سالما!
جىرىم مەنىڭ - جالعىزىم، جان داۋىسىم.
جان داۋىسىم!
جوقتاعان ار-نامىسىن.
ار-نامىسى تاپتالىپ قالماۋ ءۇشىن،
ارپالىسىپ، السىرەپ قالعانى شىن...
اقىن بولساڭ، الماس بول تايپالماعان!
سەن ايت مەنىڭ ويىمدى، ايتا الماعان.
قاراپايىم جىرىمنىڭ ءدانىن ال دا،
قاۋىزىن،
سايتان-بالا،
قايتار ماعان.

---