قازاقتىڭ بايىرعى ولشەمدەرى
تاۋلىك مەزگىلدەرىنىڭ اتاۋلارى
كۇن شىعار الدىنداعى مەزگىل اتاۋلارى
الاگەۋىم، الاگوبە، الاڭ-عۇلاڭ، الاڭ-ەلەڭ – تاڭەرتەڭگى مەزگىلدە اينالانىڭ ءالى جارىقتانباي، ءسال عانا بوزعىلت تارتقان كەزى.
قۇلانيەك، قۇلان ءسارى – تاڭ جاڭا سىز بەرىپ اتا باستاعان كەز.
تاڭ ءسارى – جەرگە جارىق تۇسە باستاعان كەز.
كۇن كوكجيەكتەن كوتەرىلگەن مەزگىلدىڭ اتاۋلارى
بۇل مەزگىلدى ساسكە دەپ اتايدى.
سيىر ساسكە – كۇن ارقان بويى كوتەرىلگەن كەز.
ساسكە ءتۇس – تۇسكە جاقىنداعان مەزگىل، ساعات 12 شاماسى.
ۇلى ساسكە – تال تۇسكە جاقىنداعان مەزگىل.
كۇننىڭ ورتا مەزگىلىنىڭ اتاۋلارى
بۇل مەزگىلدى ءتۇس دەپ اتايدى.
تال (تالما، تاپا-تال) ءتۇس – كۇننىڭ قاتتى ىسىعان كەزى، ساعات 1 شاماسى
شاڭقاي ءتۇس – كولەڭكەنىڭ ابدەن قىسقارعان كەزى، ساعات 2 شاماسى
كۇن ەڭكەيگەن مەزگىلدىڭ اتاۋلارى
بۇل مەزگىلدى بەسىن دەپ اتايدى.
ۇلى بەسىن – بەسىن نامازىن وقيتىن كەز، ءتۇس اۋعان شاق
كىشى بەسىن – ۇلى بەسىن مەن نامازدىگەر اراسىنداعى مەزگىل.
قۇلاما بەسىن – كۇن ەڭكەيگەن كەز.
ەكىندى – ءتۇس اۋىپ، كۇن باتۋعا جاقىنداعان مەزگىل، بەسىن مەن اقشام اراسى.
نامازدىگەر – كۇن ەڭكەيىپ، ۇياسىنا كىرۋگە تايانعان كەز.
كۇن ۇياسىنا باتا باستاعان مەزگىل اتاۋلارى
بۇل مەزگىلدى اقشام، ىمىرت دەپ اتايدى. ونىڭ مىناداي اتاۋلارى بار:
الاگەۋىم – كۇن الا كولەڭ، ۇياسىنا باتا باستاعان مەزگىل.
كەۋگىم، كەۋىم – قاراڭعى تۇسە باستاعان كەز، ىمىرت.
نامازشام – كەشكى ناماز وقىلاتىن كەز.
كەش – ىمىرت جابىلىپ، قاس قارايعان مەزگىل.
ءتۇن مەزگىلىنىڭ اتاۋلارى
ءتۇن – تاۋلىكتىڭ كەشتەن تاڭەرتەڭگى ۋاقىتقا دەيىنگى ارالىعى.
ءىڭىر – كۇن باتىپ، قاس قارايعان مەزگىل.قىزىل ءىڭىر – قاس قارايىپ، ءتۇن بولعان كەز.
جارىم ءتۇن – ءتۇننىڭ ورتاسى.
استىڭ پىسۋىنە بايلانىستى ۋاقىت ولشەمدەرى
اس ءپىسىرىم. 2-3 ساعاتتىق مەزگىلدى بىلدىرەتىن ولشەم.
ەت اسىم. 2-3 شاماسىنداعى مەزگىل ولشەمى.
ەت ءپىسىرىم. اسقان ەت پىسەتىندەي ۋاقىت.
ەت قايناتىم. قازانعا سالعان ەت قاينايتىنداي مەرزىم.
قاينام: قازان قاينام. قازاننىڭ قايناۋ ۋاقىتىنىڭ ولشەمى.
ءسۇت ءپىسىرىم. وتە قىسقا مەرزىمدى بىلدىرەتىن ولشەم.
You Might Also Like
-
«ۇلت جوسپارىنىڭ» 79-شى قادامىن ىسكە اسىرۋ اياسىندا اقمولا وبلىسىندا ايماقتىڭ ءتورت مەكتەبىندە اعىلشىن ءتىلىن ەرتە وقۋ بويىنشا ەكسپەريمەنت باستالدى. بۇل - بۋراباي اۋدانىنداعى ششۋچينسك قالاسى...
