اقمولالىق وقۋشىلاردىڭ جوباسى پولشادا ۇزدىك دەپ تانىلدى
اقمولالىق وقۋشىلار ۇسىنعان جوبالار حالىقارالىق عىلىمي-پراكتيكالىق كونفەرەنسيادا ەڭ ۇزدىك تانىلدى.
پولشانىڭ استاناسى ۆارشاۆا قالاسىندا وتكەن «قازاقستان - پولشا - نيدەرلاندى» عىلىمي-پراكتيكالىق كونفەرەنسياسىنا اقمولا وبلىسىنىڭ ەسىل اۋدانىنداعى بالالار ءۇيىنىڭ تاربيەلەنۋشىلەرى 11 سىنىپ وقۋشىسى نيكولاي ششەرباكوۆ پەن 9 سىنىپ وقۋشىسى ۆيتاليي تاراسوۆ قاتىستى.
نيكولاي ششەرباكوۆ مەكتەپ وقۋشىلارىنىڭ دەنساۋلىعىن ساقتاۋداعى پروبلەما جانە «بي - بۇل ءومىر» جوباسى ارقىلى ءبيدىڭ ءار ءبىر بالا ءۇشىن ماڭىزدى ەكەنىن دالەلدەپ، ءبىرىنشى ورىندى جەڭىپ الدى. نيكولاي ءوزى برەيك-دانس بيلەۋمەن اينالىسادى. جوباعا رەگينا كيرەيەۆا جەتەكشىلىك ەتىپ وتىر.
ال، ۆيتاليي تاراسوۆ ساۋساقتارداعى پاپيلليارلى تەرى سىزىقتارى مەن ادامنىڭ مىنەز-قۇلقى جانە مۇمكىندىكتەرى اراسىنداعى ءوزارا بايلانىستى انىقتاۋ بويىنشا جوباسىن ۇسىندى. جوبا جەتەكشىسى - مارينا بونداريەۆا.
كونفەرەنسييا اياسىندا پەداگوگتارعا الەۋمەتتىك عىلىمداردىڭ پولشا اكادەمياسى وكىلدەرىمەن كەزدەسۋ ۇيىمداستىرىلدى. وندا قاتىسۋشىلار ەۋروپاداعى جوعارى جانە ورتا ءبىلىم الۋ ەرەكشەلىكتەرىمەن تانىستى.
«حالىقارالىق كونفەرەنسيادا ەلىمىزدىڭ ابىرويىن قورعاپ، العاشقى ورىننان كورىنگەنىمە قاتتى ريزامىن. ۇستازدارىمەن مەن وسى بايقاۋعا قاتىسۋعا قول ۇشىن سوزعان ادامدارعا العىسىم شەكسىز»، دەي كەلە، نيكولاي ششەرباكوۆ ۆارشاۆانىڭ ەڭ اسەم جەرلەرىنە جاساعان ساياحاتىمەن ءبولىستى.
كونفەرەنسيانى ۇيىمداستىرۋعا ارىپتەستىك تانىتقان اقتوبە قالاسىنداعى ەكولوگيا جانە ينجەنەريا كىشى عىلىم اكادەمياسى.
You Might Also Like
-
قاراعاندى وبلىسى اكىمدىگىندە مەكتەپ مەدپۋنكتتەرىن دەنساۋلىق ساقتاۋ جۇيەسىنىڭ قاراۋىنا وتكىزۋ ۇدەرىسى تالقىلاندى.
-
مەكتەپ مەديسيناسى دەنساۋلىق ساقتاۋ مەكەمەلەرىنىڭ قاراماعىنا وتەدى. بۇل تۋرالى بۇگىن ۇكىمەتتىڭ سەلەكتورلىق رەجىمدەگى وتىرىسىندا ق ر دەنساۋلىق ساقتاۋ جانە الەۋمەتتىك دامۋ ءمينيسترى تامارا دۇيسەنوۆا ءمال...
