قاراعاندى وبلىسىنداعى مەكتەپ مەدپۋنكتەرىنىڭ تەڭ جارتىسى نورماعا ساي ەمەس
قاراعاندى وبلىسى اكىمدىگىندە مەكتەپ مەدپۋنكتتەرىن دەنساۋلىق ساقتاۋ جۇيەسىنىڭ قاراۋىنا وتكىزۋ ۇدەرىسى تالقىلاندى.
«وبلىستا وقۋشىلار مەن مەكتەپ ۇجىمىنا مەديسينالىق قىزمەت كورسەتۋ جۇمىسىن، قۇرىلعىلار مەن مەديسينالىق كابينەت عيماراتتارىن دەنساۋلىق ساقتاۋ جۇيەسىنە وتكىزۋ بويىنشا جول كارتاسى جاسالدى. مەنشىك نىسانىنا قاراماستان، بارلىق مەكتەپتەر سول اۋماقتاعى ەمحانالارعا بەكىتىلگەن»، - دەپ حابارلادى وبلىستىق دەنساۋلىق ساقتاۋ باسقارماسىنىڭ باسشىسى ەرجان نۇرلىبايەۆ.
«ينۆەنتاريزاسيا كورسەتكەندەي، ءبىلىم بەرۋ ۇيىمدارىنىڭ 40% مەديسينالىق پۋنكتتەرى عيمارات، تەحنيكالىق شارتتار، ورنالاسقان ورنى سەكىلدى نورماتيۆتەرگە سايكەس كەلمەيدى. سونداي-اق، كابينەتتەردىڭ جابدىقتالۋى دا رۇقسات ەتىلگەن نورمانىڭ 35،8% عانا قۇرايدى»، - دەپ اتاپ ءوتتى بايانداماشى.
ونىڭ ايتۋىنشا، وڭىردەگى ءبىلىم بەرۋ جۇيەسىندە 8 دارىگەر مەن 529 ورتاشا مەديسينالىق قىزمەتكەر جۇمىس ىستەيدى. مەكەمە باسشىسى ولاردىڭ ەشقايسىسى جۇمىسسىز قالمايتىنىن باسا ايتتى.
«بارلىعىنا ەمحانا شتاتىنا اۋىسۋ تۋرالى حابار جىبەرىلدى. سالىستىرۋ ارقىلى 10 مەديسينالىق قىزمەتكەردىڭ سەرتيفيكاتى جوق ەكەندىگى انىقتالدى. ولار ۋاقىتشا وزگە لاۋازىمدار بويىنشا قابىلدانادى جانە ەمحانا ەسەبىنەن بىلىكتىلىكتەرىن كوتەرىپ، سەرتيفيكاتتالادى»، - دەدى ە.نۇرلىبايەۆ.
ول بيىلعى وقۋ جىلىندا 180 مىڭنان استام وقۋشىنىڭ قارالعانىن، ونىڭ 8،5 مىڭىنىڭ ءتۇرلى اۋرۋلار بويىنشا ديسپانسەرلىك ەسەپكە قويىلعانىن حابارلادى.
قاراعاندى وبلىسىندا جالپى ءبىلىم بەرەتىن 513 مەكتەپ بار، ونىڭ 507 مەملەكەتتىك جانە 6 - جەكە. وندا 475 مەديسينالىق پۋنكت جۇمىس ىستەيدى. ال 15 بالاعا دەيىن وقيتىن اۋىلدىڭ شاعىن مەكتەپتەرىندە مەديسينالىق كابينەتتەر مۇلدەم جوق.
You Might Also Like
-
كوپ جاعدايدا ءوزىمىز ۇعىنا بەرمەيتىن قاتەلىكتەرگە بىرەۋلەردى كىنالاپ جاتامىز. وسى ادەتتەن ارىلتۋعا كومەكتەسەتىن وڭاي جول بار.
-
اقمولالىق وقۋشىلار ۇسىنعان جوبالار حالىقارالىق عىلىمي-پراكتيكالىق كونفەرەنسيادا ەڭ ۇزدىك تانىلدى.
