InfoHub Logo

مەكتەپ ءبىتىرۋشى ءاربىر وقۋشىنىڭ الدىندا ماڭىزدى قادام تۇرادى، ول ارينە ماماندىق تاڭداۋ. مەن 2017 جىلى ورتا مەكتەپتى ۇزدىك بىتىرگەننەن كەيىن بولاشاق ماماندىعىمدى قازۇۋ ۋنيۆەرسيتەتىنەن اقپاراتتىق جۇيەلەرى فاكۋلتەتى بويىنشا «اقپاراتتىق قاۋىپسىزدىك جۇيەسى»ماماندىعىن تاڭدادىم. وسىنداي ماڭىزدى تاڭداۋ جاسار الدىندا ەڭ الدىمەن ماماندىقتىڭ وزەكتىلىگىنە ءمان بەردىم. قازىرگى اقپاراتتاردىڭ دامىعان زامانىندا اقپاراتتىق قاۋىپسىزدىك جۇيەسى سۇرانىسقا يە ماماندىقتاردىڭ ءبىرى ەكەنىنە كوزىمدى جەتكىزدىم. كيبەرقاۋىپسىزدىككە ۇنەمى ءوسىپ كەلە جاتقان قاتەرلەردىڭ اياسىندا كومپانيالار مەن ۇيىمدار وزدەرىنىڭ دەرەكتەرى مەن اقپاراتتىق جۇيەلەرىنىڭ قاۋىپسىزدىگى مەن قورعالۋىن قامتاماسىز ەتە الاتىن كاسىبي مامانداردى قاجەت ەتەدى.

ءال-فارابي اتىنداعى قازۇۋ ۋنيۆەرسيتەتىندە اقپاراتتىق قاۋىپسىزدىك جۇيەسى سالاسىندا ساپالى ءبىلىم الۋعا بولادى. بۇل ماماندىق بويىنشا وقۋ باعدارلاماسى ستۋدەنتتەرگە اقپارات پەن دەرەكتەردى ءتيىمدى قورعاۋ ءۇشىن قاجەتتى تەحنيكالىق جانە پراكتيكالىق داعدىلاردى ۇيرەتۋگە ارنالعان. اقپاراتتىق قاۋىپسىزدىك جۇيەلەرىن وقيتىن ستۋدەنتتەر اقپاراتتىق قاۋىپسىزدىك، كريپتوگرافيا، دەرەكتەر بازاسى،  جەلىلەردەگى اقپاراتتىق قاۋىپسىزدىك جۇيەلەرى جانە ت.ب. تاقىرىپتاردىڭ كەڭ اۋقىمىن وقي الادى. ولار اقپاراتتىق قاۋىپسىزدىك سالاسىندا قولدانىلاتىن ءارتۇرلى قۇرالدار مەن تەحنولوگيالارمەن تاجىريبە جيناقتايدى. مىسالى، تالداۋ جانە زياندى باعدارلامالاردى انىقتاۋ قۇرالدارى، ۆيرۋستاردان قورعاۋ باعدارلامالىق قامتاماسىز ەتۋ جانە ت.ب. باعىتتار بويىنشا تاجىريبە الماساپ وتىرادى.

سونىمەن قاتار، ءال-فارابي اتىنداعى قازۇۋ ۋنيۆەرسيتەتى مىقتى عىلىمي بازاعا يە جانە اقپاراتتىق قاۋىپسىزدىك سالاسىنداعى ۇزدىك ماماندارمەن سەرىكتەستىك قاتىناستا. بۇل ستۋدەنتتەردىڭ ساراپشىلاردان ءبىلىم الۋعا، كەڭەستەر مەن نۇسقاۋلار الۋعا، عىلىمي جوبالار مەن كونفەرەنسيالارعا قاتىسۋعا مۇمكىندىك بەرەدى. تۇلەكتەر اقپاراتتىق تەحنولوگيالار، بانك ءىسى، مەملەكەتتىك ورگاندار جانە باسقا دا كوپتەگەن سالالاردا جۇمىس جاساي الادى. سونىمەن قاتار، ولار ءبىلىمى مەن بىلىكتىلىگىن تەرەڭدەتۋ ءۇشىن ماگيستراتۋرا مەن دوكتورانتۋرادا وقۋىن جالعاستىرا الادى.

ستۋدەنتتەر تەحنيكالىق داعدىلاردان باسقا، جوبالاردى باسقارۋ، كوممۋنيكاسيا داعدىلارى، اناليتيكالىق داعدىلار جانە ماسەلەلەردى شەشۋ سياقتى كەڭ اۋقىمدى قۇزىرەتتەرگە يە بولادى. وسىنىڭ بارلىعى ولاردىڭ كوماندادا جۇمىس ىستەي الاتىن جانە اقپاراتتىق قاۋىپسىزدىك سالاسىندا جاۋاپتى شەشىمدەر قابىلداي الاتىن پايدالى مامان بولىپ قالىپتاسۋىنا كومەكتەسەدى.

قورىتىندىلاي كەلە، اقپاراتتىق قاۋىپسىزدىك جۇيەلەرى قازىرگى الەمدەگى وتە كەڭ تارالعان جانە ماڭىزدى سالا بولىپ تابىلادى. تەحنولوگيالار مەن كيبەرقاۋىپسىزدىك قاتەرلەرىنىڭ جىلدام وزگەرۋ جاعدايىندا اقپاراتتىق قاۋىپسىزدىك ماماندارىنا سۇرانىس ارتىپ كەلەدى. جالپى العاندا، ماماندىق قازاقستاننىڭ كوپتەگەن ۋنيۆەرسيتەتتەرىندە وقىتىلادى. سونىڭ ىشىندە، ءال-فارابي اتىنداعى قازۇۋ ۋنيۆەرسيتەتىندە اقپاراتتىق قاۋىپسىزدىك جۇيەسى ماماندىعى بويىنشا وقىتۋ ستۋدەنتتەرگە ساپالى ءبىلىم الۋعا جانە دەرەكتەر مەن اقپاراتتىق جۇيەلەردى كيبەرقاۋىپتەردەن قورعاۋ جولدارىن ۇيرەنۋگە مۇمكىندىك بەرەدى. بۇل وسى قارقىندى دامىپ كەلە جاتقان سالادا كوپتەگەن مانساپتىق مۇمكىندىكتەر مەن تابىستارعا جول اشادى. سوندىقتان، ءال-فارابي اتىنداعى قازۇۋ ۋنيۆەرسيتەتىنىڭ اقپاراتتىق قاۋىپسىزدىك جۇيەسى ماماندىعى بويىنشا وقۋ – وسى سالادا كوپ سۇرانىسقا يە جانە بولاشاعى زور مانساپتى قالايتىندار ءۇشىن تاماشا تاڭداۋ ەكەنىنە سەنىمدىمىن.

زاكەنوۆا ايجان قازۇۋ ۋنيۆەرسيتەتىنىڭ 1 كۋرس ماگيسترانتى، اعا وقىتۋشى ورازبايەۆا ا.س

---