ايدا داۆلەتوۆانىڭ جارقىن جەڭىسى
NIS حالىقارالىق باكالاۆريات مەكتەبىنىڭ 12-سىنىپ وقۋشىسى ايدا داۆلەتوۆا رەسپۋبليكالىق پاندىك وليمپيادادا گەوگرافيا پانىنەن التىن مەدال يەگەرى اتاندى. جاس وليمپياداشىنى تارتىستى بايگەگە دايىنداعان جەتەكشىلەرى مەن ترەنەرلەرى مەرۋەرت ومرالينا جانە لاۋرا ابدەزيموۆا.
وليمپيادانىڭ ماقساتى مەن مىندەتتەرى – وقۋشىنىڭ جەكە تۇلعا رەتىندە ءوزىن-وزى قالىپتاستىرۋدا شىعارماشىلىق قابىلەتتەرىن دامىتۋ، تەوريالىق ءبىلىم مەن پراكتيكالىق داعدىلارىن تەرەڭدەتۋىن جۇزەگە اسىرۋىنا ىقپال ەتۋ، دارىندى بالالاردى انىقتاۋعا جاعداي جاساۋ، وقۋشىلاردى حالىقارالىق وليمپيادالارعا قاتىسۋعا ىرىكتەۋ جانە دايىنداۋ، سونداي-اق، قازاقستان رەسپۋبليكاسىنداعى ءبىلىم بەرۋ جۇيەسىنىڭ بەدەلىن ارتتىرۋ.
ايتا كەتەيىك، رەسپۋبليكالىق وليمپيادانىڭ قورىتىندىسى بويىنشا NIS قۇراماسى قايتادان ەلىمىزدىڭ ەڭ ۇزدىك كومانداسى اتاندى. جاراتىلىستانۋ-ماتەماتيكالىق باعىتتاعى پاندەردەن رەسپۋبليكالىق وليمپيادانىڭ قورىتىندىسى بويىنشا بەسىنشى رەت «نازاربايەۆ زياتكەرلىك مەكتەپتەرى» دببۇ قۇراماسى ەلىمىزدىڭ «ەڭ ۇزدىك وليمپيادالىق كومانداسى» دەپ تانىلدى.
You Might Also Like
-
مەكتەپ ءبىتىرۋشى ءاربىر وقۋشىنىڭ الدىندا ماڭىزدى قادام تۇرادى، ول ارينە ماماندىق تاڭداۋ. مەن 2017 جىلى ورتا مەكتەپتى ۇزدىك بىتىرگەننەن كەيىن بولاشاق ماماندىعىمدى قازۇۋ ۋنيۆەرسيتەتىنەن اقپاراتتىق جۇيە...
