InfoHub Logo

قان قۇرامىن جاساۋعا قاتىساتىن ءتىننىڭ ىسىك اۋرۋلارى - گەموبلاستوزدار نەمەسە لەيكوزدار دەپ اتالادى.

انىقتالۋى. ەڭ ءبىرىنشى ماقسات - جوعارى مامانداندىرىلعان مەكەمەلەردەگى گەماتولوگقا بارۋ. زەرتتەۋلەردەن تولىق ءوتۋ: جالپى قان قۇرامىن زەرتتەۋ،سونىڭ ىشىندە ترومبوسيتتەردى بىرگە انىقتاۋ، توستەن پۋنكسيا جاساۋ، يممۋنوفەنوتيپتىكتى انىقتاۋ، سيتوگەنەتيكالىق زەرتتەۋ: ۋدز، كت، ت.س.س.

ەمى. ەمدەۋدىڭ نەگىزگى ءادىسى پوليحيمياتەراپيا بولىپ تابىلادى. ليمفويدتى ءتىننىڭ ىسىكتەرى (قاتەرلى ليمفومالار). ليمفومالار قاتەرلى ىسىك جانە ليمفورەتيكۋليارلى جاسۋشادان تۋىندايدى. كوپ جاعدايدا ليمفا تۇيىندەرىندە شوعىرلانادى جانە ونىمەن قوسارلاسا ۇلعايادى. نەگىزگى ەكى ءتۇرىن اجىراتادى: حودجكين ليمفوماسى نەمەسە ليمفوگرانۋلەماتوز (اگم) جانە حودجكيندىك ەمەس ليمفوما.

ليمفوگرانۋلەماتوز (لگم) - ليمفويدتى ءتىننىڭ قاتەرلى اۋرۋى بولىپ تابىلادى جانە ليمفا جۇيەسى ارقىلى مەتاستاز بەرەتىن، ىشكى اعزالاردىڭ زاقىمدانۋىمەن جۇرەتىن اۋرۋ. ليمفاگرانۋلەماتوزبەن بارلىق جاستاعى ادامدار اۋىرۋى مۇمكىن.

ليمفاگرانۋلەماتوزدىڭ جىكتەلۋى.

گيستولوگيالىق تۇرلەرىنە قاراي:

1. ليمفوگيستوسيتارلى؛

2. نودۋليارلى (ءتۇيىندى) سكلەروز؛

3. ارالاس-جاسۋشالىق؛

4. ليمفويدتى جۇدەۋ نەمەسە ديففۋزدى فيبروز باسىلۋى (نەمەسە رەتيكۋليارلى تۇرىندە)؛

ساتىلارى:

I ساتىسى - جەرگىلىكتى، ليمفا جۇيەسىنىڭ ءبىر نەمەسە ەكى ايماعىنىڭ زاقىمدالۋى.

II ساتىسى - شەتكى ءبىر جاق ديافراگمالىق ەتىنىڭ ليمفا جۇيەسىنىڭ ەكى نەمەسە ودان دا كوپ ايماعىنىڭ زاقىمدالۋى.

III ساتىسى - جايىلعان. ديافراگمانىڭ ەكى جاعىنداعى ليمفا ءتۇيىنىنىڭ زاقىمدانۋىمەن جانە كوكباۋىردىڭ بۇزىلىسىمەن قوسا جۇرەتىن ءتۇرى.

IV ساتىسى - جالپى جايىلعان تۇردە - بۇكىل ىشكى اعزالاردىڭ زاقىمدانۋ پروسەسىمەن سيپاتتالادى. ءار ساتى ەكى كىشى ساتىعا بولىنەدى: ا - جالپى سيمپتومدارى جوق؛ ب - ءبىر نەمەسە بىرنەشە جالپى سيمپتومداردان تۇرادى.

حودجكيندىك ەمەس ليمفوما - ليمفويدتىق ءتىننىڭ ءارتۇرلى توپتارىنداعى قاتەرلى ىسىكپەن جۇرەدى جانە بىر-بىرىنەن مورفولوگيالىق تۇرىمەن اجىراتىلادى. ولاردىڭ ءبارى گەماتوگەندى جانە ليمفوگەندى مەتاستازدانۋ ارقىلى تارالادى جانە بىرىنشىلىك ىسىكتىك تۇرىمەن باستالادى.

جاسۋشالاردىڭ جەتىلۋ دارەجەسى	جاسۋشالىق كومپونەنتتەردىڭ ءمانى
تومەن دارەجەلى جەتىلگەن	ۇساق ليمفوسيتارلى ليمفوما     فولليكۋليارلى ليمفوما     ارالاس ليمفوما
ورتاشا دارەجەلى ليمفوما	1. فولليكۋليارلى ليمفوما     2. جايىلمالى ليمفوما     3. جايىلمالى ارالاس ليمفوما     4. جايىلمالى ۇلكەن جاسۋشالى ليمفوما
جوعارى دارەجەلى جەتىلگەن	1. يممۋنوبلاستى ۇلكەن جافشالى ليمفوما    2. ليمفوبلاستى ليمفوما    3. بەركيتتى ليمفوما
ءارتۇرلى	ساڭىراۋقۇلاق ءتارىزدى لەيكوز     گيستوسيتوز     ەكسترامەدۋليارلى پلازموسيتوما     جىكتەلمەيتىن جانە باسقالار

حودجكيندىك ەمەس ليمفومالاردىڭ تۇرلەرى:

1. نودۋليارلى؛

2. ليمفوسيتارلى؛

3. ليمفوسيتارلى؛

4. پروليمفوسيتارلى.

ليمفومانىڭ جالپى بەلگىلەرى:

1. ليمفا تۇيىندەرىنىڭ ۇلعايۋى؛

2. تەرىنىڭ قىشۋى؛

3. تەرشەڭدىك؛

4. جالپى السىزدىك؛

5. كەۋدەارالىق ليمفا تۇيىندەرىنىڭ زاقىمدانۋىنان بولاتىن جوتەل؛

6. قۇرساق قۋىسىنداعى ليمفا تۇيىندەرىنىڭ زاقىمدانۋىنان بولاتىن ءىشتىڭ اۋىرۋ سەزىمى، ت.ب.

انىقتالۋى

1. سيتولوگيالىق زەرتتەۋ؛

2. گيستولوگيالىق زەرتتەۋ؛

3. لابوراتوريالىق زەرتتەۋ؛

4. يممۋنوفەنوتيپتىك زەرتتەۋ؛

5. ۋدز، كت، كەۋدە قۋىسىنىڭ رەنتگەنوگرافياسى جانە ت.ب.

ەمدەۋ ادىستەرىنىڭ نەگىزگى 3 ءتۇرى بار: حيرۋرگيالىق، ساۋلەلى تەراپيا جانە پوليحيمياتەراپيا. ەم ارنايى ونكولوگيالىق مەكەمەلەردە جۇرگىزىلەدى.

سايىن سادىقوۆ،
قازاق ۇلتتشش مەديسينا ۋنيۆەرسيتەتىنىڭ پروفەسسورى

---