اتلاح-تالاس شايقاسى
قازاقستان جەرىندە قۇرىلعان ەجەلگى تۇرىك مەملەكەتتەرىنىڭ ءبىرى تۇرگەش قاعاندىعى ەدى. تۇرگەشتەر، نەگىزىنەن، جەتىسۋدى جايلاعان. VIII عاسىردىڭ ورتاسىندا تۇرگەش مەملەكەتى ىدىراۋ كەزەڭىن باستان كەشىردى. العاشىندا وسى ءساتتى قارلۇقتار پايدالاندى. ءبىراق تۇرگەشتەر مەن جەتىسۋداعى وزگە تۇركى تايپالارىنا قىتايلار مەن ارابتار دا ايتارلىقتاي قاتەر توندىرگەن ەدى. 751 جىلى جەتىسۋعا شىعىستان قىتايدىڭ تان يمپەرياسى اسكەرى باسا كوكتەپ كىردى. ولار تۇرگەش استانالارىنىڭ ءبىرى - سۋيابتى باسىپ الىپ، قيراتتى. وسى كەزدە وڭتۇستىكتەن ارابتار دا جورىق باستادى. وسىلايشا جەتىسۋدا جۇڭگو مەن اراب حاليفاتىنىڭ مۇددەلەرى توعىستى. جۇڭگو مەن اراب اسكەرلەرى تالاس وزەنى القابىندا تۇرگەشتەردىڭ شاعىن قالاسى اتلاحتىڭ ماڭىندا كەزدەستى. ەكى جاقتان سوعىس مايدانىنا 100 مىڭنان جاۋىنگەر قاتىستى. بەس كۇنگە سوزىلعان ۇلى شايقاستىڭ تاعدىرىن قارلۇقتار شەشتى. سوعىستىڭ شەشۋشى كەزەڭىندە ولار كوتەرىلىس جاساپ، قىتايلارعا قارسى شىقتى. قيان-كەسكى شايقاستا ارابتار جەڭىسكە جەتتى.
بۇل تاريحي جەڭىس بولدى. ويتكەنى وسى شايقاستان سوڭ تالاي ءجۇز جىلعا دەيىن جۇڭگو باسىپ الماق ويىنان تۇڭىلە باس تارتتى. ارابتار بۇل جەردە ۇزاق تۇراقتاي المادى. شامالى ۋاقىتتان سوڭ ولار جەتىسۋ جەرىنەن كەتىپ، تۇرىك تايپالارى قايتادان وسى جەردىڭ يەسىنە اينالدى.
You Might Also Like
-
حالقىمىزدىڭ ۇلتتىق كيىمدەرىنىڭ تۇرلەرى وتە كوپ. كەڭ بايتاق دالامىزدىڭ تابيعاتىنا، اۋا رايىنا بايلانىستى كيىم تۇرلەرىندە دە ەرەكشەلىكتەر بار.
-
وسىمدىكتەر كوپ وسىرىلگەن جەردە ءسىز وپ-وڭاي تىنىس الۋعا بولاتىنىن بايقاۋعا بولادى. ولار ءوز بويلارىنان بىزگە وتتەگى شىعارىپ قانا قويماي، ادام اينالاسىنداعى قورشاعان ورتانىڭ بيواۋماعىن تازارتادى.
