InfoHub Logo

تاۋەلسىز 25 جىلداعى تابىستار مەن جەتىستىكتەر

الاتاۋ مەن تيان-شاننىڭ اسقار تاۋلارى، كوكوراي شالعىندارى، تولقىندارى تۋلاعان قارت كاسپيي، بالقاشتىڭ كوگىلدىر كوك ايدىنى، قاراعايلى، قايىڭدى ورمانىمەن كوركەم بۋراباي جەرى، قاسيەتتى دە كيەلى مەكەن تۇركىستان – بۇگىنگى قازاق ەلىنىڭ ماقتانىشى. جەر ءۇشىن،ەل ءۇشىن سوعىسقان اتا-بابالارىمىزدىڭ باسىنان وتكەن قيىندىقتار بۇگىنگى تاريح. العاش رەت تۋىن تىككەن كەرەي مەن جانىبەك قازاق حاندىعىن قۇرىپ، بولاشاققا جىلجۋعا، دامۋعا جاعداي جاساعان. حاندىقتىڭ كۇشەيۋى مەن نىعايۋىنا تىكەلەي بايلانىستى قاسىم حاننىڭ ەسىمى تاريحتا ويىپ تۇرىپ ورىن الادى. “بەلگىلى سۇلتان، اتاقتى ءباھادۇر” اتانعان قاسىم حاننىڭ ۇرپاعى دا ءوزى سەكىلدى قايراتتى، پاراساتتى بولعان. وسى تۇستا حالىق باتىرى يساتاي تايمان ۇلى مەن، وت اۋىزدى، وراق ءتىلدى داۋىلپاز اقىن  ماحامبەت وتەمىسۇلىن ايتپاي كەتۋگە بولمايدى. وسىنداي باتىرلارىمىز ۇلى حانداردىڭ جانىندا سوعىسقان. “ەسىم حاننىڭ ەسكى جولى” دەگەن زاڭدار جيناعىمەن بەلگىلى ەسىم حان، قوي ۇستاعان بوزتورعاي جۇمىرتقالاعان زاماندى ورناتقان تاۋكە حان، ساياسي مىندەتتەردى ىسكە اسىرۋ ارەكەتتەرىمەن ەستە قالعان ابىلاي حان جانە دە ورىس اسكەرلەرىمەن بولعان شايقايستا حالىققا جەڭىس ءدامىن تاتتىرعان كەنەسارى حان ەسىمدەرى تاريحتا التىن ارىپتەرمەن جازىلعان. كەيىننەن قازاق جەرىنىڭ رەسەي قول استىنا كىرۋى ساياسي، الەۋمەتتىك-ەكونوميكالىق جاعدايىمىزدىڭ قۇلدىراۋىنا اكەلىپ سوقتى. تاريحقا ءبىراز كوز جۇگىرتسەك، ەل تاعدىرىن ءوز تاعدىرىنان بيىك قويعان، ۇلتىنىڭ تۇتاستىعىن، جەرىنىڭ بۇتىندىگىن مۇرات ەتكەن حاندارىمىز، باتىرلارىمىز بۇگىنگى كۇنگە ياعني تاۋەلسىزدىككە ءبىزدى جەتكىزدى.  تاريحي وقيعالار مەن  وزگەرىستەر توعىسىندا ءتول ادەبيەتىمىز دە دامىدى. اقىندار شىعارماشىلىعىنىڭ باستى تاقىرىبى – حالىق كۇيزەلىسى بولدى. قازاقتاردىڭ رەسەيگە قوسىلۋى حالىق ءۇشىن تاعدىردىڭ تەپكىسى بولدى، وتكەن ءومىرىن اڭسادى، بولاشاق تۋرالى بولجامدارى مەن ويلارىن ءبىلدىردى. وسى كەزدە قوعامنىڭ وزگەرىستەردىڭ جىرلاعان اقىنداردى مۇحتار اۋەزوۆ “زار زامان”  اقىندارى دەپ اتادى. كوپتەگەن باتىرلارىمىز بەن اقىن-جىراۋلارىمىز وكىمەتكە قارسى شىعامىن دەپ جازىقسىز جالا قۇرباندارى بولدى. جىراۋلارىمىز:

                               مىنا زامان قاي زامان؟

                               ازۋلىعا بار زامان،

                               ازۋسىزعا تار زامان.

                               تارلىعىنىڭ بەلگىسى:

                               جاقسى – جاننان تۇڭىلگەن،

                               جامان – مالعا جۇگىنگەن ،

                               مۇنىڭ ءوزى – زار زامان،-

دەپ، زامان اكەلگەن قايعى-قاسىرەتتى سيپاتتاعان. كەيىننەن بوستاندىققا، تاۋەلسىزدىككە ۇمتىلعان قازاق حالقى تاريحىنداعى ەلەۋلى وقيعا بولعان جەلتوقسان كوتەرىلىسى ورىن الدى.

ۇلتىمىزدىڭ ماقتانىشى  قايرات رىسقۇلبەكوۆ “بۇل دۇنيەدەگى ەڭ زور باقىت – ەركىندىك. ادامنىڭ بوستاندىقتاعى ءبىر كۇنى، قاپاستاعى بار عۇمىردان الدەقايدا قىمبات،” دەگەندەي بۇگىنگى كۇنىمىزگە شۇكىرشىلىك ەتىپ، تاريحىمىزدى ۇلىقتاپ، ۇمىتپايىق.

قازاقستاننىڭ تاۋەلسىز، ەگەمەن مەملەكەت رەتىندە 25 جىلدىعى بۇرىن-سوڭدى بولماعان، تاريحتا ەڭ بيىك كوتەرىلگەن شىڭى. بۇل – ەڭ العاش مەملەكەت رەتىندە وتاۋ تىگىپ، الەمگە ءوزىن پاش ەتكەن مەرەكە، ەسەپ جەتپەس قۋانىش. ويلاپ كورەيىكشى ءبىزدى بۇگىن تاۋەلسىز مەملەكەت رەتىندە الەم تانيدى. قازاقستان بىرىككەن ۇلتتار ۇيىمىنا مۇشە، ۇلكەن-كىشى ەلدەرمەن قاتار حالىقارالىق ماسەلەلەردى تالقىلاپ شەشۋگە ۇلەس قوسۋدا. قازىرگى تاڭدا وزگە مەملەكەتتەرمەن تەرەزەمىز تەڭ، بەيبىت كەزەڭدە ءومىر سۇرۋدەمىز.

ەڭ العاشقى قۋانىشىمىز بۇل تاۋەلسىز، دەربەس مەملەكەت بولۋىمىز. ەگەمەندىك، بوستاندىق – ەڭ الدىمەن قازاق حالقىنىڭ العا قاراي ۇمتىلىسى مەن رۋحىنىڭ جەمىسى. بۇگىنگى قازاقستان – وتكەننىڭ ۇلگىسى. قيىن-قىستاۋ زامانداردى ارتتا قالدىرىپ ارمانداعان كۇنىمىزگە جەتتىك. ەلباسىمەن بىرگە جاڭا تابىستار مەن جەتىستىكتەرگە جەتۋگە قادام باستىق. الەم كارتاسىندا تاۋەلسىز قازاقستان دەگەن اتاۋمەن شىعۋ ءبىز ءۇشىن ارمان ەدى. قاجىرلى ەڭبەك پەن ۇمتىلىستىڭ ارقاسىندا ارمانىمىزعا جەتتىك. كەيىننەن تۋ، ەلتاڭبا جانە ءانۇرانىمىزدىڭ بەكىتىلۋى ءوز الدىمىزعا دەربەس مەملەكەت ەكەندىگىمىزدى دالەلدەگەنىمىز. ەگەمەندىگىمىزدىڭ نەگىزگى نىشانى –اتا زاڭىمىز. قازاقستان رەسپۋبليكاسىنىڭ كونستيتۋسيالىق زاڭىنىڭ I-تاراۋ 1-بابى بويىنشا قازاقستان رەسپۋبليكاسى – تاۋەلسىز، دەموكراتيالىق جانە قۇقىقتىق مەملەكەت. ياعني، ىشكى جانە سىرتقى ساياساتىمىز دەربەس بەلگىلەنىپ، جۇرگىزىلەدى. سونىمەن قاتار، ءوزىنىڭ مەملەكەتتىك تاۋەلسىزدىگى باسقا مەملەكەتتەر تانۋى ءۇشىن قازاقستان رەسپۋبليكاسى اشىق . جالپى، اتا زاڭىمىز ءار ازاماتتىڭ مىندەتتەرى، قۇقىعى جالپى زاڭدارىن جانە تاۋەلسىزدىكتى قورعاۋ شارالارىنىڭ قولدانىلۋىن تۇگەلىمەن قامتيدى. ەل تاۋەلسىزدىگىنىڭ نەگىزگى نىشانى مەملەكەتتىك ءتىل. قازاقستان رەسپۋبليكاسىنىڭ مەملەكەتتىك ءتىلى – قازاق ءتىلى. تەرەڭ تاريحى بار قازاق ءتىلىنىڭ مولدىعى مەن انا ءتىلىمىزدىڭ مىزعىماس زاڭدىلىقتارى سىرتقى سۇق كوزدەردىڭ دۇشپاندىق پيعىلدارىنا قاراماستان، دامۋ جولىنداعى كەدەرگىلەرگە مويىماي، ىشكى دامۋىنداعى ساياساتىن العا جىلجىتۋدا. دەگەنمەن، پراكتيكالىق جاعىنان قازاق ءتىلىنىڭ مۇشكىل ءحالىن پرەزيدەنتىمىز جۋرناليستەرمەن وتكەن كەزدەسۋىندە حاباردار ەتتى. جۇرەگى قازاق  دەپ سوققان، رۋحى مىقتى ءاربىر قازاق ازاماتى قازاق ءتىلىن مەڭگەرۋدەن قاشپايدى. قازاق جەرىندە جۇرگەندىكتەن تىرشىلىگىنە كەرەك ءار ادام قازاق ءتىلىن كۇندەردىڭ ءبىر كۇنىندە ۇيرەنەدى. سوندىقتان زامان تالابى قازاق تىلىنە كەلىپ تىرەلەتىن بولسا، كەش بولسا دا قازاق ءتىلىن مەڭگەرىپ الادى. كەز كەلگەن ەلدىڭ نەگىزگى شارتى – اينالىمدا ءوز اقشاسىنىڭ بولۋى. تاۋەلسىزدىگىمىزدىڭ نەگىزگى نىشانىنىڭ ءبىرى – ۇلتتىق ۆاليۋتا تەڭگەنىڭ شىعۋى. 25 جىل ىشىندە ءبىز ەلىمىزدىڭ ساياسي جانە الەۋمەتتىك-ەكونوميكالىق دامۋ جولىندا ماقتانارلىقتاي تابىستارعا كۋا بولدىق: باس قالامىز استانا قالاسىن تۇرعىزدىق جانە بۇل قالا الەمدىك فورۋمدار وتكىزىلەتىن ورىنعا اينالدى، ازيادا ويىندارىن وتكىزدىك، ەلىمىز حالىقارالىق بەدەلدى ۇيىمدارعا مۇشە بولۋعا قۇقىقتى بولدى – يسلام كونفەرەنسياسى، شانحاي ۇيىمداستىرۋشىلىق سەرىكتەستىگى. ءبىز قازاقستان حالىق اسسامبلەياسى ينستيتۋتىن قۇردىق، قازىرگى تاڭدا قايتالانباس جۇمىستار وتكىزۋدەمىز جانە باستى قۇندىلىعىمىزدى انىقتادىق – جالپىحالىقتىق پاتريوتتىق “ماڭگىلىك ەل” يدەياسى. وسىنداي جەتىستىكتەرمىزبەن قاتار باس قالامىز استانا قالاسى “الەم قالاسى” سىيلىعىمەن ماراپاتتالىپ، ماز-مەيرام بولىپ قالدىق. ەلوردامىزدىڭ سيمۆولى بولعان “استانا-بايتەرەك” مونۋمەنتى ەلىمىزگە كەلگەن قوناقتاردىڭ ءبىرىنشى قىزىعىپ باراتىن جەرلەرىنىڭ ءبىرى. بۇگىنگى كۇندە استانا قالاسى – ساياسي، مادەني، عىلىمي، ءدىني ماسەلەلەردى قاراستىرىپ، ولاردى شەشۋدە. قازاقستان ورنى بولەك، الدا تۇرعان ەل. ماسەلەن، باسقا ەلدەرگە بارا بەرمەيتىن ريم پاپاسىنىڭ، بىرىككەن ۇلتتار ۇيىمىنىڭ باس حاتشىسى، الىپ مەملەكەت جۇڭگو رەسپۋبليكاسى ءتوراعالارىنىڭ، سول سياقتى ەلدەر باسشىلارىنىڭ قازاقستانعا كەلۋى قازاق بۇرىن-سوڭدى ويلاماعان، ءبىراق تاريحىمىزعا ەنگەن جاڭالىق، ۇلكەن بەتبۇرىس دەۋگە بولادى. ارينە، بۇل كۇن-تۇنسىز جۇمىس ىستەۋ مەن ويلاۋدىڭ ناتيجەسى.

كەڭەس جىلدارىندا ءبىز جابىق ەل بولىپ، باسقا ەلدەرمەن ارالاسا الماي   دامۋدا قالىپ قويعان ەدىك. بىزدەگى جوعارعى وقۋ ورىندارى شەتەل ۋنيۆەرسيتەتتەرىمەن كەلىسىم-شارت جاساپ، ستۋدەنت، ماگيسترانتتاردى شەتەل وقۋ ورىندارىنا جىبەرىپ، ولاردان كەلگەن جاستاردى قابىلداپ، ءبىلىم الۋدىڭ ءتۇرلى جولىن تاپتى. ەگەمەندىك العالى شيرەك عاسىردا قازاقستان قالالارى، اۋىلدارى گۇلدەنىپ وزگەرۋدە. جاڭا ورتالىق – استانانى ايتپاعاندا.رەسپۋبليكامىزدا ناقتى جۇمىس ىستەيتىن نارىقتىق ەكونوميكا قۇرىلعان. ەكونوميكانىڭ جەتەكشى سالاسى ونەركاسىبىمىزدىڭ دامۋى بولىپ تابىلادى. ءوندىرۋشى ونەركاسىپ بويىنشا الەمدىك نارىقتا سۇرانىسقا يە جانە باسەكەلەستىككە قابىلەتتى مەملەكەتتەردىڭ قاتارىندامىز. ءوندىرىس سالاسىمەن قاتار تەمىرجول سالاسىندا دا تىڭ جوبالار جاسالىنۋدا. تەمىرجول جەلىسىنىڭ سالىنۋى ەلدىڭ ەكونوميكاسىن ەسەپتەپ حالىقتان قولايلى جاعداي جاساۋ ماقساتىندا اتقارىلىپ جاتقان جۇمىستار. ال، ەكونوميكانىڭ التىن دىڭگەگى بولىپ كۇرەجول سانالادى. بۇگىنگى كۇندە ەلىمىزدە اۆتوجول جوباسىنىڭ ىسكە اسىرىلۋى قاراستىرىلعان. پرەزيدەنتىمىز قاسيەتتى ورىن، كيەلى مەكەن دەپ ساناعان تۇركىستان اتاۋىنىڭ اتىمەن جانە “بەكەت اتا” دەپ قويعان كەمەلەرىمىز ايدىن كولدەرگە اسەمدىك سىيلاپ تۇر. سونىمەن قاتار، تابىستارىمىزدىڭ ەڭ ءىرىسى “استانا” حالىقارالىق قارجى ورتالىعىنىڭ، قازاقستان رەسپۋبليكاسىنىڭ ينۆەستيسيالار جانە دامۋ مينيسترلىگىنىڭ جانە قازاقستان رەسپۋبيكاسى ەنەرگەتيكا مينيسترلىگىنىڭ ءۇش جاقتى كەلىسىمگە كەلۋى بولىپ تابىلادى. وسى ءۇش جاقتى كەلىسىم ەلباسىنىڭ العا قويعان ماقساتتارى مەن بەرگەن تاپسىرامالارىنىڭ ورىندالۋىنا تىكەلەي اسەر ەتەدى.

بۇگىنگى تاڭدا ۇلت كوشباسشىسىنا اينالعان ەلباسىمىز ن.ءا.نازاربايەۆتىڭ باستاۋىمەن قازاقستان قارقىندى دامۋ ۇستىندە. سوڭعى جىلدارى بۇكىل الەمدى قاجىتقان قارجى-ەكونوميكالىق داعدارىس قازاقستاندى اينالىپ وتكەن جوق. ەلباسىمىز قيىن كەزەڭدە “داعدارىستان-دامۋعا” دەگەن جيىندى جولداۋىن ەل حالقىنا ارناپ، داعدارىستى ەڭسەرۋگە ەل-جۇرت بولىپ كىرىسۋگە شاقىردى، بۇل باعىتتاعى وڭتايلى جولداردى ۇسىندى. ەلباسىمىزدىڭ ستراتەگيالىق جوسپارىندا اۋىل شارۋشىلىعى مەن وڭىرلەردى دامىتۋ ماڭىزدى ءرول اتقارادى. پرەزيدەنتىمىز ن.ءا.نازاربايەۆ اۋىل شارۋاشىلىعىنىڭ ەلىمىز ءۇشىن ماڭىزىن جەتە ءتۇسىنىپ، جاڭا XXI عاسىر باسىندا وسى سالانى دامىتۋ ءۇشىن 2003-2005 جىلداردى “اۋىل جىلى” دەپ جاريالادى. ونداعى باستى ماقسات اۋىل شارۋاشىلىعى ءوندىرىسىن دامىتۋ ارقىلى اۋىلداردى كوركەيتۋ ەدى. سوڭعى جىلدارى ەلىمىزدىڭ اۋىل شارۋشالىعىندا وڭ وزگەرىستەر بايقالۋدا. بۇعان نەگىزىنەن ىقپال ەتىپ وتىرعان ءۇي ماڭىنداعى جەكە شارۋا مەن فەرمەرلىك جەكەمەنشىك شارۋا قوجالىقتارى. اۋىل شارۋشىلىعى سالاسى – قازاقستان ەكونوميكاسىنىڭ نەگىزگى بۋىنى، ەجەلدەن كەلە جاتقان ءداستۇرلى ۇلتتىق كاسىبىمىز، ورنى تولاتىن ستراتەگيالىق تابيعي بايلىعىمىز. حالىقتىڭ ءال-اۋقاتىنىڭ جاقسارۋى الەۋمەتتىك-ەكونوميكالىق جاعدايمەن ولشەنسە، اۋىلدىڭ تاعدىرى اۋىل شارۋاشىلىعى دامۋىمەن تىكەلەي بايلانىستى.

قازاقستاننىڭ العا قويىپ وتىرعان ءىرى جوبالارىنىڭ ءبىرى – EXPO 2017 كورمەسى. EXPO 2017 كورمەسى – حالىقارالىق دەڭگەيدە وتكىزىلەتىن كورمە. ءتۇرلى مەملەكەتتەر وسى كورمەنى وتكىزۋ ءۇشىن حالىقارالىق كورمەلەر بيۋروسىنا ءوتىنىش بىلدىرەدى. سونىمەن استانا قالاسى 161 ەلدىڭ وكىلدەرىنىڭ داۋىس بەرۋى ارقىلى جەڭىسكە جەتىپ، EXPO 2017 كورمەسى وتەتىن ورىن تاڭدالدى. EXPO 2017 تمد ەلدەرىندە وتەتىن العاشقى حالىقارالىق كورمە بولىپ تابىلادى.ەلباسىمىز EXPO 2017 كورمەسىنىڭ ءبىزدىڭ مەملەكەت ءۇشىن وتە ماڭىزدى جوبالاردىڭ ءبىرى ەكەنىن ايتىپ ءوتتى. استاناداعى كورمە 3 ايعا سوزىلادى جانە وعان الەمنىڭ 100-گە جۋىق ەلى مەن 10 حالىقارالىق ۇيىم قاتىسا الادى. كورمەگە 5 ميلليوننان استام ادام قاتىسادى دەپ كۇتىلۋدە. ءبىزدىڭ ەلدىڭ ۇسىنعان كورمەنىڭ تاقىرىبى “بولاشاقتىڭ ەنەرگياسى” بولىپ تابىلادى. بۇل تاقىرىپتى تاڭداۋداعى ءبىرىنشى سەبەبى، ول ەنەرگەتيكاداعى ساپالى وزگەرىستەر جولى مەن ونى تاسىمالداۋ تاسىلدەرىن ىزدەستىرۋگە باعىتتالعانىن كورسەتۋ. ەكىنشى سەبەبى، ورنىقتى ەنەرگيامەن جابدىقتاۋ وسى كۇندە جاھاندىق كولەمدەگى نەگىزگى ماسەلە بولىپ سانالاتىنىن ءتۇسىندىرۋ. ءۇشىنشى سەبەبى، ەلىمىزدىڭ ءداستۇرلى ەنەرگيالىق رەسۋرستاردىڭ ەلەۋلى قورىنا يە بولا وتىرىپ، بالامالى ەنەرگيا كوزدەرىن پايدالانۋ جونىندەگى شارالاردى دايەكتى تۇردە قابىلداۋدا جانە «جاسىل» ەكونوميكا قۇرۋ باعىتىن ۇستانعاندىعى. EXPO بۇكىلالەمدىك بىرەگەي كورمەسى – ماڭىزى جاعىنان دۇنيەجۇزىلىك ەكونوميكالىق فورۋمدارمەن، ال تۋريستىك تارتىمدىلىعى بويىنشا ەڭ تانىمال الەمدىك دەڭگەيدەگى سپورتتىق جارىستارمەن سالىستىرۋعا تۇرارلىق جاhاندىق اۋقىمداعى وقيعا.

ەندى تاۋەلسىزدىكتى العاننان كەيىن سپورت جاعىنان العان جەتىستىكتەرىمىزدى تىزبەكتەيىك. العاشقى كەزدەردە حوككەي ويىندارىنان الدا تۇرعان مەملەكەتتەردىڭ ءبىرى بولدىق. ماسەلەن، قازاقستان حوككەي قۇراماسى 1993 جىلى سلوۆەنيادا وتكەن جارىستا ۇزدىكتەردىڭ قاتارىنان كورىندى. كەيىننەن، ياعني 1995 جىلى ازيا كۋبوگىنىڭ جەڭىمپازى اتاندى. تەك قانا حوككەيدەن ەمەس بوكستان دا الدا تۇرعان مەملەكەتتەردىڭ ءبىرىمىز. مىسالى، ۆاسيليي جيروۆ اتلانتا قالاسىندا وتكەن ويىندا قارسىلاسىن تىزە بۇكتىرىپ ، التىن مەدال الىپ كەلگەن بولاتىن. ونىڭ ىزىمەن ەرماحان يبرايموۆ، بەكزات ساتتارحانوۆ، باقتيار ارتايەۆ، باقىت سارسەكبايەۆ، سەرىك ساپييەۆ، ادىلبەك نيازىمبەتوۆ، دانيار ەلەۋسىنوۆ سىندى سپورتشىلارىمىز ەلىمىزدىڭ التىن قورجىنىن كوبەيتتى. سپورتتان تەك قانا جىگىتتەرىمىز ەمەس قىزدارىمىز دا جۇلدەلى ورىن الىپ، ءبىزدى قۋانتۋدا. وعان دالەل، زۋلفيا چينشالو مەن ماييا مانەزانىڭ ەرەكشە كوزگە ءتۇسىپ، قارسىلاستارىنىڭ الدىن وراۋى. ال ءقازىر تەك قازاقستانعا عانا ەمەس كۇللى دۇنيە جۇزىنە تانىلعان جانسايا ابدىمالىك شاحمات جاعىنان جارىستارعا بارىپ ءوزىن كورسەتەۋدە. ارينە، وسىنداي جەتىستىكتەرىمىزدى ايتىپ ماقتانىپ وتىرعانعا نە جەتسىن!؟ ايتقان جەتىستىكتەرمىز وسى بولسا، ءالى ايتپاعاندارىمىز قانشاما... الايدا، سوڭعى ۋاقىتتا ساياسات، مەملەكەتتىڭ ىسىنەن بولەك، سپورتتا دا ادىلدىك بولماي جاتادى. وسى ماسەلە ءبىزدىڭ ەلدىڭ باسىنان دا ءوتتى. سول سەبەپتى ەڭ ءبىرىنشى وز-وزىمىزگە ادال بولايىق سونان سوڭ ەلىمىزدىڭ باسىنان وتكەن ادىلەتسىزدىكتەردى سارالاپ، العا قاراي جىلجيىق.

قازىرگى، بولاشاق قازاقستان – بۇل ەلباسىمىز نۇرسۇلتان ءابىشۇل ى نازاربايەۆتىڭ تىنىمسىز ەڭبەگى مەن الەمدىك قاۋىمداستىقتىڭ الدىنداعى وراسان ابىرويىنىڭ لايىقتى ناتيجەسى. ونىڭ دانا ساياساتىنىڭ، دارا كوشباسشىلىعىنىڭ ارقاسىندا ەلىمىز ەرەن جەتىستىكتەرگە قول جەتكىزدى. ءار كەزدەرى ۇلت كوشباسشىسى ءبىلىم مەن عىلىمعا، ۇستازدار مەن جاستاردىڭ الەۋمەتتىك ماسەلەلەرىن شەشۋگە كوڭىل ءبولىپ وتىراتىندىعى كوڭىلگە دەم بەرەدى. ەلباسى ساياساتىن قولداعان كاسىپوداقتار حالىقتىڭ ءال-اۋقاتى مەن تۇرمىسىنىڭ جاقسارۋىنا كۋا بولىپ، ازاماتتىق قوعامنىڭ قالىپتاسۋىنا ۇلەس قوسىپ كەلەدى. مۇنىڭ بارلىعى دا بۇگىنگى تاۋەلسىزدىگىمىزدى تۇعىرلى ەتۋ جولىنداعى تۇڭعىش پرەزيدەنتىمىز – ەلباسىنىڭ ەسەلى ەڭبەگىنىڭ، كورەگەن ساياساتىنىڭ جەمىسى.

تاۋەلسىزدىك- كەز كەلگەن مەملەكەتتىڭ ۇلكەن ۇلان اسىر توي قىلىپ وتكىزەتىن مەرەكەسى. حالىقتىڭ قايتا جاڭعىرىپ، تۋىلعان كۇنى. بولاشاققا ەركىن، ۇلكەن سەنىممەن قادام باساتىن ۇعىم. ال تاۋەلسىز ەل بولۋ دەگەنىمىز، ەڭسەڭدى كوتەرە ءجۇرىپ، ۇرپاقتان-ۇرپاققا مول مۇرا بولىپ قالاتىن ءسالت-داستۇرىڭدى، ءتىلىڭدى، ءدىنىڭدى قاستەرلەۋ دەگەن ءسوز. تاريحى تەرەڭدە جاتقان مەملەكەتىمىزدىڭ جاڭا زامانعا تۇلەگەنىنە 25 جىل تولدى. بۇل كەزەڭدە دۇنيەجۇزىنىڭ ساياسي كارتاسىندا الەمنىڭ بارلىق مەملەكەتتەرى مويىنداعان قايراتتى دا جىگەرلى جاس مەملەكەت پايدا بولدى. وسىنداي كۇشىمىزدەن ايىرىلماۋىمىز كەرەك. ءار قازاقستان رەسپۋبليكاسىنىڭ ازاماتى قازاق ءتىلىن ءبىلىپ، ءداستۇرىن قۇرمەتتەپ، وتىنىن ءسۇيىپ، قورعاۋ كەرەك. ەلىمىزدىڭ جەتىستىكتەرىنىڭ ءالى الدا ەكەنىنە سەنۋىمىز كەرەك. تەك قانا ەڭبەكپەن، بىلىممەن، ۇمتىلىسپەن جانە بىرلىكپەن دامىتاتىنىمىزدى ۇمىتپاۋىمىز كەرەك. ۇلت قۇندىلىقتارىن بەرىك ساقتاۋىمىز كەرەك. ەركىن بولۋعا جول تاڭداعان، ەگەمەن ەلىمىز – قازاقستاندى كوركەيتىپ، ابىرويىن اسىرىپ، بەرەكەلى دە مەرەكەلى ەل ەكەنىن، ءبىلىم مەن بيلىك جولىن تاڭداعان كەيىنگى ۇرپاقتارعا تاۋەلسىزدىك امانات. 25 جىلدىق بىزگە تەك باقىت پەن ىرىس اكەلسىن! 

---